AGENDRE WEMANGA GÖ NI’AMONI’Ö

Table of Contents

 

AGENDRE WEMANGA GÖ NI’AMONI’Ö

(NA TEFATOHU BA NGENOLI AGENDRE MIGU)

 

1.      Manunö: Buku zinunö No:177:1-2 (ma zui numero tanö bö’ö)

 

2.      Fogaoni:

Ya’o Gö fangorifi, Iwa’ö Yesu, si möi khö-Gu, ba döhö wa’olofo, ba si faduhu tödö khö-Gu, ba lö sa’ae owökhi dödö (Yohane 6:35).

 

3.      Fama’anö                                                                                                             Muzizio zato

He ya’ami ira talifusö.

Da ta’owuawua’ö dödöda watomesa khö Lowalangi, ba wanema buala fa’ebua dödö-Nia, ba khö Zo’aya ya’ita Yesu Keriso, si no mate ba horöda, ba si no ifuli maoso wangalani fa’amate, irege falukha ita wangorifi ba fa’ohahau dödö. Andrö da tasekhegö dödö we’amöi föna Zo’aya.  

 

Pdt	:	Hadia edöna ami mi’ombakha’ö horömi khö Lowalangi, sangila era’era dödö niha? Hadia, lö mibini’ö, wa no misawö goroisa-Nia fefu? Hadia abu dödömi ba da’ö ba mi’ogorofi sa’ae wolau horö? Na si manö, ba mitema ligu: “tebai mabini’ö horöma”.
Sato	:	Tebai mabini’ö horöma.
Pdt	:	Hadia faduhu göi dödömi lö sameta horö baero Yesu Keriso, si no manaögö huku salahimi ? Na faduhu dödömi, ba mitema ligu wanguma’ö : “Faduhu dödöma”
Sato	:	Faduhu dödöma
Pdt	:	Hadia, edöna ami mibeta ba dödömi wayaẅasa, awö watiusa, awö wa’afökhö dödö? Hadia edöna ami mi’efa’ö zala zi so sala khömi? Hadai edöna ami mi’ogorofi mbuabua niha si sagötö tanö andrö, ba wamöhöi ya’ia? Ba mitema ligu: “edönaga ya itologa Lowalangi.”
Sato		Edönaga ya itologa Lowalangi
Pdt	:	Mangandrö ita ba wangandrö fa’ahakhö dödö Lowalangi :   “He Lowalangi ! Niha si so horö ndra’aga, ma’ombakha’ö horöma khö-U : oya nilauma si lö sökhi, salama khö-U ba tenga göi zide’ide. Oya göi ngawalö zi lö sökhi ba dödöma bakha: Fayaŵasa, fa’afökhö dödö, ba fatiusa; no ambö famati, ba no oya na danö bö’ö, si lö atulö nifaluama tanöföna-U”.   He Yehowa, hakhösi dödö-U ndra’aga ba wa’omasi-Mö andrö ! Efa’ö khöma horöma andrö ba wa’ebua dödö-U andrö ! Sasai ndra’aga ba horöma andrö börö nono-U Yesu Keriso si no mangöhöli ya’aga. Yaduhu.   Tebe’e ginötö ba wangandrö ba dödö zamösana   (1-2 meniti)
Pdt	:	Me no mi’ombakha’ö horömi ba wogamö fangefa, ba na sindruhundruhu mangesa dödömi ba horömi ba wanötöna fangorifi khö Yesu Keriso, ba tola ufaduhu’ö khömi: wa I’efa’ö horömi andrö fefu Lowalangi, börö wamakao andrö nitaögö Yesu So’aya ya’ita !

