SURA FETERO
SURA
FETERO
FETERO
I.
FAZA
1
I.
Fangowai. II. Fanuno Lowalangi, me no ifaigi khõda wangorifi, ba khõ Keriso Yesu.
III. Famarou tõdõ, ba wanõrõ lala si sõkhi.
1 I. Fetero zanura
da’e,
sinenge Yesu Keriso andrõ, khõmi si fatewu, nitutuyu andrõ, sizaewe ba Wondro,
ba ba Galatia, ba ba Gafadokia, ba ba Azia, ba ba Mbitinia, (Yoh. 7, 35. Yak.
1, 1),
2 dali
wangohonogõi Lowalangi Ama, fõna, ba wangehao Geheha andrõ, ba wolo’õ, ba ba wanefe ya’ami do Yesu Keriso
andrõ. Yafahõna khõmi wa’ebua dõdõ ba fa’ohahau dõdõ. (F. 2, 9.
Rom. 8, 29. Heb. 12, 24. Fet. II. 1, 2).
3 II. Nisuno
Lowalangi, Ama Zo’aya ya’ita, Yesu Keriso, si no mamuli mangadonogõ ya’ita, dali wa’ahakhõ dõdõnia andrõ,
si no fahõna, ba wanõtõna andrõ, si tenga faya, moroi ba wemaoso Yesu Keriso
andrõ, moroi ba ngai zi mate, (Efes. 1, 3; 2, 4 b. t. Rom. 6, 4),
4 ba wanema
ondrõita andrõ si lõ taya, si lõ si lõ gõna, si lõ ariri, ni’iro’õ khõmi ba zorugo; (F.
5, 4. Kol. 1, 5);
5 khõmi nirorogõ
fa’abõlõ
Lowalangi andrõ, balazi wamati, ba wanema fa’auri si lõ aetu andrõ,
si no awai, ba wangoroma’õ ya’ia, na luo safuria andrõ. (Efes. 2, 6. 7. Yoh.
10, 28).
6 Ba da’o owuawua dõdõmi, ya’ami, sabu tõdõ iada’e ma’ifu, na moguna, ba wa’oya ngawalõ
wanandraigõ andrõ. (F. 4, 12. 13; 5, 10. Yoh. 16, 20. 22. Heb. 12. 11).
7 Ena’õ tetandraigõ
wamatimi, ba ena’õ tesõndra, ebua mbõlinia, moroi ba mbalaki, si tekiko sa atõ,
nitandraigõ ba galitõ, ena’õ falukha ami tesuno ami, ba mo akhõmi ami, ba
tefosumange ami, ba wa’ato’ele Yesu Keriso andrõ, (Rom. 2, 10. Yak. 1, 3.
F. 4, 13. Amaed. 17, 3),
8 somasi ami, he ŵa’ae lõ mirai falukha,
si faduhu dõdõmi iada’e, he ŵa’ae lõ mi’ila ia, ba no owuawua
dõdõmi ba da’õ;
tebai laŵa’õ
ha wa’abõlõbõlõ
wa’omuso
dõdõ andrõ, si no si ndruhu, (Yoh. 20, 29. Kor. II. 5, 7),
9 me misõndra wozu
wamatimi andrõ, fangorifi noso andrõ. (Tim. II. 2, 10. Heb. 10. 39).
10 Fangorifi andrõ
nifatoutou zama’ele’õ andrõ, da’õ ni’alualuira tõdõra, sama’ele’õ fa’ebua dõdõ andrõ, si
falukha ami. (Dan. 2, 44. Hag. 2, 7—9. Mat. 13, 17).
11 No la’alualui ha wa’ara ba he wisa ni’õtõ Geheha Keriso
andrõ, sangõhõnagõ famaduhu’õ ba dõdõra, wama’ele’õ famakao andrõ,
nitaha Keriso, awõ lakhõmi andrõ, na no aefa wamakao. (Dan. 9, 24; 12, 7 b. t.
Luk. 24, 26 b. t. Heb. 2, 9).
12 Ba te’oroma’õ khõra, wa tenga khõra,
wa khõmi halõŵõra ba ngawalõ hadia ia andrõ, si no mufa’ombakha’õgõ khõmi iada’e, ba zangombakha turia
somuso dõdõ andrõ, ba khõmi, balazi Geheha ni’amoni’õ andrõ, nifatenge
moroi ba zorugo; mala’ika gõi zomasi mamaigi da’õ. (Hal. zin. 2, 30 b.
t.).
