AGENDRE WOGO’O IRAONO SI LÖ MUBAYAGÖ IDANÖ

Table of Contents

 

AGENDRE WOGO’O IRAONO SI LÖ MUBAYAGÖ IDANÖ

(Labe’e sitou hasi ba lewatö)

 

1.    Manunö: BZ. No 406. ATULÖ WAMATÖRÖ ZO’AYA Lala: Sowanua ba Danö (No. 418)

·      A tulö wamatörö Zo’aya ya’ita.

He sauri he si mate oi khö-Nia ita.

·     Si manö göi nonoda, si fabali khöda.

No oi amatöröẅa Keriso So‟aya.

·     Lö khöda famadöni, ba danga Zo‟aya.

Me nihonogöi-Nia, wa‟anau nosoda.

2.    Fangowai

 L:  Ya ohahau dödömi, Ya faofao khömi Lowalangi!

 J:  Ya fao khöu Geheha-Nia

3.    Fogo’o

 L:Imane taroma Li Lowalangi: Lö niwöwöi-Gu ya’ugö na, ba dalu ninau, ba noa sa’ae U’ila’ö; (Yeremia 1:5a)

Ya’ami ira talifusö ni’omasi’ö Lowalangi.

Da tatanö nono andre ba nowi Lowalangi. Lo anehe sibai ita na wa’aurinia, ba faduhu dödöda wa Lowalangi somböi banua si yawa awö danö ba sokhö fa’auri I’omasi’ö fefu niwöwöi danga-Nia. Börö da’ö faduhu sibai dödöda me no Ifabu’u wa’auri si lö aetu ba mbanua-Nia. No’omasiöda nono andre, ba hiza’i abölö I’omasi’ö ia Lowalangi.

Me no soroiyomo Lowalangi ita, ba hewa’ae lö nirasoi nono andre hewisa lala wa’uri ba guli danö andre, he fa’omusö dödö, ba fa’abu dödö; he fa’ohahau dödö, ba famakao. Ba ba khö Lowalangi no isöndra wa’ohahau dödö ba nahia golombasewa irugi we’aso Zo’aya ya’ita Yesu Keriso ba luo safuria.

Börö da’ö ba khö zatua nono andre, böi ahani ba wa’abu dödö, börö tenga si taya nono andre, no so ia ba naha nohonogöi Nama sangomasi’ö ya’ia.

 J: Yaduhu

 L: Ya’ami ira talifusö. Börö me Lowalangi zokhö fa’aurida andre, ba no Ifuli Ihalö nono andre, andrö tatou’ö mboto nono andre ba lewatö:

·         Tanö ba danö    (tetibo’ö dambu)

·         Awu ba nawu    (tetibo’ö dambu)

·         gawugawu ba gawugawu (tetibo’ö dambu)

Imane khönia Yesu: Ya’odo wemaoso ba fa’auri, samati khögu, ba auri, he wa’ae mate ia. Ba dozi sauri, samati khögu, ba lö mate, irugi zi lö aetu.  (Yohane 11:25-26).

 

5. Manunö: BZ. No: 407. HE YESU, AE RARA DÖDÖMA Lala: Sowanua ba Danö  (No. 418)

1.    He Yesu, saẅatöma, ae raradödöma.

Me no fabali khöma, nono somasiga.

2.    Fasugi ba dödöma, wozu wa’aurima,

wa si mate ndra’aga, si mane onoma.

6.   Fangandrö:

He Lowalangima si so ba zorugo! Fefu gohitö dödö-Mö ba oi aekhu ba zi sökhi ba atulö irugi zi lö etu. No Ö’ila ndra’aga fefu, awö ndra talifusöma andre sabutödö, me no Ökaoni mangawuli nono andrö side’ide. Lowalangi zame’e ba Lowalangi zangai mangawuli. Andrö ma’osara’ö dödöma wanou’ö ya’ia ba khö-Mö. Me no ya’ugö zokhö ya’aga awö ndaronoma fefu.

Be’e wondrara dödö ba wa’abu dödöra andre, ena’o lö awuwu wanötönara si mane niha si lö fanötöna. Botokhi ba dödöra wa fefu gohitö dödö Lowalangi ba oi ba zi sökhi manö, ena’ö terara dödöra ba wa’abudödö andre, ba amualagö wa’aomusodödö ba wamaondragö fe’aso Zo’aya ya’aga Yesu Keriso. Endonga lida ba wangandrö Zo’aya……Yaduhu

6. Howuhowu

7. Manunö: Duhu – Duhu – Yaduhu