Mudadao Zato

4.      Manunö Buku Zinunö No: 182:1 (ma zui numero tanö bö’ö)

 

5.      Oroisa Yesu Sanandrösa Ba Wemanga Gö Ni’amoni’ö

Pdt	:	Ya’ami banua niha keriso ni’omasi’ö. Mifondrondrongo daroma li Lowalangi, sanandrösa ba Wemanga Gö Ni’amoni’ö:  “So’aya ya’ita Yesu me bongi andrö, me te’a mböli-Nia, me orudu manga Ia khö ndra nifahaö-Nia, ba Ihalö roti (mufazawa roti), I’aohasi gölö Lowalangi, ba Iboboto roti andrö, Ibe’e khö ndra nifahaö-Nia, ba Imane :  “Mitema ba mi’a, boto-Gu da’e nibe’e salahimi; ero na mi’a da’e, ba mitörötörö tödömi Ndra’o”. Si manö göi Ihalö mako (mufazawa naha nagu), me no aefa manga ira, I’aohasi gölö Lowalangi, ibe’e khöra, ba Imane : “Mibadu dozi ami, Amabu’ula Li Sibohou nösi mako andre, do-Gu nifaduwa salahimi, ba wangefa’ö horö; gofu hame’uga mibadu da’e, ba mitörötörö tödömi Ndra’o”.   Ba li-Nia andre Ifaduhu’ö sibai khöda Yesu wanguma’ö. Ero na mi’a roti andre (mufazawa roti), ero na mibadu nösi mako andre (mufazawa mako), ba Uforoma’ö sibai khömi wa’omasi-Gu ami, awö wa’ahakhö dödö-Gu; niha si tekiko ena’ö ami, na lö Ubelegö mena’ö wa’auri-Gu fönami, fa böi sa’ae Itörö tödö Lowalangi horömi, ba wanguhuku ya’ami. Me no matedo, me no aduwa ndro-Gu iwa’ö Yesu ba aheta sa’ae horö na mifalu’i’ö khö-Gu.   Börö wa’amate ba femaoso Zo’aya ya’ita Yesu Keriso wa tasöndra wangefa horö awö  wangorifi.  Andrö dozi sanema ha sambua boto, ha sambua wamati, fa’omasi ba fanötöna, Ya faofao khömi Geheha Ni’amoni’ö.
SATO	:	Manunö BZ. No.182:2-3  ma BZ no 180:1-2 (ma zui numero tanö bö’ö)

 

6.      Fama’ema ba Fanema’ö Gö Ni’amoni’ö

 

Imane Yesu: Mi’aine khö-Gu dozi serege tödö, Ufolombase ami.

 

------------------Fama’ema Roti awö Agu-----------------------

 

1).  Mitema ba mi’a, boto-Gu da’e nibe’e salahimi; ero na mi’a da’e, ba mitörötörö tödömi Ndra’o, ............

2).  Mibadu dozi ami, Amabu’ula Li Sibohou nösi mako andre, do-Gu nifaduwa    salahimi, ba wangefa’ö horö; gofu hame’uga mibadu da’e, ba mitörötörö tödömi Ndra’o, ...........

 

Ena’ö Boto ba Do Zo’aya ya’ita Yesu Keriso, ni’amoni’ö ba solakhömi andrö, da’ö zangabölö’ö ba sondrorogö ya’ami irugi zi lö aetu. Mi’angawuli si fao fa’ohahau dödö. Ya mufahowu’ö ami Lowalangi, Yaduhu.

 

(Mangawuli ba nahia zamösana, ba latörö wama’ema fasömbata ba nahia si no mufa’anö)[1]

 

7.      Manunö BZ. No: 232:1 (ma zui numero tanö bö’ö)

 

