AGENDRE WOGO’O SIMATE (SATUA)

Table of Contents

 

AGENDRE WOGO’O SIMATE (SATUA)

A.    BA NOMO

 

1.      Manunö BZ.No: ……

 

2.      Fanga’aro’ö Wa’owulo

Sondrönia’ö	:	No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yaẅa awö danö. (Da ta’endrongagö lida wanguma’ö: Yaduhu)
Sato	:	Yaduhu!
Sondrönia’ö	:	Noso niha andrö, ba no hulö ndru’u ba danö; mobowo ia, hulö mbowo ndru’u ba mbenua. Na itörö angi, ba lö ya’ia sa’ae, ba lö’ö sa’ae i’ila ia nahania andrö. Ba fa’ebua dödö Yehowa andrö, ba götögötö wa’ara, ba zangata’ufi  Ya’ia; ba fa’atulö dödö-Nia andrö, ba irugi ma’uwu. Ba zi lö mamöhöi fawu’usa li andrö khö-Nia ba ba zi lö olifu oroisa-Nia, ba wolo’ö Ya’ia (Sinunö 103:15-18). (Da ta’endrongagö lida wanguma’ö: Nifolakhömi Yehowa) ma zui He So’aya! Sawatöma ndra’ugö, götögötö wa’ara. Me lö’ö na si tumbu hili, me lö niwöwöi-Mö na tanö, awö gölia uli danö fefu, götögötö wa’ara, ba no Lowalangi Ndra’ugö. Öfuli Ӧbali’ö gawugawu niha, ba öfuli Öwa’ö: Mifa’aso ami, ono niha! Hulö zi ma’ökhö menewi, na no numalö ia, si manö khö-U  zi hönö fakhe, hulö zango’öfa zi sara wongi. Öhanigö ira, fangifi irá; ba na mahemolu mbanua, ba hulö ndru’u, si fuli molöndru. Sobowo si hulö wongi ba sobulu, ba na tánö owi, ba lataba ia ba aleu. (Sinunö 90:1-6). (Da ta’endrongagö lida wanguma’ö: Nifolakhömi Yehowa)   ma zui Ba si no banua ita, ba ba zorugo so; moroi ba da’ö göi tadönadöna sangorifi Zo’aya ya’ita, Yesu Keriso, samali’ö dania botoda, boto ba wa’ide’ide andre, ena’ö faoma ira mboto-Nia andrö, solakhömi, ba wa’abölö andrö, ba ni’ila-Nia göi ibe’e barö mbawa-Nia fefu hadia ia. (Filifi 3:20-21). (Da ta’endrongagö lida wanguma’ö: Nifolakhömi Yehowa)
Sato	:	Nifolakhömi Yehowa
Sondrönia’ö	:	Mangandrö ita: Si fao fangidengide’ö ma’angaröfi li Ndra’ugö Ama Lowalangima. Fondrondrongo li we’ao, fangaröngarö, ba fangandröma, he Yehowa. Haniha ndra’aga andre tanö föna dadaoma-Mö So’aya? Moroi ba daroma li-Mö Öbotokhi ba dödöma wa ”Niha ni’adonogö ndra alawe, ba lö anaunau noso, ba no fahöna wa lö ahonohono. Amaedola wa’atumbu mbunga wa’atumbunia, ba ifuli aleu, taya, hulö lumö, lö arara.” (Yobi 14:1-2). Ba hiza moroi ba wa’ebua dödö ba fa’omasi-U, matötöna watolosa ba fangorifi soroi Lowalangima, ba khö Zo’aya ya’aga Yesu Keriso, si no mangöhöli ba mangorifi ya’aga. Hakhösi dödö-U ba bologö dödö-U khöma ba ngawalö golalöŵama fefu, ena’ö femaoso Zo’aya ya’aga Yesu Keriso, da’ö we’ewe’e dödöma wa falukhaga wemaoso. Moroi ba wa’ahakhö dödö-U, mu’aoga khö-U he Ama. Yaduhu.

