FAMAYAGÖ IDANÖ IRAONO
FAMAYAGÖ IDANÖ IRAONO
|
1. MANUNÖ |
: |
BZ. No. 167 HE YESU SANGORIFI (ma zui tanö bö’ö
si faudu ba wamayagö idanö). |
|
2. FANGA’ARO’Ö FA’OWULO (Na tenga sifao ba Agendre Migu) |
||
|
No owulo ita ba da’e, ba döi Lowalangi
Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida
ha ba döi Yehowa si no momböi banua si yaẅa awö danö, Yaduhu. |
||
|
3. MANGANDRÖ He Ama
khöma si so ba zorugo, möiga ma’ohe ndraono andre föna-U. Tema ba fahowu’ö
ia/ira tobali iraono-Mö. Fahaö ia/ira, ba wanörö lala si ndruhu andrö ba
wogamö fa’auri si lö aetu, ba döi Zo’aya ya’aga Yesu Keriso. Yaduhu. 4.
FAMOTOKHI
BA DÖDÖ
(salahi huhuo) Ya’ami ira
talifusö
satua ndraono nibayagö idanö,
ni’omasi’ö ba khö
Zo’aya
ya’ita Yesu Keriso. Ba
wamayagö idanö i’a’asogö wangefa ba ngawalö
horöda, I’efa’ö
ba wa’amate ba Ibe’e wa’auri si lö aetu ba niha samati khö-Nia. Famayagö idanö tenga ha fanefe idanö si to’ölo,
hiza’i idanö ni oroi’ö
Lowalangi si ha sambua faoma taroma Li
lowalangi. Lowalangi samösa
zangohonogöigö
famayagö idanö
andre faudu ba ni’oroi’ö Yesu
Keriso ba wamayagö idanö fefu soi. Taroma Li-Nia
imane “Börö da’ö, mia’e mibali’ö
nifahaö fefu soi, wamayagö
idanö yaira,ba döi
Nama,ba ba döi
Nono, ba ba döi Geheha Niamoni’ö,
mifahaö ira ba wolo’ö
fefu hadia ia niẅa’ö-Gu khömi. Ba hiza fao khömi
ndraö ero ma’ökhö irugi gamozua götö
danö andre”.( Mat 28 : 19-20 ) Haniha zamati
nibayagö idanö
da’ö ni’orifi ba nihuku zi lö mamati ( Mareko 16 : 16 ). Ya’aboto ba dödömi wa famayagö
idanö iraono no ni’oroi’ö
Lowalangi, faudu ba wamaduhu’ö zura
ni’amoni’ö, börö me
fangoroi’ö famayagö
idanö manandrösa
ba soi ma’afefu, yaia da’ö fefu
niha, he satua, he sibohou ebua, he si no biha fangera-ngera ba he göi iraono. Mifondrondrongo daroma Li Lowalangi moroi ba duria somuso dödö nisura Mareko 10 : 13 – 16 :“Ba la’ohe khönia
ndraono ena’ö Ibabaya,
ba lategu zolohe andrö ira nifahaö-Nia. Ba me’i’ila Yesu ba mofönu ia ba imane
khöra “mifa’amöi
khö-Gu ndraono böi
mitenawa ira ba zi manö sa mbanua Lowalangi andrö. Sindruhu niwa’ö-Gu
khömi si lö
manema banua Lowalangi andrö si mane iraono ba lö’ö manö lalania ba
da’ö, ba Italagui
ira, Ifahowu’ö,
Itufa högöra tanga”.