8.      Fangandrö Salahi + Famatenge + Howuhowu (tohutohu Agendre)

SH	:	Muzizio ita fefu, tafa’ema wangandrö salahi föna Lowalangi, mangandrö ita.........   (Tetohugö wehede: “…….Ba döi Zo’aya ya’aga Yesu Keriso, si no mamahaö ya’aga ba wangandrö mamane:
SH + SATO	:	He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö  banua-U, ba sokhö fa’abölö, awö lakhömi, irugi zi lö aetu. Yaduhu.
SH	:	Famatenge ba Howuhowu:   Mifuli ami sifao fa’ohahau dödö, ba mifaduhu’ö Keriso andrö ba wa’aurimi sero ma’ökhö, ba mitema howuhowu Lowalangi:   v  Ya mufahowu’ö ami Lowalangi, Ya murorogö ami v  Ya mufohaga mbawa-Nia khömi, ba ya mu’ebua’ö dödö-Nia khömi v  Ya mufalemba hörö-Nia khömi, ba Ya mube’e wa’ohahau dödö khömi fefu, Yaduhu
SATO	:	Manunö : Duhu......Duhu.........Yaduhu (Tola sinunö bö’ö moroi ba BZ)
SH	:	Ya’ahowu[2]
SATO	:	Ya’ahowu

 

Nitöngöni: La’ala’a meza awö stola ni’oguna’ö ya’ia zafusi.

---

[1] Na mufa’ema ba nahia wedadao mbanua niha Keriso Gõ Ni’amoni’õ, ba ba ngenoli si 7 manunõ BZ,  ba te’owuloi wasõmbata.

[2]Na no aefa muwa’ö Ya’ahowu ba lahalö wa’ahono dödö banua niha Keriso, ba  möi föna ba mbawandruhö sebua ndra sangai halöwö ba wara’usa tanga ba mbanua niha Keriso sangawuli.

AGENDRE WEMANGA GÖ NI’AMONI’Ö

                                      (NA TENGA SI FAO BA MIGU)          

