FANGOMBAKHA FABALISA SI NO MÖI BA GOLONGA BÖ’Ö

Table of Contents

 

FANGOMBAKHA FABALISA SI NO MÖI

BA GOLONGA  BÖ’Ö

 

 

1.      Ya’ami banua niha Keriso, modanedane ba gangetula Majelis Jemaat….. Resort….. BNKP, wa so ndra talifusö awöda ndrotondroto BNKP  no lasawa golonga bö’ö, ya’ia da’ö ba………………………. (töi golonga bö’ö). Andrö, ena’ö alua wa’asökhi, fa’ohauhau ba fa’atoföfö, ba te’efa’ö ndra talifusö andrö moroi ba ndrotondroto mbanua niha Keriso ba BNKP. Ya’ira andrö:

 

(1)………..

(2)………..

(3)………..

 

2.      Ba heẅa’ae abudödöda ba zalua andrö, ba ya’odo andre si no mufataro ba wangombakha li Lowalangi, ufaduhu’ö: ma’ökhö andre, aefa ia/ira awöda ndrotondroto mbanua niha Keriso ba BNKP. Andrö ya’ami banua niha Keriso, me no aefa awöda niha Keriso, ba aefa ia göi ba ngawalö nibe’e Yesu ba mbanua-Nia. Tebai sa’ae fao ia/ira awöda ba Wemanga Gö Ni’amoni’ö, ba na tumbu nono khönia, ba lö Tebayagö Idanö, ba na mate ia dania, ba lö tehalö wanunö ba fangandrö, he ba nomonia, ba he ba lewatönia. Ba na lö ifalalini gera’erania, ba tola tekiko ia/ira dania ba wolo’ö nifakhoi dödönia. Ba ya’ami niha Keriso, me no aefa ndra talifusöda ba mi’angelama, fa böi si mane lualuania/ra lualuami dania. Böi miförö, ba mi’angandrö ine, ba böi sa’ae iraono ita, nifaheuheu, ba nifangöröngörö ba nangi wamahaö andrö fefu, hadia ia ngawalö, moroi ba wa’onekhe, ba wolohe ba gowöhöna. (Efeso 4:14). Ba böi hulö zi fa’udu ita khönia/ra, ba tategu ia/ira si mane si fatalifusö, ba tafarou dödönia, ena’ö ifuli ia ba lala wangorifi sindruhu khö Yesu Keriso.

 

3.      Mangandrö ita:

       He Lowalangi si so ba zorugo yaẅa, ba si lö ambö fangi’ila. Ö’ila göi dödöma iada’e, Ö’ila wa sabutödö ndra’aga, börö me no aefa awöma niha Keriso ia/ira, ba lö tobini khö-U mbörö wa’aefania/ra. He Lowalangi! Ya’aga fefu matou’ö ia/ira ba danga-U ma’ökhö andre. Ba na tola fangandröma, ba fangesa-dödönia/ra, ena’ö ifuli ia/lafuli ira ba lala wangorifi sindruhu, ba khö Nono-U Yesu Keriso. Ba ya’aga andre, fefu, ba rorogöga, fa böi faröi ndra’aga khö-U, afu möna ndra’aga ba ngawalö wanandraigö si falukha khöma ero ma’ökhö. Yaduhu!

 

 

Nitöngöni:

Stola ni’oguna’ö ya’ia da’ö molo’ö töi migu.