 

3.      Manunö Buku Zinunö No: ……………….

 

4.      Huhuo

Sangai Huhuo	:	Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita...........Yaduhu.
		a.       Fombaso taroma Li Lowalangi b.      Fanuriagö c.       Fangandrö fanga’aro’ö huhuo d.      Sinunö “No mafondrondrongo Li-U”

 

5.    Manunö Buku Zinunö No: ……………….

 

6.      Taroma Li Fondrara Dödö

Sondrönia’ö	:	Ya’ami ira talifusö ni’omasi’ö ba khö Yesu Keriso. Imane Taroma Li Lowalangi: “Ba lö edöna mabini’ö khömi, ya’ami ira talifusö, hewisa ba zi no mate andrö, fa böi abu dödömi, si mane tánö bö’ö andrö, si lö fanötöna. Na mamati ita sa, no mate Yesu ba no ifuli auri, ba ba zi manö göi ifafatörö’ö khö Yesu Lowalangi zi no mate andrö, awö-Nia. Ya’ia dania, So’aya, zi möi mitou, moroi ba zorugo, na so we’ao andrö, na mu’ao zatua mala’ika andrö, na tefoli dorofe Lowalangi andrö, ba oföna maoso zi no mate andrö, ba khö Keriso. Awena dania tefazawa ita, ya’ita sauri, si tosai, ba lawuo, fao ita khöra, ba wamaondragö So’aya, ba dalu mbanua; ba tobali awö Zo’aya ita, si lö mamalömalö. Andrö faoma mibe’e fondrara dödö nawömi daroma li andre. (1 Tes 4:13-14 + 16-18)
Sato	:	Manunö BZ No: ……..

 

7.      Fatolosa Lowalangi

Sondrönia’ö	:	Dozi ösi nomo awö mbanua niha Keriso sato, ni’omasi’ö ba khö Yesu Keriso. Edöna tafasao mboto dalifusö (satua, ono/iraono) ba lewatö, ba wananö ya’ia. Da ta’a’aro’ö dödöda ba wamati, ba imane Taroma li Lowalangi: “ “Yehowa zamaigimaigi fofanöu, awö wangawuliu, i’otarai da’e, irugi zi lö aetu. Yaduhu! (Sinunö 121:8) ma zui “Ba he utörö mbawa danö andrö, si göna lumö wa’amate andrö, ba lö ata’udo zi lö sökhi; awögu sa Ndra’ugö; si’o-U andrö ba we’ewe’e andrö khö-U, da’ö wondrara dödögu.” (Mazmur 23:4)
Sato	:	Yaduhu

 

 (………………….Tetuhugö ba wondruhö hasi, ba te’ohe ba lewatö …..………. ba gasagasa wofanö ba lala, ba ladönia’ö ira satua niha Keriso ba wanunö…….)

 

 

B.     BA LEWATÖ

 

(I’anema’ö labe’e si tou hasi)

 

1.      Manunö BZ. No: …….

2.      Fangowai

Sondrönia.ö	:	Ya falukha ami wa’ebua dödö ba fa’ohahau dödö, khö Namada, Lowalangi ba khö Zo’aya ya’ita, Yesu Keriso!  (2 Korintus 1:2)
Sato	:	Yaduhu

ma zui

Sondrönia’ö	:	Ya’ohahau dödömi!” Ya faofao khömi Lowalangi
Sato	:	Ya fao khöu geheha-Nia.

 

3.      Fogo’o

Sondrönia’ö

:

Ya’ami ira talifusö. Me no omasi Lowalangi, sokhö fa’auri, no Ihalö khö-Nia dalifusö (satua, ono) andre ……………, andrö börö da’ö tatanö ia ba danö. Gawugawu da’e ba sitobali gawugawu zui ba tebe’e ba danö mboto andre:   ·         Tanö ba danö (tetibo’ö dambu) ·         Awu ba nawu (tetibo’ö dambu) ·         gawugawu ba gawugawu (tetibo’ö dambu)   Yesu Keriso zangorifi ya’ia da’ö zanusugi ya’ia ba luo safuria.    Yaduhu! Imane Taroma-li Lowalangi ba zura Yohane 11:25-26: Imane khönia Yesu: Ya’odo wemaoso ba fa’auri, samati khö-Gu, ba auri, heẅa’ae mate ia. Ba dozi sauri samati khö-Gu ba lö mate irugi zilö’aetu. Ba si manö göi ba zura I Korindro 15:42 b irugi 44 a, 57 : Sobou nitanö, ba si lö obou nisusugi, si lö töi nitanö, ba si so lakhömi nisusugi, si lö abölö nitanö, ba sabölö nisusugi. Boto si so noso nitanö, ba boto si so Eheha nisusugi. Ba nisuno Lowalangi, same’e khöda femöna andrö, moroi khö Zo’aya ya’ita andrö Yesu Keriso

 

4.      Fangandrö Salahi + Fangandrö Zo’aya

 