1.	Manunö	Buku Zinunö No: 178:1-2 (ma zui numero bö’ö)
2.	Fogaoni	Ya’o Gö fangorifi, Iwa’ö Yesu, si möi khö-Gu, ba döhö wa’olofo, ba sifaduhu tödö khö-Gu, ba lö sa’ae owökhi dödö. Yaduhu!
3.	Manunö	Buku Zinunö No: 178:3-4 (ma zui numero bö’ö)
4.	Huhuo
	a.	Ya’irorogo dödömi awö gera’erami fa’ohahau  dödö  andrö khö Lowalangi, sabölö moroi ba gera’era niha fefu, ba khö Keriso Yesu. Mangandrö ita...........Yaduhu.
	b. c. d. e.	Fombaso taroma Li Lowalangi Fanuriaigö Fangandrö fanga’aro’ö huhuo Manunö : “No ma fondrondrongo Li-U”
5.	Fanekhegö Tödö	He ya’ami ira talifusö ni’omasi’ö ba khö Keriso Yesu  No owulo ita ba da’e si fao fa’owuawua dödö, ba we’amöi ba watomesa khö Lowalangi, wanema’ö howuhowu fangorifi ba khö Zo’aya ya’ita Yesu Keriso. Si tekiko mena’ö ita  börö horöda, me i’otarai iraono ita irugi iada’a, ba si lö sökhi gera’era dödöda, lö sa si faehu ita. Föna Lowalangi, ba oi si so horö ita, no fagölögölö manö. Na taŵa’ö, lö horöda, ba talimo ita, ba si duhu lö’ö ba dödöda. Samini tödö, ba sombalugö horönia, ba lö aefa sa ba danga gafökha, solau si lö atulö, ba lö monaha ba naha Lowalangi. Böi elungu ita! Lowalangi, ba lö Ibe’e Ia ni’o’aya, fa’ata’u awö wa’abu dödö lualua wangositengagö Lowalangi, ba luo horö, ba fa’amate.   Andrö göi Ifarou dödöda Lowalangi, ba wamalalini era’era, Imane: si lö mangata’ufi Lowalangi na, ba ya muröi lalania ba ya mu’o’ö li Zo’aya. Hadia sa guna na oya isöndra hare niha ba gulidanö, ba na te’ala ia nosonia? Lö’ö göi höli noso khönia. Andrö mi’ide’ede’ö ami föna Lowalangi, ba wangombakha horömi. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö.
6.	Manunö	Buku  Zinunö No: 224:1 (tola numero bö’ö)
7.	Fama’anö                                                                                                Muzizio zato
	Pdt	He ya’ami ira talifusö. Da möi ita ba watomesa khö Lowalangi, ba wanema buala fa’ebua dödö-Nia, ba khö Zo’aya ya’ita Yesu Keriso, si no mate ba horöda, ba si no ifuli maoso wo’alani fa’amate, irege falukha ita wangorifi ba fa’ohahau dödö. Ba si föföna ua da tasekhegö ita we’amöi föna Zo’aya
		Hadia edöna ami mi’ombakha’ö horömi khö Lowalangi, sangila era’era dödö niha? Hadia, lö mibini’ö, wa no misawö goroisa-Nia fefu? Hadia, abu dödömi ba da’ö, mi’ogorofi sa’ae wolau horö? Na si manö, ba mitema ligu: “tebai mabini’ö horöma”.
	Sato	Tebai Mabini’ö horöma
	Pdt	Hadia faduhu göi dödömi lö sameta horö baero Yesu Keriso, si no manaögö huku salahimi ? Na faduhu dödömi ba da’ö ba mitema ligu wanguma’ö : “Faduhu dödöma”