13 III. Andrõ mi’a’aro’õ dõdõmi, bõi ambõ
gera’erami,
midõnadõna manõ ba wa’ebua dõdõ andrõ, ni’oro’õ khõmi ba wa’ato’ele Yesu Keriso andrõ.
(F. 5, 8. Luk. 12, 35).
14 Si mane ono solo’õlo’õ li, bõi si mane amuata
fõna, ba gisõ’isõmi
andrõ fõna, me lõ mi’ila watahõgõ. (Efes. 4, 17 b. t.).
15 Tuladami ni’amoni’õ andiõ, si no mogaoni
ya’ami,
si manõ gõi mi’amoni’õ ami, ba mbuabuami
andrõ, fefu, (Kor. II. 7, 1),
16 me no so ba zura:
”Mi’amoni’õ ami, me no ni’amoni’õ ndra’odo.” (Moz. III. 11,
44).
17 Ba na fa’ama ami khõ zi lõ
mamaigi bawa niha, wanguhuku, same’e balazi buabua zamõsana, ba mi’ata ufi zi lõ gõna buabuami,
gõtõ wekolimi andrõ; (Rom. 2, 6—11. Heb. 12, 28);
18 me no mi’ila, tenga hadia ia zi
tekiko, firõ, ba ma ana’a hõlimi ba huku faya, andrõ, khõ ndra tua,
(Kor. I. 6, 20. Efes. 4, 17),
19 no do sebua bõli
hõlimi, hulõ ndro nono mbiribiri si lõ sinegu, si lõ si ta’unõ, do Keriso andrõ,
(Heb. 9, 14),
20 nihonogõi sa
fõna, me lõ mufobõrõ danõ na, ba nifa’ele’õ ba gõtõ safuria andre, bõrõ ami, (Rom. 16,
25. Tim. II. 1, 9. 10),
21 samati ba
Lowalangi, moroi khõnia, ba Lowalangi si no manusugi ya’ia moroi ba ngai zi
mate, si no mame’e lakhõmi khõnia; tobali fanõtõna ba Lowalangi gõi wamatimi
andrõ. (Hal. zin. 2, 24. 33. Heb. 7, 25).
22 Me no mihaogõ
dõdõmi, ba wolo’õ si duhu, ba wangomasi’õ talifusõ, fa’omasi, si lõ famini
tõdõ, ba faoma moroi si’aikõ ba dõdõmi mi’omasi’õ nawõmi. (Rom. 12,
10. Yoh. I. 3, 18).
23 Si no mendrua tumbu
ami, tenga moroi ba danõmõ sobou dania, no moroi ba zi lõ obou, no moroi ba
daroma li Lowalangi andrõ, sauri, ba si lõ tebulõ. (Yoh. 1, 13. 14. Yak. 1,
18).
24 Me no ”hulõ ndru’u nõsi guli danõ, ma’afefõe, ba fefu lakhõminia
andrõ, ba hulõ mbowo ndru’u; aleu ndru’u andrõ, ba atoru
mbowo, (Yes. 40, 6—8),
25 ba irugi zi lõ
aetu, ba lõ tebulõ daroma li Zo’aya andrõ.” Ba da’õ daroma li andrõ, ni’ombakha’õ ba khõmi, turia somuso
dõdõ andrõ. (Sin. 119, 89. 96).
FETERO I.
FAZA 2
I.
Famarou tõdõ ba wangehao tõdõ, ba II. ba wolo’õ li zalaŵa, ba III. ba wanaõgõ si lõ atulõ.
1 I. Ba milohõli fefu wa’afaito, awõ ngawalõ walimosa
fefu, awõ wamini tõdõ, awõ wa’afõkhõ dõdõ, awõ ngawalõ
wamõbõgõ si lõ sõkhi, fefu. (Efez. 4, 22. 31. Yak. 1, 21).
2 Hulõ ndraono sawena tumbu,
omasi ami zusu andrõ, si oroi daroma li andrõ, si lõ si faruka, ena’õ tedou ami, ba khõnia andrõ,
fangorifi, (F. 1, 23. Heb. 5, 13),
3 na no mitandra wa’asõkhi dõdõ Zo’aya. (Sin. 34, 9).