Ba ba zura Halöwö Zinenge 2 : 39 imane:
“khömi sa
gamabu’ula li andrö ba ba ndraonomi
ba ba zi so ba zaröu
fefu gofu ha wa’ato nikaoni Zo’aya
Lowalangida”. Börö da’ö wa ta’ohe nono/ndraono andre ba tatou’ö ba danga Zo’aya safönu fa’omasi me lö
fangiwa dödöda ba
fa’ata’u na ba khö-Nia so ia/ira. Ya’ami ira
talifusö molo’ö ba zi no I’oroi’ö
Yesu, tafalua wamayagö idanö andre ba döi
Lowalangi Ama, Ono, ba Eheha Ni’amoniö. Si nangea mutöngöni ba wamayagö idanö andre tenga “hewisa
lala wamalua ya’ia”,
hiza i sabölö nisia’aigö ba wamalua, ya’ia
da’ö: “ba döi Lowalangi Si
Samösa Tölu”. Tebayagö idanö ba döi Lowalangi Ama faböi olifu ita götö wekolida ba gulidanö andre, wa no amada Lowalangi
andrö ba ama ndraonoda göi samatörö ya’ira ba sondrorogö. Tebayagö idanö ba döi Nono, ba wamaduhu’ö
khöda wa do Yesu
Keriso andrö zangehao iraonoda,
he göi ya’ita satua moroi ba ngawalö horö, ba ya’ia
zangosambua ya’ita ba
wa’amate ba ba wemaoso-Nia, ena’ö
si mane Keriso si no
mususugi moroi ba ngai zi mate si manö göi ita
ba wanema fa’auri. Tebayagö idanö
ba döi Geheha Ni’amoni’ö, ba wamaduhu’ö khöda
wa Eheha Ni’amoni’ö zangiagö
tödöda ba
tödö ndraonoda göi, awö wa Ifatumbu’ö wamati, ena’ö
mowa’a ira fefu ba modanedane ba wa’omasi-Nia.
Yaduhu. 5. MANUNÖ BZ. NUMERO : ............. ................................MUZIZIO ZATUA NDRAONO.......................................... 6. FANGANDRÖ Mangandrö
ita, He So’aya Lowalangima umbu wa’auri ba fangorifima. Börö wa’omasi ba fa’ebua dödö-U wa ma’ohe nonoma/ndraonoma andre, ena’ö Ö’fahowu’ö ia/ira. Ya’e nonoma/ndraonoma nibayagö idanö ba ena’ö ba döi Lowalangi samösa tebayagö idanö ia/ira, ba tebohouni ia/ira ba Geheha Ni’amoni’ö, fa tobali ia/ira okhöta-Mö ba tema’ö ia/ira tobali banua-U. Fatumbu’ö ba dödönia/ra wamati, fanötöna ba fa’omasi fa lö faröi ia/ira ba khö-U he na so wanandraigö ba fangabu dödö, ba a’aro’ö wamatinia/ra ena’ö lasöndra wa’auri si lö aetu. Yaduhu 7.
FANGANDRÖ
ZO’AYA
(na tenga ba luo migu mufalua) He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, ba efa’öga ba zi lö sökhi. Me ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu. 8. MANUNÖ BZ. No:..................... 9.
FANOFU Ira talifusö satua ndraono, no mirongo
wa famayagö idanö no nihonogöi Yesu
Keriso ba wangoroma fawu’usa Li buala fangorifi, ba Ikaoni ndraono andre Yesu Keriso ba we’amöi khö-Nia börö da’ö
misalahini nono/ndraono andre ba wanema li wanofu nitandrösaigö khömi. Ba fatua
lö da’ö
da ta’endrongagö
lida ba wa maduhu’ö famatida ya’ita niha Keriso, (muzizio zato) ..........endronga
lida: v Ya’o
mamati khö Lowalangi Ama si lö ambö fa’abölö, Somböi
banua si yaẅa awö danö. v Ya’o
mamati khö Yesu Keriso, So’aya ya’ita, Ono Lowalangi si ha samösa, nitema
nina-Nia Maria khö Geheha Ni’amoni’ö, ono nono alawe Ia, no manaögö huku Ia,
barö mbawa Fondrio Filato, teforöfa Ia, mate ba lako’o. No möi Ia ba mbanua
niha tou, no maoso Ia moroi ba ngai zi mate me no irugi tölu ngaluo. No
manahae Ia, möi ba zorugo, dumadao ba gambölö Lowalangi Ama si lö ambö fa’abölö.