	Sato	Faduhu dödöma
	Pdt	Hadia, edöna ami mibeta ba dödömi wayaŵasa, awö watiusa, awö wa’afökhö dödö?  Hadia edöna ami mi’efa’ö zala zi so sala khömi?  Hadia edöna ami mi’ogorofi mbuabua niha si sagötö tanö andrö, ba wamöhöi ya’ia, ba mitema ligu: “edönaga ya itologa Lowalangi.”
	Sato	Edönaga ya itologa Lowalangi.
8.	Fangombakha Hörö
	Pdt	Mangandrö ita ba wangandrö fa’ahakhö dödö Lowalangi :     He Lowalangi ! Niha si so horö ndra’aga, ma’ombakha’ö horöma khö-U : oya nilauma si lö sökhi, salama khö-U ba tenga göi zide’ide. Oya göi ngawalö zi lö sökhi ba dödöma bakha: Fayaŵasa, fa’afökhö dödö, ba fatiusa; no ambö famati, ba no oya na danö bö’ö, si lö atulö nifaluama tanöföna-U. He Yehowa, hakhösi dödö-U ndra’aga ba wa’omasi-Mö andrö ! Efa’ö khöma horöma ba wa’ebua dödö-Mö andrö ! Sasai ndra’aga ba horöma andrö börö nono-U Yesu Keriso si no mangöhöli ya’aga. Yaduhu. (Tebe’e ginötö ba wangandrö ba dödö zamösana   1-2 meniti)
9.	Turia Wangefa Horö
	Pdt	Me no mi’ombakha’ö horömi ba wogamö fangefa, ba na sindruhundruhu mangesa dödömi ba horömi ba wanötöna fangorifi khö Yesu Keriso, ba tola ufaduhu’ö khömi: wa I’efa’ö horömi fefu Lowalangi, börö wamakao andrö nitaögö Yesu So’aya ya’ita ! mudadao zato
10.	Manunö	Buku Zinuno No: 182:1 (tola göi numero bö’ö)
11.	Pdt	OROISA YESU SANANDRÖSA BA WEMANGA GÖ NI’AMONI’Ö: Ya’ami banua niha Keriso ni’omasi’ö. Mifondrondrongo daroma Li Lowalangi, sanandrösa ba Wemanga Gö Ni’amoni’ö:  “So’aya ya’ita Yesu me bongi andrö, me te’a mböli-Nia, me orudu manga Ia khö ndra nifahaö-Nia, ba Ihalö roti, (mufazawa roti) I’aohasi gölö Lowalangi, ba Iboboto roti andrö, Ibe’e khö ndra nifahaö-Nia, ba Imane :  “Mitema ba mi’a, boto-Gu da’e nibe’e salahimi; ero na mi’a da’e, ba mitörötörö tödömi Ndra’o”. Si manö göi Ihalö mako, (mufazawa mako) me no aefa manga ira, I’aohasi gölö Lowalangi, ibe’e khöra, ba Imane : “Mibadu dozi ami, Amabu’ula Li Sibohou nösi mako andre, do-Gu nifaduwa salahimi, ba wangefa’ö horö; gofu hame’uga mibadu da’e, ba mitörötörö tödömi Ndra’o”.
		Ba li-Nia andre  Ifaduhu’ö sibai khöda Yesu wanguma’ö. Ero na mi’a roti andre (mufazawa roti), ero na mibadu nösi mako andre (mufazawa mako), ba Uforoma’ö sibai khömi wa’omasi-Gu ami, awö wa’ahakhö dödö-Gu; niha sitekiko ena’ö ami, na lö Ubelegö mena’ö wa’auri-Gu fönami, fa böi sa’ae itörö tödö Lowalangi horömi, ba wanguhuku ya’ami. Börö wa’amate ba femaoso Zo’aya ya’ita Yesu Keriso wa tasöndra wangefa horö awö  wangorifi.  Andrö dozi sanema ha sambua boto sa’ae, ha sambua wamati, ha fa’omasi ba fanötöna, Ya faofao khömi Geheha Ni’amoni’ö.