4 Na mi’ondrasi ia, gowe sauri andrõ,
nitibo’õ niha sa, ba nituyu Lowalangi, sebua bõli khõnia;
(Kor. I. 3, 11. Sin. 118, 22. Mat. 21, 42);
5 ba mibe’e nifa’anõ gõi ami, gowe sauri, omo
Geheha, ba wo’ere ni’amoni’õ ba wame’e sumange ni’a’asogõ Geheha, somasi Lowalangi,
balazi Yesu Keriso. (Efes. 2, 21 b. t. Yes. 61, 6. Rom. 12, 1).
6 Me no si mané ba zura:
”Hiza, ube’e ba Ziona gowe, toyo ba watalinga, nituyu,
sebua bõli, ba samati khõnia ba tebai aila.” (Yes. 28, 16).
7 Ba fa’ebua dõi khõmi, ya’ami samati; ba ba zi lõ mamati,
ba no tobali toyo ba watalinga gowe andrõ, nitibo’õ zotomo andrõ, no tobali gowe
nitendre, ba kara bõrõ wa’ate’ala, (Hal. zin. 4, 11. Yes. 8,
14),
8 manendre ira, me lõ la’o’õ daroma li andrõ; ba da’õ gõi nihonogõi khõra. (Luk. 2,
34).
9 Ba ya’ami, ba mado nituyu, ere salaŵa,
soi ni’amoni’õ, banua tána khõ Lowalangi;
ena’õ mituriagõ gamuata zogaoni ya’ami, moroi ba zogõmigõmi, ba
hagania andrõ, sahõlihõli dõdõda. (Moz. II. 19, 5. 6. Fam. 1, 6. Tit. 2, 14.
Kol. 1, 12. 13).
10 Ya’ami si tenga banua fõna, ba si
no banua Lowalangi iada’e, si lõ muhakhõsi tõdõ fõna,
ba si no muhakhõsi tõdõ iada’e. (Hos. 2, 23. Rom. 9, 25).
11 He ya’ami ni’omasi’õ! ufarou dõdõmi, me no si
fatewu ami, me no sikoli: bõi mifa’amõi ba dõdõmi wangisõ nõsi
niha andrõ, si fa’emali ba dõdõ. (Sin. 39, 13.
Rom. 13, 13. 14).
12 Ba mihaogõ mbuabuami, ba
gotalua niha baero andrõ, ena’õ lasuno Lowalangi, na baŵa we’amõinia, bõrõ mbuabuami andrõ
si sõkhi, na latõngõni da’õ, na no labõbõgõ khõmi zi lõ
sõkhi. (F. 3, 16. Fil. 2, 15. Mat. 5, 16).
13 II. Ba mi’o’õ fefu nifakhoi niha bõrõ Zo’aya ya’ita, he razo, fondrege zalaŵa,
14 ba he kumandru andrõ,
nifatengenia, ba wangotu’õ sanao horõ andrõ, ba ba wanuno
solau si sõkhi. (Rom. 13, 1 b. t.).
15 Si manõ sa zomasi
Lowalangi, folau si sõkhi labe’e fama’afu mbawa ba wa lõ mangila
andrõ, ba niha sambõ era’era. (F. 3, 9. Tit. 2, 8).
16 Si mane si tenga sawuyu,
ba bõi si mane same’e balubalu walõsõkhi wa no
tenga sawuyu ira; si mane enoni Lowalangi. (Gal. 5, 1. 13).
17 Dozi niha mifosumange, mi’omasi’õ watalifusõta, mi’ata’ufi Lowalangi, mifosumange
razo. (F. 4, 8. Rom. 12, 10. Fam. 14, 7. Mat. 22, 21).
18 Ya’ami, sangai halõŵõ, mi’o’õ li zokhõ ya’ami, mi’ata’ufi sibai ira, bõi ha ba zi sõkhi,
sebolo tõdõ, ba zafaito gõi. (Efes. 6, 5 b. t.).
19 III. Da’õ sa zomasi Lowalangi, na
itaõgõ wamakao niha, me itõrõ tõdõnia Lowalangi, na itaha zi lõ atulõ. (Mat. 5,
10. 39 b. t.).
20 Hadia sa duria da’õ, na mitaha, na la’otu’õ ami, me no so zalami? Ba na
mitaha na lafakao ami, me no milau zi sõkhi, da’õ zomasi Lowalangi. (F. 3, 14.