I’otarai da’ö mangawuli Ia dania ba wanguhuku niha sauri, awö zi no mate. v Ya’o
mamati khö Geheha Ni’amoni’ö, ba ufati ha sambua mbanua ni’amoni’ö, fefu niha
Keriso, ba fa’awösa niha ni’amoni’ö, ba fangefa horö,
ba femaoso mboto zi mate, ba fa’auri si lö aetu. Yaduhu. ..... (mudadao zato)
10. FAMALUA FAMAYAGÖ IDANÖ Na si manö,
ba da tatou’ö
ba danga Lowalangi nonoda/ndraonoda andre ba wamayagö
idanö, (ihalö nidanö Fandrita
itötöi döi nono/ndraono) : ya’ugö onoma sotöi
......... ubayagö idanö ndra’ugö
ba döi Lowalangi Ama,.......(ihalö nidanö
zui) ba ba döi nono-Nia Yesu Keriso, ...... (ihalö nidanö zui) ba ba döi Geheha
Ni’amoni’ö. Yaduhu. Howuhowu (itufa högö nono Fandrita)
imane : Yamurorogö ndra’ugö Lowalangi i’oroi ma’ökhö irugi zi lö aetu. Yaduhu. ma zui Ba lö fangorifi ba danö
bö’ö ba lö’ö göi töi bö’ö nibe’e ba niha ba gulidanö ba wangorifi ya’ugö, baero döi
Yesu andrö. Yaduhu. 11. MANGANDRÖ : (muzizio zatua ndraono) He Yehowa Lowalangi Ama
khöma ba khö Zo’aya
ya’aga Yesu Keriso,! Masuno Ndra’ugö moroi si’aikö ba dödöma ba ma’andrö saohagölö-U
gamabu’ula li-Mö andrö , ohahau sa’ae dödöma wangebua ono/ iraono andre me no
ba danga-U so. Ma’andrö khö-U ebua dödö-U khönia/khöra fa böi aefa ba dödönia/dödöra
daroma li-Mö, abölö’ö ia/ira ba wolo’ö khö-U, timba ngawalö wamaelungu awö
dandraŵa, ba na elungu ia/ira ena’ö ba böi böhöli ia/ira, fazugizugi ba dödönia/dödöra,
wa lö sameta horö baero-Mö. Amualagö
wa’omasi-Mö khö
ndra satua nono/ndraono andre. Abölö’ö ira ba wamahaö
ono/iraono andre ena’ö
lala wa’aurinia/ra
faudu ba zomasi Ndra’ugö afu oi
orudu ndra’aga ba da’ö ba gamozua, ba wanuno Ya’ugö. Yaduhu. 12. MANUNÖ : BZ. No............. 13. HOWUHOWU ( na tenga ba
ginötö Migu mufalua). v Ya
mufahowu’ö ami (ita) Lowalangi, Ya murorogö ami (ita)
v Ya mufohaga mbawa-Nia khömi (khöda), Ya
mu’ebua’ö dödö-Nia khömi (khöda) v
Ya mufalemba hörö-Nia khömi (khöda),
Ya mube’e wa’ohahau dödö khömi (khöda)
fefu. Y a d u h u ! (ma zui ) Ya falukha ami
(ita) fefu wa’ebua dödö Zo’aya ya’ita Yesu Keriso ba fa’omasi Lowalangi Ama ba fa’awösa Geheha
Ni’amoni’ö. Yaduhu. Nitöngöni : (1)
Toföfö naha zatua ndraono tanö föna
sibai. (2)
La’ala’a lembe
meza, awö stola ya’ia da’ö safusi |
FAMAYAGÖ
IDANÖ IRAONO
SARAKHAGÖ MATE
(Famayagö Idanö Iraono Sarakhagö Mate, ya’ia
da’ö: Famayagö Idanö nifalua ba ndraono si lö mubayagö idanö, ba sabölöbölö sibai fökhö. Samalua famayagö idanö: Fandita, ma Guru
Jemaat, ba ma Satua Niha Keriso. Ba na ba ginötö da’ö lö ira sohalöŵö, ba tola ifalua si samösa banua niha Keriso si no tebayagö idanö ba si no mu’a’aro’ö, si mane ama,ma ina, ba ma talifusö).