12.	Manunö	Manunö BZ. No.182:2-3  ma BZ no 180:1-2 (Tola göi numero tanö bö’ö)
13.	Fama’ema/ Fanema’ö Gö Ni’amoni’ö
		Imane Yesu: Mi’aine khö-Gu dozi serege tödö, Ufolombase ami. ----------------------Fama’ema Roti awö Agu----------------------- 1).  Mitema ba mi’a, boto-Gu da’e nibe’e salahimi; ero na mi’a da’e, ba mitörötörö tödömi Ndra’o, (fama’ema roti). 2).  Mibadu dozi ami, Amabu’ula Li Sibohou nösi mako andre, do-Gu nifaduwa    salahimi, ba wangefa’ö horö; gofu ha me’uga mibadu da’e, ba mitörötörö tödömi Ndra’o, (fama’ema agu).
		Ena’ö Boto ba Do Zo’aya ya’ita Yesu Keriso, ni’amoni’ö ba solakhömi andrö, da’ö zangabölö’ö ba sondrorogö ya’ami irugi zi lö aetu. Mi’angawuli si fao fa’ohahau dödö.Ya mufahowu’ö ami Lowalangi, Yaduhu.   (Mangawuli ba nahia zamösana, ba latörö wama’ema fasömbata ba nahia si no mufa’anö,  ba na tenga si möi föna wamalua femanga Gö Ni’amoni’ö, ba ba ginötö manunö fanete da’e, ba da’ö te’owuloi wasömbata).
14.	Manunö	BZ No: 232:1 - (tola göi numero tanö bö’ö).
15.	Fangandrö
	Pdt	Muzizio zato, mangandrö ita:   Masuno Ndra’ugö So’aya, Yesu Keriso, me no Ö’okafui dödöma ame’ela-U andrö, soguna khöma, boto-Mö, ba do-Mö. Ba ma’andrö khö-U, ba wa’ahakhö dödö-U andrö khöma, be’e fangaro wamatima khö-U, nitemama andrö ba fangabölö wa’omasima Ndra’ugö, awö wa’omasima niha fefu, Ya’ugö andrö Salaŵa Si lö’aetu, si lö mamalömalö Fa’auri, Sihasamösa, awö Nama, awö Geheha Ni’amoni’ö. Ba döi Zo’aya ya’ata  Yesu Keriso, si no mamahaö ya’aga ba wangandrö, ma’endrongagö lima, mamane:   “He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö  banua-U, ba sokhö fa’abölö, awö lakhömi, irugi zi lö aetu. Yaduhu.”
16.	Famatenge ba Howuhowu
	Pdt	Mifuli ami ba mifaduhu’ö Keriso andrö ba wa’aurimi sero ma’ökhö ba mitema howuhowu Lowalangi:   v  Ya mufahowu’ö ami Lowalangi, Ya murorogö ami v  Ya mufohaga mbawa-Nia khömi, ba ya mu’ebua’ö dödö-Nia khömi v  Ya mufalemba hörö-Nia khömi, ba Ya mube’e wa’ohahau dödö khömi fefu, Yaduhu.   ma zui   Lowalangi wa’ohahau dödö andrö, ba ya mufaulugö wangehao ya’ami, awö wondrorogö nosomi, fabaya boto, fa lö sinegu hadia ia, irugi we’aso Zo’aya ya’ita, Yaduhu! ( I Tesalonika 5:23 ).
17.	Manunö	Duhu, duhu, Yaduhu! (tola göi zinunö tanö bö’ö moroi ba BZ)
18.	Pendeta	Ya’ahowu
	Sato	Ya’ahowu