17; 4, 16).
21 Ba da’õ sa tekaoni ami, me no itaõgõ
gõi wamakao Keriso, salahimi, ba me no irõi wamaedo khõmi, ena’õ mitara lahenia. (F. 3, 18. Luk.
9, 23. Yoh. 13, 15). 22 Ya’iá, lõ nifazõkhinia horõ, ba lõ
murongo walimosa ba mbewenia. (Yes. 53, 9. Kor. II. 5, 21).
23 Me lahedehede’õ ia, ba lõ ifuli ihedehede’õ; me lafakao ia, ba lõ
ifangaha wolau balõ, ibe’e ba danga zangatulõ’õ fanguhuku andrõ. (Yes. 53, 7.
Yoh. 8, 48—50).
24 No i ohe yaŵa ba dõla geu
andrõ horõda, ba mbotonia, ena’õ aefa ita ba horõ andrõ, ba
ena’õ auri ita ba zatulõ; moroi ba zo khõnia
andrõ, wa dõhõ wõkhõmi. (Kol. 1, 21. 22. Rom. 6, 11. Yes. 53, 5).
25 Hulõ mbiribiri sa, si no
elungu, ami fõna, ba noa sa’ae mifuli ami khõ gubalo dõdõmi
andrõ, khõ zamaigimaigi ya’ia. (Yes. 53, 6. Yoh. 10, 11.
14).
FETERO I.
FAZA 3
I.
Amakhoita ba zi faronga. II. Famarou tõdõ zato, ba mbuabua si sõkhi.
1 I. Si manõ gõi ndra
alawe, ndramu’o’õ li ndra matuara, ena’õ tedõnisi da’õ, ba mbuabua ndra alawe andrõ,
he lõ hedehede, na so õsa, zi lõ mamati ba daroma li andrõ, (Efes. 5, 22 b. t.
Kor. I. 7, 13—16),
2 na lanehegõ mbuabuami, wa
mi’ata’ufi zi lõ sõkhi, awõ wa no ohauhau
ami.
3 Bõi fangehao baero
wangehao zi manõ, bõi fondrandra bu ba fo’aya ana’a ba fonukha; (Tim. I. 2, 9 b.
t.);
4 fangehaora niha bakha
andrõ, si no tobini, tõdõ andrõ, ba zi lõ tebulõ wa’ebolo dõdõ ba fa’ahonohono, si no omasiõ
Lowalangi. (Sin. 45, 14).
5 Si manõ sa gõi wangehao
ndra alawe ni’amoni’õ andrõ, fõna, sanõtõna khõ
Lowalangi, ba la’o’õ li ndra matuara;
6 si mane folo’õ Zara andrõ li Gaberahamo, fatuha
ia khõnia; ma’uwunia ami, na mihaogõ mbuabuami, ba na lõ mi’ata’ufi wamakao, hadia ia. (Moz. I.
18, 12. Gal. 4, 31).
7 Si manõ gõi ndra matua;
mihaogõ wa’orudu ba ndra alawe, bõi sambõ era’era, me no õna’õna wa’abõtõra, mifosumange ira, me no
awõmi sanema ondrõita andrõ, fa’ebua dõdõ andrõ, fa’auri, fa bõi tetabi
wangandrõmi. (Kor. I. 7, 3. 5. Kol. 3, 19).
8 II. Ba fozu, ba ena’õ na ha sara dõdõmi fefu, ena’õ na afõkhõ khõmi gõi zafõkhõ khõ
nawõmi, mi’omasi’õ dalifusõ, ya’ahakhõ dõdõmi nawõmi, ba bõi fayaŵa
ami. (Kol. 3, 12 b. t.).
9 Bõi misulõni zi lõ sõkhi
awõnia si lõ sõkhi, ba bõi misulõni walelesa awõnia falelesa; bõi manõ da’õ; samahowu’õ ami; ba da’õ sa tekaoni ami, ba wanema howuhowu.
(F. 2, 23. Tes. I. 5, 15. Mat. 5, 44).
10 ”Ha niha sa zomasi
fangorifi, somasi i’ila mbaŵa si sõkhi, ba yamutaha
lelania, ba zi lõ sõkhi, ba bewenia, fa bõi ilau waya. (Sin. 34, 13 b. t. Yak.