1.
Fanga’aro’ö Wa’owulo (Samalua Famayagö Idanö).
Ba döi Lowalangi Ama, ba ba döi nono-Nia Yesu Keriso, ba ba döi Geheha Ni’amoni’ö, Yaduhu.
2.
Fanofu: (Nitandrösaigö khö zatua na sohalöwö
zamalua. Ba na satua nono andrö zamalua, ba ifaduhu’ö ba dödönia wa omasi ia na
khö Yesu tefaböbö nono andrö)
“Hadia omasi ndra’ugö/ami[1] na mubayagö idanö nono andre, molo’ö famati ba fa’afaduhu dödö niha Keriso Protestan ? Ba mitema ligu: omasido / omasiga[2].
Fanema li: Omasido / omasiga
3. Famalua Famayagö Idanö:
Na si manö, ba da tatou’ö ba danga Lowalangi nono andre ba wamayagö idanö, (ihalö nidanö samayagö idanö ono) : ya’ugö onoma sotöi (na no mufatörö döi)......... ubayagö idanö ndra’ugö ba döi Lowalangi Ama,.......(ihalö nidanö zui) ba ba döi nono-Nia Yesu Keriso, ...... (ihalö nidanö zui) ba ba döi Geheha Ni’amoni’ö. Yaduhu.
4.
Fangandrö:
He
Yehowa Lowalangi Si lö ambö fa’abölö,
Ama khöma börö Zo’aya ya’aga Yesu Keriso,
hakhösi dödö-U nono andre, matou’ö ia ba danga-U, he auri ba
he göi na mate. Faduhu dödöma wa
so Ndra’ugö ba niha sangaröfi
li töi-Mö, ba Ӧrongo wangandröra khö-U.
Börö da’ö ma’andrö khö-U
hakhösi dödö-U nono andre, fadöhö wökhönia.
Ba na lö fulitö Ökaoni ia, tema ia tobali sangokhögö fa’auri si
lö aetu börö wangöhöli nono-U Yesu Keriso, So’aya ya’aga. Be’e wa’abölö ba fa’aro wamati khö ndra satuania ba ira talifusönia fefu.
No
mangandrö ndra’aga ba döi Zo’aya ya’aga Yesu Keriso, si no ma mahaö ya’aga ba wangandrö khö Nama, ma mane:
“He
Ama khöma si so ba zorugo,
ya te’amoni’ö döi-U, ya tobali banua-U fefu niha, ya Itörö zomasi Ndra’ugö, hulö ba zorugo ya si manö göi ba guli danö.Öma sirugi ma’ökhö be’e khöma ma’ökhö andre. Ba efa’ö khöma horöma si mane fangefa’öma sala ba zi
so sala khöma. Ba böi ohe ndra’aga ba wanandraigö ba efa’öga ba zi lö sökhi.
Me Ya’ugö zamatörö banua-U, ba sokhö fa’abölö, awö lakhömi, irugi zi lö aetu, Yaduhu.”
Nitöngöni:
(1) Na
no döhö nono andrö mangawuli, si lö tola
lö’ö la'ohe ia ba Nomo Lowalangi ba wanema howuhowu wamayagö idanö.
(2) Börö me ‘darurat” ba lö muhonogöi
wangoguna’ö stola.