5.      Taroma Li Fondrara Dödö (ba labe’e si tou dambu)[1]

 

6.      Manunö BZ. No: …..

 

7.         Famatenge + Howuhowu

Sondrönia’ö	:	Mi’angawuli si fao fa’ohahau dödö, ya Eheha Ni’amoni’ö zanga’aro’ö ba sondrara tödömi, ba mitema (tatema) howuhowu Lowalangi: ·         Ya mufahowu’ö ami (ita) Lowalangi, Ya murorogö ami (ita) ·         Ya mufohaga mbawa-Nia khömi (khöda), Ya mu’ebua’ö dödö-Nia khömi (khöda) ·         Ya mufalemba hörö-Nia khömi (khöda), Ya mube’e wa’ohahau dödö khömi (khöda) fefu. Y a d u h u ! (ma  zui ) Ya falukha ami (ita) fefu wa’ebua dödö Zo’aya ya’ita Yesu Keriso ba fa’omasi Lowalangi Ama ba fa’awösa Geheha Ni’amoni’ö. Yaduhu.
Sondrönia’ö	:	Ya’ahowu
Sato	:	Ya’ahowu

 

Nitöngöni:

La’ala’a stola ni’oguna’ö ya’ia zowuge’e

 

---

[1] Famalua fanebu tambu andre tenga fahuhuosa ba zi no mate, ba tenga  göi famahowu’ö si no mate, hiza’i ba wamasugi ba dödöda wa dozi niha moroi ba dambu ba mangawuli ba dambu. Andrö wa mufaogö daroma Li soguna ba wanga’aro’ö tödö zoroi yomo ba he göi niha sato khö Yesu Keriso.

AGENDRE WOGO’O SIMATE (IRAONO)

 

A.    BA NOMO

 

1.      Manunö BZ. No: ……

 

2.      Fanga’aro’ö ba Wa’owulo   

Sondrönia’ö	:	No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yaẅa awö danö.
Sato	:	Yaduhu!
Sondrönia’ö	:	Noso niha andrö, ba no hulö ndru’u ba danö; mobowo ia, hulö mbowo ndru’u ba mbenua. Na itörö angi, ba lö ya’ia sa’ae, ba lö’ö sa’ae i’ila ia nahania andrö. Ba fa’ebua dödö Yehowa andrö, ba götögötö wa’ara, ba zangata’ufi Ya’ia; ba fa’atulö dödö-Nia andrö, ba irugi ma’uwu. Ba zi lö mamöhöi fawu’usa li andrö khö-Nia ba ba zi lö olifu oroisa-Nia, ba wolo’ö ya’ia (Sinunö 103:15-18). (Da ta’endrongagö lida wanguma’ö: Nifolakhömi Yehowa) ma zui He So’aya! Sawatöma ndra’ugö, götögötö wa’ara. Me lö’ö na si tumbu hili, me lö niwöwöi-Mö na tanö, awö golia uli danö fefu, götögötö wa’ara, ba no Lowalangi Ndra’ugö. Öfuli Ӧbali’o gawugawu niha, ba öfuli öwa’ö: Mifa’aso ami, ono niha! Hulö zi ma’ökhö menewi, na no numalö ia, si manö khö-U zi hönö fakhe, hulö zango’öfa zi sara wongi. Öhanigö ira, fangifi irá; ba na mahemolu mbanua, ba hulö ndru’u, si fuli molöndru. Sobowo si hulö wongi ba sobulu, ba na tánö owi, ba lataba ia ba aleu. (Da ta’endrongagö lida wanguma’ö: Nifolakhömi Yehowa) ma zui Ba si no banua ita, ba ba zorugo so; moroi ba da’ö göi tadönadöna sangorifi Zo’aya ya’ita, Yesu Keriso, samali’ö dania botoda, boto ba wa’ide’ide andre, ena’ö faoma ira mbotonia andrö, solakhömi, ba wa’abölö andrö, ba ni’ila-Nia göi ibe’e barö mbawa-Nia fefu hadia ia. (Filifi 3:20-21). (Da ta’endrongagö lida wanguma’ö: Nifolakhömi Yehowa)
Sato	:	Nifolakhömi Yehowa
Sondrönia’ö	:	Mangandrö ita: He Yehowa Lowalangi, somböi fefu hadia ia. Ma’angaröfi li döi-Mö andrö ni’amoni’ö, me aboto ba dödöma wa fefu zifalukha ndra’aga, oi anehe Ndra’ugö moroi ba Zorugo. Ba wa’omasi-Mö, no Öhalö mangawuli Khö-U nono andre, Ö’ohe ba gaheta-Mö. Angandröwa dödöma So’aya, be’e wa’abölö ba fondrara dödö khö ndra satua nono andre. Fofa’auri wanötöna andrö ba dödöra, ena’ö ha Ya’ugö manö lembalembara ba wanohugö fekoli andre tou ba gulidanö. Fahaö ndra’aga ba wangerai bongima, fa masöndra dödö satuatua. A’aro’ö wamatira fa lö faröi ira irugi zi lö aetu. Yaduhu ma zui He Yehowa Lowalangi, ama khöma si so ba Zorugo. No satulö ba si sökhi gohitö dödö-U ba wa’aurima. No anehe Ndra’ugö we’asoma ba nahia andre, si fao ndra talifusö si no ihawui fa’abudödö, me no mangawauli khö-U nono andre, ni’omasi’öma. Angandröwa dödöma So’aya, be’e wa’abölö ba fondrara dödö khö ndra satua nono andre. Fofa’auri wanötöna andrö ba dödöra, ena’ö ha Ya’ugö manö lembalembara ba wanohugö fekoli andre tou ba gulidanö, irege lafaduhu’ö si mane Yobi luono wa, “Yehowa zame’e ba Yehowa zangai; nisuno döi Yehowa!”. Yaduhu.

