ANGOMBAKHATA SANANDRÖSA BA NIFATÖRÖ BA HALÖẄÖ FOKUBALOI

Table of Contents

 

ANGOMBAKHATA SANANDRÖSA BA NIFATÖRÖ BA HALÖẄÖ FOKUBALOI (Pedoman Penjabaran Peraturan BNKP No 15/BPMS/2013, Pasal 5 ayat 5)

 

 

1	Ya’ami ira talifusö ni’omasi’ö ba Keriso Yesu. No sa’ae aboto ba dödöda wa Banua Niha Keriso (ma Gereja), no angowuloa zamati khö Yesu, si no mubohouni, ni’amoni’ö, ha sambua boto, ba Yesu Keriso samösa högö ba mbanua-Nia. Andrö wa tekaoni fefu zamati, ena’ö latörö lala haga. Imane taroma Li Lowalangi ba zura Roma 13:13-14 “Da ta’onangegö wanörö lalada, si mane na moluo, böi femangamanga ba famadumadu tuo, böi fohoröhorö ba hokha, böi faguaguasa ba fa’afökhö dödö; mihalö balubalumi Zo’aya ya’ita, Yesu Keriso, ba fangehaomi ösimi andrö, ba böi ba wolo’ö fangisönia.”
2	Ba ena’ö lö mamalö te’amoni’ö gorahua zamati, andrö ba zi no iböbö fa’abölö nösi, ma si no manörö lala zogömigömi, si mane si no muwa’ö ba goigoi BNKP Numero 15/BPMS/2013, faza 1, tekaoni mangawuli ba wanörö lala haga andrö. Imane taroma Li Lowalangi moroi ba zura 1 Yohane 1:7 “Ba na tatörö haga, si mane fe’aso-Nia ba haga, ba no fa’awö ita, ba Ihaogö ita do nono-Nia Yesu, Iheta horöda fefu.”    Andrö börö da’ö, ira talifusöda sotöi:
	1)	…………………………………
	2)	…………………………………
	tekaoni ira ba wanöndra fa’ebua dödö Lowalangi, ena’ö böi tekiko. Börö da’ö, faudu ba wa hasara dödö Sidang Majelis Jemaat ............nifalua me.............. wa ira talifusöda andre tefatörö khöra Halöẅö Fokubaloi nifalua Pendeta/Guru Jemaat, i’otarai ma’ökhö irugi dania........... mbawa si ......... döfi...........
	Gasagasa wa tefatörö ira ba wokubaloi, ba tekaoni ndra talifusö andre ba wamahaö ena’ö la’oroma’ö mbuabua wamalalini era’era, ba fao ira ba ngawalö halöẅö ba fa’owulo ba mbanua niha Keriso, awai i: 1)      Tebai ua fao ira ba wanema’ö halöẅö Ni’amoni’ö: he Famayagö Idanö ba si manö göi Wemanga Gö Ni’amoni’ö. 2)      Na enoni zi fao ba halöẅö Fokubaloi andre, ba tefolombase ia ba halöẅö fa’a’enoni, faudu ba goigoi BNKP.
3	Ba mbanua niha Keriso sato, tekaoni ita ena’ö lö mamalö ta’amoni’ö ita ba lala wa’auri sero ma’ökhö; ba mangandrö göi ita salahi ndra talifusö andre si fao ba Halöẅö Fokubaloi, ena’ö si falukha fa’ebua dödö Zo’aya ira na so wangesa dödö.   Simanö gangombakhata, ya Itolo ba Ifahowu’ö ita Lowalangi Amada. Yaduhu.

 

 

 

 

 

 

 

 

ANGOMBAKHATA SANANDRÖSA BA ZI NO AWAI MANӦRӦ HALÖWÖ FOKUBALOI (Pedoman Penjabaran Peraturan BNKP No 15/BPMS/2013, Pasal 5 ayat 8)

 

 

1	Ya’ami ira talifusö ni’omasi’ö ba Keriso Yesu.   Moroi ba wa’akhakhö dödö Lowalangi, sebua fa’omasi ba khö Zo’aya yaita Yesu Keriso, ma’ombakha’ö wa ira talifusöda, sotöi
1)	………………………………
2)	………………………………
	No la’odödögö wefao ba halöẅö fokubaloi faudu ba gangombakhata me bawa si.............döfi……..... No aboto ba dödöra ba mangesa ira ba ngawalö golalöẅara khö Lowalangi, ba andrö si falukha ira wa’ebua dödö Zo’aya ya’ita Yesu Keriso. Imane taroma Li Lowalangi: “Tobali na ba khö Keriso so niha, ba no si bohou mufazökhi ia, no numalö zi tohöna andrö, ba hiza, ba no tobali bohou.” (2 Kor 5:17).
2	Ma’ökhö andre, tatema’ö ira ba fao ita ba wa’omuso dödö khö Yesu Keriso.   Te’amenesi ita fefu si mane niwa’ö ba daroma Li Lowalangi: “Ba mifaigi sibai, he wisa wanörömi lalami; böi si mane sambö era’era, si mane satuatua a’ine. Mi’oguna’ö ginötö andrö, me no si lö sökhisökhi mbaẅa da’e. Andrõ böi sambö era’era ami, ya’aboto ba dödömi hadia zomasi Zo’aya. (Ef 5:15-17)
	Si manö gangombakhata, ya Itolo ba Ifahowu’ö ita Lowalangi. Yaduhu.

 

 

Nitöngöni:

Stola ni’oguna’ö ya’ia da’ö molo’ö töi migu. 

 

127