[1] Na faoma so zatua ba itõtõi sohalõŵõ: “ami”. Ba na
ha ama, ba ma zui ha ina zi
so, ba itõtõi sohalõŵõ: “ndra’ugõ”
[2] Na faoma so zatua ba itõtõi sohalõŵõ: “omasiga”. Ba
na ha ama, ba ma zui ha ina zi
so, ba itõtõi sohalõŵõ: “omasido”
FAMAYAGÖ IDANÖ SATUA
- MANUNÖ BZ. Numero :
...........................
- FANGA’ARO’Ö WA’OWULO (na tenga luo migu)
No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yaẅa awö danö, YADUHU.
3.
FANGANDRÖ
He Lowalangi Ama si
so ba zorugo. Anehe Ndra’ugö dalifusö (ndra talifusö) andre, sedöna manema’ö
Famayagö Idanö ni’amoni’ö. Ö’ila ia/ira ba lö tobini khö-U nösi dödönia/dödöra, hadia soroi dödöni/ra ba ma tenga
we’amöi banua-Mö. Hakhösi dödö-U ba abölö’ö ia/ira ba wa nimba si lö sökhi ba
he amuata si fatuwu khö Lowalangi. He
Yesu Keriso be’e aefa khönia/khöra horönia/horöra börö ndro-Mö ni’amoni’ö, ba
ya eheha-U ni’amoni’ö zangiagö tödöra, ena’ö latörö lala wamati sindruhu ba zi
sandrohu fa’aurinia/fa’aurira ba gulidanö andre, irugi lakahmö wa’auri si lö
aetu. YADUHU
- OROISA (mufa’ema daroma Li Lowalangi/huhuo na tenga ba luo migu)
Ya’ami ira talifusö ni’omasi’ö
Lowalangi. Iada’a no so ami föna Lowalangi ba wanema’ö howuhowu ba khö nono-Nia
Yesu Keriso si no mangöhöli ba sangorifi ya’ita. No mitema wamaha’ö wa
dozi niha tenga si nangea möi föna Lowalangi börö horö, ba sulö horö andrö
ba fa’amte. Ha börö “...wa’omasi Lowalangi nösi guli danö, no Ibe’e Nono-Nia andrö, Si ha sambua, ena’ö lö tekikö dozi samati khö-Nia, ena’ö
so khöra wa’auri si lö aetu. (Yoh. I. 4, 9. Rom. 8, 32). Ba “Noa sa Ibali’ö horö zi lö irai mangila horö, salahida, ena’ö
tobali fa’atulö khö Lowalangi ita, ba khö-Nia andrö” (2 Kor 5:21).
Börö wa no aboto ba dödöu/mi da’ö (ira) talifusö, andrö wa möi ö/ami wanema’ö fa’omasi Lowalangi andrö ba si fao famaduhu’ö “wa lö fangorifi ba dánö bö’ö, ba lö’ö
sa göi töi bö’ö nibe’e ba niha, ba guli danö, ba wangorifi ya’ita, baero döi
Yesus andrö.
Howuhowu fangorifi da’ö nitemami
na mifabayagö’ö ami idanö. Imane Yesu:” Ha niha zamati, nibayagö idanö,
da’ö zi falukha fa’auri, ba mbanua furi, ba nitibo’ö zi lö mamati” (Markus 16:16).
Ya Eheha Ni’amoni’ö zangabölö’ö
ya’ami ira talifusö, ba wondröi amuata niha si tohöna andrö, ba mi’iagö barö
howuhowu Lowalangi, ba böi faröi ami irugi zi lö aetu fa mitema gondröita andrö
ya’ia wa’auri si lö aetu. Yaduhu.
- MANUNÖ : BZ. No.
.............
