SURA YOHANE II
SURA
YOHANE II
YOHANE
II.
Faza
1
I.
Fangowai Yohane Kiria andrõ. II. Fa’omuso dõdõnia ba mbuabuara
si sõkhi andrõ. III. Famangelama, ba zamaelungu andrõ. IV. Fango’ozui sura.
1 I.
Satua andrõ zanura da’e, khõ Kiria nituyu andrõ, ba ba nononia
andrõ, somasi ndra’o si ndruhundruhu. Ba tenga ha ya’o, no dozi tánõ bõ’õ gõi, si no aboto ba
dõdõ si duhu. (Yoh. III. a. 1).
2 Bõrõ
zi duhu andrõ, si lõ tebulõ ba dõdõda, si lõ aefa khõda, irugi zi lõ aetu. 3 Yafalukha ami wa’ebua dõdõ, awõ wa’ahakhõ dõdõ, awõ wa’ohahau dõdõ, khõ
Lowalangi Ama, ba khõ Yesu Keriso, Ono Nama andrõ, ba wa’aduhu ba ba wa’omasi. (Tim. I. 1, 2).
4 II. No omuso
sibai dõdõgu, me no usõndra, ba nonou andrõ, zanõrõ lala zi duhu, solo’õ oroisa andrõ,
nitemada khõ Nama. (Yoh. III. a . 3).
5 Ba
iada’e,
ba u’andrõ
khõu, ya’ugõ
Kiria, tenga hulõ na oroisa si bohou usura khõu, no oroisa si no so khõda, i’otarai mbõrõta, ena’õ faoma ta’omasi’õ nawõda. (Yoh. I. 3,
11. 23).
6 Ba
da’õ
wa’omasi
andrõ, ena’õ
tatõrõ lala goroisania. Da’õ goroisa, ena’õ mitõrõ, si mane
nirongomi, i’otarai
mbõrõta. (Yoh. I. 5, 3. Yoh. 15, 10).
7 III. Noa sa ato
zamaelungu, si no mõi ba niha ba guli danõ, si lõ manehe, wa no tobali õsi niha
Yesu Keriso. Da’õ zamaelungu, da’õ zi fa’udu andrõ, khõ Keriso.
(Yoh. I. 2, 18; 4, 1—3).
8 Mi’angelama, fa bõi aekhu
gõlõmi, ba halõŵõmi andrõ, ena’õ ahori mitema luo. (Fam. 3, 11).
9 Dozi
sanalu’i,
si lõ ahono ba wamahaõ Keriso andrõ, ba lõ Lowalangi khõra; ba zi lõ tebulõ ba
wamahaõ andrõ, ba da’õ so Nama, fabaya Ono. (Yoh. I. 2, 23).
10 Na so zi mõi khõmi, si lõ molohe famahaõ da’õ, ba bõi mifa’amõi ia yomo, ba bõi
mi’owai
ia. (Tes. II. 3, 14. Kor. I. 16, 22. Gal. 1, 8. 9).
11 Awõnia ba mbuabuania si lõ sõkhi andrõ na so zangowai ya’ia.
12 IV. Oya nisuragu
khõmi ena’õ,
ba lõ omasido ufake garate ba taŵa; udõnadõna sa mõido khõmi, ba fahuhuo ita,
ena’õ
mo’ahonoa
wa’omuso
dõdõda. (Yoh. III. 13, 14. Yoh. I. 1, 4).
13 La’owai ndra’ugõ ono nakhiu ira
alawe nituyu andrõ.
Posting Komentar