 

3.      Manunö Buku Zinunö No: ……………….

 

4.      Huhuo

 

Sondrönia’ö	:	Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita.....Yaduhu.
		a.       Fombaso Taroma Li Lowalangi b.      Fanuriagö c.       Fangandrö d.      Sinunö “No mafondrondrongo Li-U”

 

5.      Manunö Buku Zinunö No: ……………….

 

6.      Taroma Li Fondrara Dödö

Sondrönia’ö	:	Ya’ami ira talifusö ni’omasi’ö ba khö Yesu Keriso. Imane Taroma Li Lowalangi: “Ba lö edöna mabini’ö khömi, ya’ami ira talifusö, hewisa ba zi no mate andrö, fa böi abu dödömi, si mane tánö bö’ö andrö, si lö fanötöna. Na mamati ita sa, no mate Yesu ba no ifuli auri, ba ba zi manö göi ifafatörö’ö khö Yesu Lowalangi zi no mate andrö, awönia. Ya’ia dania, So’aya, zi möi mitou, moroi ba zorugo, na so we’ao andrö, na mu’ao zatua mala’ika andrö, na tefoli dorofe Lowalangi andrö, ba oföna maoso zi no mate andrö, ba khö Keriso. Awena dania tefazawa ita, ya’ita sauri, si tosai, ba lawuo, fao ita khöra, ba wamaondragö So’aya, ba dalu mbanua; ba tobali awö Zo’aya ita, si lö mamalömalö. Andrö faoma mibe’e fondrara dödö nawömi daroma li andre. (1 Tes 4:13-14 + 16-18)
Sato	:	Manunö BZ. No: ……..

 

 

7.      Fatolosa Lowalangi

Sondrönia’ö	:	Dozi ösi nomo awö mbanua niha Keriso sato, ni’omasi’ö ba khö Yesu Keriso. Edöna tafasao mboto nono andre ba lewatö, ba wananö ya’ia. Data’a’aro’ö dödöda ba wamati, ba imane Taroma li Lowalangi: “ “Yehowa zamaigimaigi fofanöu, awö wangawuliu, i’otarai da’e, irugi zi lö aetu. Yaduhu! (Sinunö 121:8) ma zui “Ba he utörö mbawa danö andrö, si göna lumö wa’amate andrö, ba lö ata’udo zi lö sökhi; awögu sa Ndra’ugö; si’o-U andrö ba we’ewe’e andrö khö-U, da’ö wondrara dödögu.” (Mazmur 23:4)
Sato	:	Yaduhu

 

 

(………………….Tetuhugö ba wondruhö hasi, ba te’ohe ba lewatö …..………. ba gasagasa wofanö ba lala, ba ladönia’ö ira satua niha keriso ba wanunö…….)

 

 

 

A.    BA LEWATÖ

(I’anema’ö labe’e si tou hasi)

 

1.      Manunö BZ. No: ……..

 

2.      Fangowai

Sondrönia’ö	:	Ya’ohahau dödömi!” Ya faofao khömi Lowalangi
Sato	:	Ya fao khöu geheha-Nia.