1, 26).
11 Yamu’erogõ zi lõ sõkhi, ba yamulau
zi sõkhi, yamu’alui wa’atulõ, yamugohi. (Tim I. 6, 11.
Heb. 12, 14).
12 Ihõrõhõrõgõ sa zatulõ So’aya, ba ibe’e mbõrõ dalingania ba
wangadrõra; ba itõngõ So’aya zamazõkhi si lõ sõkhi.”
(Sin. 34, 16. 17).
13 Ba ha niha zamakao ya’ami, na miforege wolo’õ si sõkhi? (Rom. 8, 28).
14 Ba he mitaha wamakao, na
bõrõ wa’atulõ, ba ya’ahowu ami. Ba bõi mi’ata’ufi wameta’ura, ba bõi tokea ami, (F. 2,
20; 4, 14. Mat. 10, 28. Yes. 8, 12; 15, 17),
15 ba mi’amoni’õ Keriso, So’aya, ba dõdõmi; bõi mamalõmalõ
wa i’anema’õ mi’ila mibu’a, na so zanofu li khõmi, ba
wanõtõna andrõ, si so ba dõdõmi, gofu ha niha ia; ba bõi aefa wa’ebolo dõdõ ba fa’ata’u; bõi itegu ami tõdõmi,
16 ena’õ aila zanandraŵaisi ya’ami ba gamuatami si sõkhi
andrõ, ba khõ Keriso, na labõbõgõ khõmi zi lõ sõkhi. (Tit. 2, 8).
17 Sõkhi sa, na tefakao ita
ba wolau si sõkhi, na nilau dõdõ Lowalangi ena’õ, moroi na tefakao ita ba wolau
si lõ sõkhi. (F. 2, 19; 4, 14—19).
18 Noa sa gõi mate Keriso,
zamuza, ba horõ andrõ, satulõ andrõ, salahi zi lõ atulõ, ena’õ i’ohe ita ba Lowalangi; nibunu sa
na dali mboto, ba ni’orifi dali Geheha, (Luk. 23,
46. F. 2, 21. 24. Rom. 6, 10; 5, 6—8; 1, 4),
19 ba da’õ dali, ba we’amõinia ba wangombakha ba mbekhu
ba gurunga, (F. 4, 6. Efes. 4, 9), 20 si lõ molo’õ fõna, me ibologõ dõdõnia
Lowalangi wombalombaloi, me luo No’akhi, me tefazõkhi nowo andrõ,
ba ni’orifi si lõ atotó andrõ, ha daŵalu, ba nidanõ.
(Fet. II. 2, 5. Moz. I. 6, 3. Heb. 11, 7).
21 Famaedo da’õ, famayagõ idanõ andrõ,
zangorifi ya’ami gõi iada’e, tenga fameta da’i nõsi, no fanofu tõdõ si lõ
sinegu, khõ Lowalangi, bõrõ wemaoso Yesu Keriso andrõ, (Heb. 10, 22 b. t. Rom.
6, 4. Efes. 5, 26),
22 si so ba gambõlõ
Lowalangi, me no mõi ia ba zorugo, me no mube’e barõ mbawania mala’ika, awõ zalaŵa andrõ, awõ
zabõlõ andrõ. (Efes. 1, 20 b. t.).
FETERO I.
FAZA 4
I. Itohugõ Fetero wamarou tõdõra, ba mbuabua
niha Keriso andrõ, II. ba ba wanaha tõdõ, na so wamakao.
1 I. Ba me no itaha wamakao
Keriso, ba nõsinia, ba mi’a’aro’õ gõi ami tõdõ si manõ; noa sa
ibato wamazõkhi horõ si no manaha famakao, ba nõsinia; (Rom. 6, 6 b. t.);
2 ena’õ bõi sa’ae mi’o’õ wangisõ niha andrõ, ba zi
tosai nosomi ba guli danõ, ena’õ somasi Lowalangi mi’o’õ. (Kor. II. 5, 15).
3 Noa sa abõnõ, me no milau
zomasi niha baero, ba gõtõ si no numalõ, me mitõrõ hokha, ba fangisõ si lõ sõkhi,
ba femabumabu, ba femangamanga, ba famadumadu tuo, ba fame’eme’e adu andrõ, si lõ tola. (Rom.
