AGENDRE FASUMANGETA BA WAMATÖRÖ TÖI NDRAONO

Table of Contents

 

 

AGENDRE FASUMANGETA BA WAMATÖRÖ TÖI NDRAONO

FAMOROGO

1.       Manunö: Buku Zinunö No: 3. MASUNO’Ö YEHOWA

Ma suno’Ö Yehowa, fa’abölö-Mö masuno. Khö-U mangalulu niha, oi ahölihöli dödö.Lowalangi Yehowa, götögötö wa’a ra.

2.       Fehede famaehagö moroi ba keluarga

 

FASUMANGETA KHÖ LOWALANGI

Fangowai

Sondrönia’ö	Moroi ba wa’omasi Lowalangi, fao ita ba wa’owuawua dödö wongambatö ba nahia andre, andrö u’owai ami ba döi Zo’aya ya’ita Yesu Keriso. Ya’ahowu
Sato	Ya’ahowu
Sondrönia’ö	Ya faofao khömi Lowalangi
Sato	Ya fao khöu Geheha-Nia.

 

3.       Manunö: Mbuku Zinunö No: 14:1-2 SUNO YESU, TASUNO YESU

Suno Yesu, tasuno Yesu, si sökhi tödö si lö tebulöbulö, ba khöda lö mamalömalö, lö mamalömalö.

He So’aya, sebua tödö Ndra’ugö khöma, Ma’andrö saohagölö ia khö-U. Masuno Ndra’ugö, masuno Ndra’ugö.

4.       Fanga’aro’ö  Wa’owulo + Fangandrö

Sondrönia’ö	Da tahonogö dödöda ba wahasambua khö Lowalangi: “No owulo ita ba da’e ba döi Lowalangi Ama, ba döi nono-Nia Yesu Keriso, ba ba döi Geheha Ni’amoni’ö.
Sato	Yaduhu
Sondrönia’ö	Mi’andrö saoha gölö khö Yehowa, me si sökhi tödö Ia; me no si lö aetu wa’ebua dödö-Nia andrö! (Sin. 136, 1).
Sato	BZ 13. SUNO ZO’AYA YA’UGÖ TÖDÖ Suno Zo’aya ya’ugö tödö, böi ae atage dödögu Suno döi-Nia ni’amoni’ö, böi olifu’ö nibè khöu. Si no Ibè buala khöu, böi aefa’aefa ba dödöu, Haleluya, Haleluya.
Sondrönia’ö	Mangandrö ita:….

 

5.       Fomaso Taroma Li Lowalangi  (Nifagemagema, ba tola göi ha sondrönia’ö zombaso)

Sondrönia’ö	Hiza, okhöta nibe’e Yehowa ndraono, böli gölö nga’ötö andrö (Sin 127:3)
Fongambatö	Owuawua dödögu ibe’e Yehowa; no alaẅa yaẅa dandrugu Ibe’e Lowalangigu… (1 Sam 2:1a).
Sato	Suno Yehowa, ya’ugö tödögu, ba hadia ia zi so bakha ba dödögu, fefu, ba ya musuno döi-Nia ni’amoni’ö andrö! (Sin 103:1)
Sondrönia’ö	Si mane fa’alaẅa mbanua si yaẅa sa, yaẅa danö, si manö wa’ebua dödö-Nia ba zangata’ufi ya’ia (Sin 103:11)
Fongambatö	Si mane otaluara gatumbukha gaekhula, si manö wa’ebua gotaluada lalöda Ibe’e (Sin 103:12)
Sato	Si mane fa’ahakhö dödö nama nononia, si manö wa’ahakhö dödö Yehowa zangata’ufi ya’ia (Sin 103:13)
Endronga fefu	Misuno Yehowa, ya’ami nifazökhi-Nia fefu, fefu gofu heza, ba gamatöröwa-Nia. Suno Yehowa, ya’ugö tödögu! (Sin. 103:22). Yaduhu.

 

6.       Manunõ BZ 13. SUNO ZO’AYA YA’UGÖ TÖDÖ

No tödö nama ba ndraononia, dödö Zo’aya ya’ita. Dozi sangata’ufi Ya’ia, oi Ibönökhi zoguna. Sebua tödö sa Ia, no götögötö wa’ara, Haleluya, Haleluya.

 

7.       Fama’ema Taroma Li Lowalangi

 

8.       FAMATÖRÖ TÖI + FANGANDRÖ

a.       Famagölö wame’e töi (keluarga) b.       Fangombakha töi ba zato c.        Manunö BZ 16:1 NISUNO LOWALANGIDA SAHAKHÖ TÖDÖ Nisuno Lowalangida, sahakhö tödö ba niha, si no elungu taya. Me sangerogö Yehowa, niha ba gulidanöda, no moroi ba mböröta. Duhu, duhu, möi Keriso wogaoni si no elungu, I’efa’ö horö fefu. d.       Fangandrö  (moroi ba keluarga + Sangai Halöwö)

 

9.       Fama’ema Fasömbata Fangandrö Saohagölö ba Manunö : Buku Zinunö No: 313 “SOWUAWUA TÖDÖ”

Sowuawua tödö ndra’o me fa’aurigu Yesu Keriso. Yaẅa ba röfa Ihölido, fa tola möido ba zorugo. Reff: Ba manunödo soroi dödö, usuno Ia lö mamalö.  Ba manunödo soroi dödö, usuno Ia lö mamalö.

Ululu fefu wa‟aurigu, amatöröẅa Keriso Yesu. Usuno Ia si lö aetu, me solomasi Ia khögu. Reff. Ba manunödo soroi dödö, ....

 

10.    Fangandrö Salahi + Fangandrö Zo’aya + Famatenge + Howuhowu         

 

11.     Manunö: Duhu – Duhu – Yaduhu

 

12.    YA’AHOWU