 

3.      Fombaso Taroma Li Lowalani moroi ba zura Mareko 10:14-15

Ya’ami ira talifusö. Tefasugi ba dödöda daroma Li Lowalangi wa dozi niha no ihawui fa’abölö horö ba lö zi lö itörö wa’amate, farahu ndraono ba da’ö. Ba hiza wa’ebua dödö Lowalangi ba khö Yesu Keriso, falukha wangorifi. Ba daroma Li-Nia tefaduhu’ö wa So’aya ya’ita Yesu Keriso, no göi I’omasi’ö ndraono. Ya’ira zangokhögö Banua Zorugo andrö.  Hewa’ae lö saboto ba dödöra daroma Li Lowalangi, ba hiza no la’okhögö wa’atuatua soroi Lowalangi ba wangi’ila lakhömi-Nia andrö. No falukha wa’ahono ba fa’ohahau dödö nono ni’omasi’öda andre, me no so ia barö wa’omasi Nama ba Zorugo. Sahono ba si no amaedola zi mörö nono andre. Ba faduhu dödöda wa tesusugi göi dania ba ginötö we’aso Yesu simendrua.    

Ya’ami ira talifusö. Me no omasi Lowalangi, sokhö fa’auri, no Ihalö khö-Nia nono andre ……………, andrö börö da’ö tatanö ia ba danö. Gawugawu da’e ba sitobali gawugawu zui ba tebe’e ba danö mboto andre:

·         Tanö ba danö	(tetibo’ö dambu)
·         Awu ba nawu	(tetibo’ö dambu)
·         gawugawu ba gawugawu	(tetibo’ö dambu)

 

Yesu Keriso zangorifi ya’ia da’ö zanusugi ya’ia ba luo safuria. Yaduhu!

Imane Taroma-li Lowalangi ba zura Yohane 11:25-26: Imane khönia Yesu: Ya’odo wemaoso ba fa’auri, samati khö-Gu, ba auri, heẅa’ae mate ia. Ba dozi sauri samati khö-Gu ba lö mate irugi zilö’aetu.

Ba si manö göi ba zura I Korindro 15:42 b irugi 44 a, 57 : Sobou nitanö, ba si lö obou nisusugi, si lö töi nitanö, ba si so lakhömi nisusugi, si lö abölö nitanö, ba sabölö nisusugi. Boto si so noso nitanö, ba boto si so Eheha nisusugi. Ba nisuno Lowalangi, same’e khöda femöna andrö, moroi khö Zo’aya ya’ita andrö Yesu Keriso

4.      Fangandrö Salahi + Fangandrö Zo’aya

5.      Taroma Li Fondrara Dödö (ba labe’e si tou dambu)[1]

6.      Manunö BZ. No: …..

 

7.         Famatenge + Howuhowu

Sondrönia’ö	:	Mi’angawuli si fao fa’ohahau dödö, ya Eheha Ni’amoni’ö zanga’aro’ö ba sondrara tödömi, ba mitema (tatema) howuhowu Lowalangi: ·         Ya mufahowu’ö ami (ita) Lowalangi, Ya murorogö ami (ita) ·         Ya mufohaga mbawa-Nia khömi (khöda), Ya mu’ebua’ö dödö-Nia khömi (khöda) ·         Ya mufalemba hörö-Nia khömi (khöda), Ya mube’e wa’ohahau dödö khömi (khöda) fefu. Y a d u h u ! (ma  zui ) Ya falukha ami (ita) fefu wa’ebua dödö Zo’aya ya’ita Yesu Keriso ba fa’omasi Lowalangi Ama ba fa’awösa Geheha Ni’amoni’ö. Yaduhu.
Sondrönia’ö	:	Ya’ahowu
Sato	:	Ya’ahowu

 

Nitöngöni:

La’ala’a stola ni’oguna’ö ya’ia zowuge’e

 

---

[1] Famalua fanebu tambu andre tenga fahuhuoso ba zi no mate ba tenga  gõi famahowu’õ si no mate, hiza’i ba wamasugi ba dõdõda wa dozi niha moroi ba dambu ba mangawuli ba dambu. Andrõ wa mufaogõ daroma Li soguna ba wanga’aro’õ tõdõ zoroiyomo ba he gõi niha sato khõ Yesu Keriso.