13, 12 b. t. Tit. 3, 3).
4 Andrõ fa’ero ira, me lõ fao ami, wanõrõ
etuna wa’asilõyaŵa si manõ, ba manandraŵa ira. (Yoh.
15, 18 b. t.).
5 Ba tesekhegõ dania ira khõ
zi no mama’anõ ya’ia andrõ, ba wanguhuku niha sauri,
awõ zi no mate. (Tim. II. 4, 1).
6 Andrõ sa te’ombakha’õ gõi ba zi no mate duria somuso
dõdõ andrõ, ena’õ auri mbekhura, ba khõ
Lowalangi, he no tehuku ira, dali niha, ba mbotora. (F. 3, 19 b. t. Rom. 6, 10.
11).
7 Ba noa sa ahatõ gamozua
hadia ia, fefu. Ba mi’angenanõi, ba bõi mifõrõ, ba
wangandrõ andrõ. (Yoh. I. 2, 18. Luk. 21, 34. 36).
8 Ba si fõfõna, ba faoma
moroi si’aikõ ba dõdõmi mi’omasi’õ nawõmi, me oya ibalugõ horõ
fa’omasi andrõ. (F. 1, 22. Kol. 3, 14. Yak. 5,
20). 9 Faoma mibe’e gõ khõ nawõmi na mõi tomemi,
bõi mikõkõkõkõ. (Heb. 13, 2. Fil. 2, 14).
10 Faoma mitolo nawõmi,
balazi hadia nitema zamõsana, buala andrõ, si mane niha si sõkhi, nibe’e fa’ebua dõdõ Lowalangi andrõ ba
danga, fa ebua dõdõ si no oya ngawalõ andrõ. (Rom. 12, 5. 6).
11 Na so zi fahuhuo, ba ya
si mane niŵa’õ Lowalangi; ba na enoni, ba ya si mane na
moroi ba wa’abõlõ andrõ, nibe’e Lowalangi, ena’õ tefosumange Lowalangi, fefu
hadia ia nilau, bõrõ Yesu Keriso; ya khõnia zumange ba fa’abõlõ, irugi zi lõ aetu! Yaduhu.
(Rom. 12, 7. Kol. 3, 17. F. 5, 11).
12 II. Bõi fatuwu khõmi galitõ fanandraigõ
andrõ, ba khõmi, si gõna ami, ya’ami ni’omasiõ; bõi hulõ na itõrõ ami
si lõ larai mila. (F. 1, 6. 7. Yak. 1, 12).
13 Ndrohundrohu zi no mo’urakha ami ba wamakao andrõ khõ
Keriso, ba mi’omusoi’õ dõdõmi, ena’õ omuso gõi dõdõmi, ba ena’õ owuawua dõdõmi, na tefa’ele’õ dania lakhõminia andrõ. (F.
1, 7. 8. Rom. 8, 17. Yak. 1, 2).
14 Na latandraŵaisi ami, ba
dõi Keriso, ba ya’ahowu ami! me no ahono ba khõmi
Geheha lakhõmi andrõ, Eheha Lowalangi. (F. 3, 14. Mat. 5, 10. 11).
15 Bõi sa falukha ba khõmi
zanaha famakao me no sange’e ia, ba ma me no sanagõ, ba ma
me no sanao horõ, ba ma me ihalõ khõnia zi tenga khõnia. (F. 2, 20).
16 Ba na so zanaha famakao,
me no niha Keriso ia, ba bõi aila ia, ba yamusuno Lowalangi, ba dõi andrõ.
(Hal. zin. 11, 26. Tim. II. 1, 8. 12).
17 Noa sa irugi baŵa, fa
ibõrõtaigõ fanguhuku, ba mbanua Lowalangi andrõ. Ba na ofõna ba khõda, ba hadia
wozu zi lõ molo’õ, turia somuso dõdõ andrõ, khõ
Lowalangi? (Hes. 9, 6. Luk. 23, 31. Tes. II. 1, 5. 8).
18 Ba na si lõ lokha lõ auri
zatulõ, ba heza i’iagõ si lõ molo’õ ba si so horõ? (Amaed. 11,
31. Yer. 49, 12).
19 Andrõ, sanaha famakao, si
faudu ba zomasi Lowalangi gõi, ba ndramutou’õ nosora ba danga zombõi ya’ira andrõ, si lõ farõi, ndramutou’õ ba dangania, wolau si sõkhi.