- FANOFU
Ya’ami ira talifusö
mifondrondrongo iwa’ö Yesu fatua
lö manahae Ia möi ba
zorugo, Imane: “Mi’ae’e, mibali’ö nifahaö fefu soi, wamayagö idanö ya’ira ba döi
Nama ba ba döi Nono ba ba döi Geheha ni’amoni’ö, mifahaö ira ba wolo’ö fefu hadia ia niwa’ögu
khömi. Ba hiza, fao khömi ndra’o, ero ma’ökhö, irugi gamozua götö danö andrö, (Matai’o 28:19-20).
Börö da’ö so nisofugu khömi föna
Lowalangi ba föna mbanua niha Keriso sowulo ma’ökhö andre, ba mitema ligu moroi
si’aikö ba dödömi:
1) Hadia aboto ba dödöu/mi wa no niha sebua horö ndra’ugö/ami i’otarai me tumbu, ba he göi ba wa
nawö oroisa Lowalangi ?
Na si manö ba tema ligu wanguma’ö : SINDRUHU, ABOTO
BA DÖDÖGU/MA.
2) Hadia mangesa dödöu ba ngawalö
horö andrö, he fa’afaito, ba he amuata si lö faudu ba dödö Lowalangi ?
Na si manö ba tema ligu wanguma’ö : SINDRUHU
MANGESA DÖDÖGU/MA.
3) Hadia moroi ba dödöu/mi sa’ae wondröi ngawalö horö awö
gamuata si lö atulö ?
Na si manö ba tema ligu wanguma’ö
: SINDRUHU MOROI DÖDÖGU/MA.
4) Hadia öfaduhu/mifaduhu’ö wanguma’ö: Ha Yesu Keriso
zangefa’ö ba sangorifi, ba ha Ya’ia lala ba wogamö fa’auri. Samösa lö sondrugi
Ama si lö manörö Ya’ia.”
Na si manö ba tema ligu wanguma’ö
: SINDRUHU FADUHU DÖDÖGU/MA.
5) Hadia edöna ndra’ugö/ami ba owölö’ölö ba we’amöi ba wa ha
sambua khö Lowalangi, ena’ö tobali ndra’ugö
ndrotondroto mbanua niha Keriso Protestan ba wa ma duhu’ö famati
sindruhu ?
Na si manö ba tema ligu wanguma’ö : SINDRUHU EDÖNADO/GA.
6) Na si manö faduhu’ö wamatiu/mi föna Lowalangi si mane niha
samati ba zi sagörö ulidanö, tebörögö :
v Ya’o
mamati khö Lowalangi Ama si lö ambö fa’abölö, Somböi
banua si yaẅa awö danö.
v Ya’o
mamati khö Yesu Keriso, So’aya ya’ita, Ono Lowalangi si ha samösa, nitema
nina-Nia Maria khö Geheha Ni’amoni’ö, ono nono alawe Ia, no manaögö huku Ia,
barö mbawa Fondrio Filato, teforöfa Ia, mate ba lako’o. No möi Ia ba mbanua
niha tou, no maoso Ia moroi ba ngai zi mate me no irugi tölu ngaluo. No manahae
Ia, möi ba zorugo, dumadao ba gambölö Lowalangi Ama si lö ambö fa’abölö.
I’otarai da’ö mangawuli Ia dania ba wanguhuku niha sauri, awö zi no mate.
v Ya’o
mamati khö Geheha Ni’amoni’ö, ba ufati ha sambua mbanua ni’amoni’ö, fefu niha
Keriso, ba fa’awösa niha ni’amoni’ö, ba fangefa horö,
ba femaoso mboto zi mate, ba fa’auri si lö aetu.
Yaduhu.
7) Hadia edöna’ö/ami mubayagö idanö ba döi Lowalangi
si no öfaduhu’ö no mege ?
Na si manö ba tema ligu wanguma’ö
: SINDRUHU EDÖNADO/GA.
