SURA YOHANE III
SURA
YOHANE III
YOHANE
III.
Faza
1
I.
Fangowai Yohane Gayo andrõ. II. Fa’omuso dõdõnia, me
itõrõ lala si sõkhi Gayo, ba me ahakhõ dõdõnia zi numana. III. Mangarõngarõ ia
ba khõ Dioterefe andrõ, ba isuno Demeterio. IV. Fango’ozui sura.
1 I.
Satua andrõ zanura da’e, khõ, Gayo ni’omasi’õ somasi ndra’o, si ndruhundruhu. (Yoh.
II. a. 1. Rom. 16, 23).
2 He
ya’ugõ
ni’omasi’õ! Fefu hadia ia khõu,
ba omasido, na ohahau dõdõu, ba na lõ fõkhõu, si mane fa’ohahau dõdõu ba nosou.
3 II. No omuso
sibai dõdõgu, me so dalifusõ andrõ, samaduhu’õ si duhu andrõ, khõu,
wa õtõrõ lala zi duhu. (Yoh. II. a. 4).
4 Fondrege
wa’omuso
dõdõgu da’õ,
na urongo, latõrõ lala zi duhu iraono khõgu.
5 He
ya’ugõ
ni’omasi’õ! Satulõ nilaumõ ba
dalifusõ andrõ, mendrua manõ, me no niha bõ’õ ira,
6 samaduhu’õ fa’omasiu, ba zi so banua,
ba sõkhi, na õtolo ira, ba wofanõ, si nangea ba khõ Lowalangi.
7 Bõrõ
sa dõi andrõ, wa mofanõ ira, ba lõ lahalõ hadia ia ba niha baero. (Mat. 10, 8.
Kor. I. 9, 12 b. t.).
8 Andrõ
mo’õmõ
ita, tatolo zi mane ya’ira andrõ, ena’õ sanolo ba halõŵõ
ita, ba zi duhu andrõ. (Mat. 10, 40. Rom. 16, 2).
9 III. So zi no usura
ba mbanua; ba lõ itemaga Dioterefe andrõ, somasi na sebuara ia.
10 Andrõ ufasugi ba dõdõnia mbuabuania, na sodo, nilaunia,
wamatou ya’aga,
fehede si lõ sõkhi; ba ambõ na da’õ, lõ’õ gõi ifa’amõi khõra dalifusõ
andrõ, ba itenaŵa zedõna mama’amõi ya’ira mena’õ, i’efa’õ ira banua.
11 He ya’ugõ ni’omasi’õ! Bõi o’õ zi lõ sõkhi, si sõkhi
o’õ.
Moroi ba Lowalangi zolau si sõkhi; solau si lõ sõkhi, ba lõ irai i’ila Lowalangi. (Fet.
I. 3, 11. 13. Yoh. I. 2, 29).
12 Dozi lafaduhu’õ Demeterio andrõ, ba ifaduhu’õ gõi ia si duhu; ba ya’aga gõi, ba mafaduhu’õ ia, ba no õ’ila, wa no si duhu
wamaduhu’õma.
(Yoh. 21, 24).
13 IV. Oya nisuragu
khõu ena’õ,
ba lõ edõnado ufake daŵa ba fanura, ba wanura ya’ia khõu; (Yoh. II. a.
12);
14 udõnadõna, alio falukha ita, ba fahuhuo ita dania.
15 Ya’ohahau dõdõu! La’owai ndra’ugõ si fahuwu andrõ.
Owai zi fahuwu, õtõtõi dõira. (Fet. I. 5, 14).
Posting Komentar