 

AGENDRE WOGO’O IRAONO SI LÖ MUBAYAGÖ IDANÖ[1]

 

(Labe’e sitou hasi ba lewatö[2])

1.      Manunö : BZ. No…….

 

2.      Fangowai

Sondrönia’ö	:	Ya ohahau dödömi, Ya faofao khömi Lowalangi!
Sato	:	Ya fao khöu Geheha-Nia

 

3.      Fogo’o

Sondrönia’ö	:	Imane taroma Li Lowalangi : Lö niwöwöi-Gu ya’ugö na, ba dalu ninau, ba noa sa’ae U’ila’ö; (Yeremia 1:5a)
	:	Ya’ami ira talifusö ni’omasi’ö Lowalangi. Da tatanö nono  andre ba nowi Lowalangi. Lo anehe sibai ita na wa’aurinia, ba faduhu dödöda wa Lowalangi somböi banua si yawa awö danö ba sokhö fa’auri I’omasi’ö fefu niwöwöi danga-Nia. Börö da’ö faduhu sibai dödöda me no Ifabu’u wa’auri si lö aetu ba mbanua-Nia. No’omasiöda nono andre, ba hiza’i abölö I’omasi’ö ia Lowalangi.   Me no soroiyomo Lowalangi ita, ba hewa’ae lö nirasoi nono andre hewisa lala wa’uri ba guli danö andre, he fa’omusö dödö, ba fa’abu dödö; he fa’ohahau dödö, ba famakao. Ba ba khö Lowalangi no isöndra wa’ohahau dödö ba nahia golombasewa irugi we’aso Zo’aya ya’ita Yesu Keriso ba luo safuria.   Börö da’ö ba khö zatua nono  andre, böi ahani ba wa’abu dödö, börö tenga si taya nono andre, no so ia ba naha nohonogöi Nama sangomasi’ö ya’ia.
Sato	:	Yaduhu
Sondrönia’ö	:	Ya’ami ira talifusö. Börö me Lowalangi zokhö fa’aurida andre, ba no Ifuli Ihalö nono andre, andrö tatou’ö mboto nono andre ba lewatö :   ·         Tanö ba danö (tetibo’ö dambu) ·         Awu ba nawu (tetibo’ö dambu) ·         gawugawu ba gawugawu (tetibo’ö dambu)   Imane khönia Yesu: Ya’odo wemaoso ba fa’auri, samati khögu, ba auri, he wa’ae mate ia. Ba dozi sauri, samati khögu, ba lö mate, irugi zi lö aetu.  (Yohane 11:25-26).

 

4.      Manunö : BZ. No: ………….

5.      Fangandrö :

 

Sondrönia’ö	:	Mangandrö ita : He Lowalangima si so ba zorugo ! Fefu gohitö dödö-Mö ba oi aekhu ba zi sökhi ba atulö irugi zi lö etu. No Ö’ila ndra’aga fefu, awö ndra talifusöma andre sabutödö, me no Ökaoni mangawuli nono andrö side’ide. Lowalangi zame’e ba Lowalangi zangai mangawuli. Andrö ma’osara’ö dödöma wanou’ö ya’ia ba khö-Mö. Me no ya’ugö zokhö ya’aga awö ndaronoma fefu. Be’e wondrara dödö ba wa’abu dödöra andre, ena’o lö awuwu wanötönara si mane niha si lö fanötöna. Botokhi ba dödöra wa fefu gohitö dödö Lowalangi ba oi ba zi sökhi manö, ena’ö terara dödöra ba wa’abudödö andre, ba amualagö wa’aomusodödö ba wamaondragö fe’aso Zo’aya ya’aga Yesu Keriso. Yaduhu
Sondronia’ö	:	He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, ba efa’öga ba zi lö sökhi. Me ya’ugö zamatörö  banua-U, ba sokhö fa’abölö, awö lakhömi, irugi zi lö aetu.  Yaduhu.

 

6.      Howuhowu

Ya falukha ami (ita) fefu wa’ebua dödö Zo’aya ya’ita Yesu Keriso ba fa’omasi Lowalangi Ama ba fa’awösa Geheha Ni’amoni’ö. Yaduhu

 

7.      Manunö : Duhu – Duhu – Yaduhu

(Tola göi sinunö tanö bö’ö)

 

Nitöngöni:

La’ala’a stola ni’oguna’ö ya’ia zowuge’e

 

---

[1] Agendre da’e tola gõi mu’oguna’õ ba ndraono si mate moroi ba dalu ninania.

[2] La’ohe ba lewatõ, ba tola gõi na mufalua wanunõ fangandrõ ba fanuriaigõ Li Lowalangi b nomo, awena la’ohe ba lewatõ)