Na si manö faöga dödöu/mi ba fa’auri
ma’asambua ba khö Yesus Keriso, ba mubayagö idanö ndra’ugö/mi ba wa’amate ba ba wemaoso ba khö Zo’aya ya’ita Yesu Keriso. Ma lö mi’ila,
wa ba wa’amate Keriso Yesu tebayagö idanö ita fefu, ya’ita, si no mubayagö idanö
ba khönia? Ba noa sa teko’o ita, awönia, famayagö idanö andrö, ba wa’amate,
ena’ö hulö si mane Keriso, si no mususugi lakhömi Nama, moroi ba ngai zi mate,
si manö göi ita, tatörö lala si bohou. Na noa sa’ae faböbö ita khönia, me no
fakhilikhili ira wa’amateda wa’amate-Nia, ba si manö sa göi ba wemaoso dania; (fahela Roma 6:3-5).
7. FAMAYAGÖ IDANÖ:
(Möi föna nibayagö idanö samösamösa, ituhi
danö, ba ihalö nidanö Pendeta ibe ba högö nibayagö idanö tölu kali) ..... (itötöi
döi), Ubayagö Idanö ndra’ugö ba döi Lowalangi Ama….., ba döi nono-Nia Yesu Keriso……
ba ba döi Geheha Ni’amoni’ö……
Famahowu’ö: (Pendeta
itufa högö nibayagö idanö, ba imane:)......
Lowalangi
zondrorogö ba wa’atobalimö banua-Nia
irugi zi lö aetu. Yaduhu.
Ma zui
Lowalangi si no umbu howuhowu, ba khö Yesu Keriso si no mogaoni ya’ugö, sondro- rogö, sanga’aro’ö, samofa’abölö ba samohouni ya’ugö ba wa’ahakhö dödö-Nia andrö. Yaduhu.
8. FANGANDRÖ:
He Lowalangi Ama si no fahöna fa’omasi. Ma’andrö saohagölö-U
ginötö andre ma’ökhö, me no ötema dalifusöma/ndra talifusöma andre ono/iraono-Mö,
ba wamayagö idanö. Hakhösi dödö-U ia/ira, a’aro’ö wamati nia/ra, ena’ö lasuno döi-Mö
ni’amoni’ö böi tekiko ia/ira, ena’ö lasöndra wa’auri si lö aetu ba khö Yesu
Keriso So’aya ya’aga. Yaduhu.
(Tetohugö ba agendre migu. Ba na tenga inötö luo migu, ba
tetohugö…...)
9. MANUNӦ (TE’OWULOI WASӦMBATA).
10. FANGANDRӦ ZO’AYA:
He Ama khöma si so ba zorugo, ya te’amoni’ö döi-U. Ya tobali
banua-U fefu niha, ya itörö zomasi Ndra’ugö, hulö ba zorugo, ya simanö göi ba
gulidanö. öma sirugi ma’ökhö, be’e khöma ma’ökhö andre. Ba efa’ö khöma horöma,
si mane fangefa’öma sala ba zi so sala khöma. Ba böi ohe ndra’aga ba wanandraigö,
ba efa’öga ba zi lö sökhi. Me ya’ugö zamatörö banua-U, ba sokhö fa’abölö, awö
lakhömi, irugi zi lö aetu. Yaduhu.
11. FAMAHOWU’Ӧ:
·
Ya mufahowu’ö ami Lowalangi, Ya murorogö ami
·
Ya mufohaga mbawa-Nia khömi, Ya mu’ebua’ö dödö-Nia khömi
· Ya mufalemba hörö-Nia khömi, ba Ya mube’e wa’ohahau dödö khömi fefu. Yaduhu.
12. SINUNÖ FANGASIWAI.
Nitöngöni:
(1)
Nibayagö Idanö ba
wa’asatua, lö moguna sa’e lafalua khönia wanga’ar’ö, hiza i labe khönia zura wombayagö
idanö ba sura wanga’aro’ö.
(2)
La’ala’a nukha meza
Altar, awö stola ni’oguna’ö ya’ia da’ö “SAFUSI”.
.
Posting Komentar