(Yak. 5, 13. Luk. 23, 46).
FETERO I.
FAZA 5
I.
Famarou tõdõ zatua. II. Famarou tõdõ zato, ba wa lõ fayaŵa, ba
ba wangabe’e’õ ya’ira.
III. Fango’ozui sura.
1 I. U’andrõ ba zatua andrõ, ba khõmi,
ya’o, awõra satua, samaduhu’õ famakao Keriso andrõ, ba awõ
ba lakhõmi andrõ, nifa’ele’õ dania. (Tit. 1, 5. Luk. 24,
48. Fam. 1, 9).
2 Mikubaloi rorogõfõ
Lowalangi andrõ, ba khõmi, bõi mibe’e ni’o’ou ami; ena’õ na saoha gõlõ, dali
Lowalangi, bõi ba wangalui luo saila ita, ena’õ na moroi ba wa’omasi; (Yoh. 21, 16. 17. Hal.
zin. 20, 28. Tit. 1, 7. 11);
3 bõi si mane salaŵa, ba
dána khõra; ena’õ na tobali dumaduma ami, ba
nikubaloi andrõ. (Kor. II. 1, 24. Tim. 1. 4, 12).
4 Ba mitema dania dakula
andrõ, si tebai aleu, lakhõmi andrõ, na to’ele dania zatua gubalo. (Heb.
13, 20. Yes. 40, 10. 11. Tim. II. 4, 8. Fam. 2, 10. 26).
5 II. Si manõ gõi ami, ya’ami si akhi, mi’o’õ li zi a’a andrõ. Ba dozi ami, ba faoma
mi’olembe wa lõ fayaŵa andrõ ba khõ naŵomi;
itimba sa Lowalangi zi fayaŵa, ba i’ebua’õ dõdõnia ba zangide’ide’õ ya’ira. (Mat. 20, 26. Yak. 4, 6).
6 Ba mi’ide’ide’õ ami, mibe’e ami ba danga Lowalangi andrõ,
sabõlõ, ena’õ ibe’e salaŵa ami, na no irugi baŵa.
(Yak. 4, 10).
7 Mibe’e balazi ia, na so zabu dõdõmi,
gofu hadia ia sosó sa dõdõnia ami. (Mat. 6, 25 b. t. Sin. 37, 5).
8 Bõi mabumabu ami, ba bõi
mõrõmõrõ, itõrõ sa danõ si fa’udu khõmi andrõ, Afõkha andrõ,
hulõ zingo sindrõndrõndrõndrõ, i’alualui, ha niha ni’ania. (F. 4, 7. Hal. zin. 20,
31. Luk. 22, 31).
9 Da’õ mitimba, mi’abe’e’õ ami, ba wamati, me no mi’ila, si manõ gõi wamakao,
sanõrõ talifusõmi andrõ, ba niha ba guli danõ. (Yak. 4, 7. Fil. 1, 30).
10 Ba ifalua dania wamo’ahonoa ya’ami Lowalangi wa’ebua dõdõ andrõ fefu, sogaoni ya’ami, ba lakhõmi andrõ khõnia,
si lõ aetu, ba khõ Keriso Yesu, i’abõlõ’õ ami, i’abe’e’õ ami, ba ifodanedane ami, na
no aefa mitaha wamakao ma’ifu! (Kor. I. 1, 9. Efes. 3,
16. 17).
11 Ya khõnia wa’abõlõ, irugi zi lõ aetu! Yaduhu.
(F. 4, 11).
12 III. No usura khõmi ma’ifu khõ Ziliwano andrõ, talifusõ
si lõ farõi, uŵa’õ, famarou dõdõ nisuragu khõmi
ba famaduhu’õ, wa da’õ wa’ebua dõdõ Lowalangi andrõ, si
ndruhu, ba zi so ami andrõ. (Tes. I. 1, 1. Rom. 5, 2).
13 I’owai ami awõda nituyu andrõ, ba
Mbabilona, ba onogu Mareko andrõ. (Hal. zin. 12, 12).
14 Faoma mi’owai naŵomi fa’agosa bawa ba wa’omasi andrõ! Ya’ohahau dõdõmi, dozi ami, si so
ba khõ Keriso Yesu. (Rom. 16, 16; 8, 1).
Posting Komentar