                          

Nitöngöni

1)      La’ala’a lembe meza awö stola ya’ia da’ö safusi.

2)      Na tefalua ia nifaogö ba wa’owulo tanö bö’ö (upacara gereja) simane Misi – Reformasi ba tanö bö’ö nia, ba la’ala’a lembe meza awö stola ni’oguna’ö lö sa’ae latukari tobali safusi ba ginötö wemanga gö ni’amoni’ö.

AGENDRE FEMANGAÖ GÖ NI’AMONI’Ö

(Ba zofökhö awö zi tebai boto ma si tebai möi ba gosali)

 

 

1.	Manunö	Buku Zinunö No…….
2.	Fangahono Dödö	Ba Döi Lowalangi Ama, ba ba Döi Yesu Keriso, ba ba Döi Geheha Ni’amoni’ö. Ya fao khöda Lowalangi, same’e fa’ohahau dödö, awö wondrara dödö. Yaduhu!
3.	Fangaro Wamati	Ya’ami ira talifusö….. Imane Yesu: “Mi’aine khõgu, dozi serege tõdõ, awõ zonoro, ba ufolombase ami. Mihare’õ khõmi kalo mbagi andrõ khõ-Gu ba mitõngõni khõ-Gu, me no sebolo tõdõ Ndra’o ba si lõ fayawa tõdõ, ba falukha ami wolombase dõdõmi.”   Ya’ami ira talifusö ni’omasi’ö Yesu Keriso.   Omasi ami wanema’ö Gö Ni’amoni’ö, ba wanema’ö fa’ebua dödö Lowalangi, ba khö Yesu Keriso si no mangöhöli ba mangorifi ya’ita. Ba fatua lö da’ö, mi’ide’ide’ö ami föna Lowalangi ba wangombakha horömi, me tebai tobali we’ewe’e dödö mbuabua si no tafalua, me samösa lö satulö, a’oi mamazökhi horö föna Lowalangi. Ifa’ema khöda mboto ba do-Nia So’aya ya’ita Yesu Keriso tobali fangowuawua dödö ba fangabölöda. Andrö börö da’ö,  Ifa’ema Gö Ni’amoni So’aya yaita Yesu Keriso si tobali fondrara dödö ba niha sigöna abula dödö ba ba niha si no tebai. Börö da’ö na sindruhundruhu mangesa dödömi ba na omasi ami  te’efa’ö moroi ba horömi, ba ya faduhu dödömi wa lö zi lö mitema, me no mate Keriso salahimi.   Mitörö tödömi wamakao si no itaögö So’aya ya’ita Yesu Keriso ba wangöhöli ya’ami börö wa’omasi-Nia andrö. Fa’omasi ba fa’atulö Yesu da’ö zi tobali lohelohemi sohagaini lalami ba wogamö fa’auri si lö aetu.   Börö da’ö ba ginötö mitema Gö Ni’amoni’ö andre, mitou’ö ami ba danga Zo’aya ya’ita Yesu Keriso, ena’ö lö Iröi ami awö wa Irorogö ami, Ibe’e khömi Geheha Ni’amoni’ö. Andrö mitaha dödömi ba wamakao andrö si lö arara moroi ba wa’omusö dödö ba wa’auri si lö aetu.    Andrö mi’andrö saohagölö ba ngawalö zi no Ifalua Lowalangi, böi aetu wanötöna, böi mikökökökö, me no oföna itaögö wamakao So’aya ya’ita Yesu Keriso. Andrö mibe’e aefa zala niha si no fasala khömi, ena’ö I’efa’ö khömi horö Lowalangi. Me ulidanö andre ha nahia si lö arara lö so’ahonoa, ha ba zorugo nahia so’ahonoa.
4.	Fangandrö	Da ta’ondrasi Lowalangi ba wangandrö si fao fangidengide’ö, ba migo’ö tödömi, mangandrö ita :   He So’aya Lowalangi Ama khöma si so ba zorugo ! Lowalangi sebua fa’ahakhö dödö ndra’ugö, samondrongo fe’ao niha si tefakao. No Ӧ’ila ba aboto ba dödö-U wamakao sigöna ya’o. Tolazi dödögu ba wökhö andre, hakhösi dödö-U khögu, he So’aya Lowalangigu bologö dödö-U bangawalö horö ba olalöwagu, ba böi aröu’ö ndra’o tanö föna-Mö. Be’e khögu wa’abölö ena’ö anau gölögu ba wanaögö famakao andre, ha wa’aratö na sa Ӧtehegö khögu auri na ndra’o ba gulidanö andre.   He Lowalangi sondrara tödögu, be’e khögu wanaha tödö, ba ya Eheha-U Ni’amoni’ö zololohe tangagu ba wanörö lalagu. He Lowalangigu amualagö khögu wa’omasi-Mö, börö nono-U andrö Yesu Keriso si no mate salahigu. No Ilu’i fefu ngawalö horögu, Ya’ia zabe’e dödögu, Ya’ia wa’aurigu. Ba na irugi inötö Ӧkaoni ndra’o ba fasao ndra’o ba wa’auri si lö aetu, börö nono-U Yesu Keriso So’aya ya’o. Yaduhu.
5.	Fangombakha horö ba fawu’usa li	1)      Hadia sindruhundruhu aboto ba dödöu/mi ngawalö horöu/mi? Ba hadia sindruhundruhu mangesa dödöu/mi ba wangalö horöu/mi andrö?  Ba hadia omasi ndra’ugö/ami na te’efa’ö khöu/mi horöu/mi ? ba hadia faduhu dödöu/mi wa no Ifalua khöu/mi da’ö Yesu Keriso ? Na si manö ba tema ligu aboto ba dödögu/ma ? …….fanema Li “aboto ba dödögu/ma”………… 2)      Me no mangesa dödöu/ma ba ngawalö horöu/mi, ba ö’andrö wa’omasi Lowalangi ba wangefa’ö horöu/mi, ba Ya I’amualagö khöu/mi Lowalangi hadia ni’andrömö/mi andrö. Na simanö ba tema ligu “ sindruhu u’andrö/ma’andrö wangefa horögu/ma”    ……….fanema li “ sindruhundruhu u’andrö/ma’andrö wangefa horögu/ma”………
6.	Turia wangefa horö	Ba döi Zo’aya ya’ita Yesu Keriso, ya faduhu dödöu/mi no I’efa’ö khöu/mi horöu/mi So’aya ya’ita Yesu Keriso.   Da ta’endrongagö li ba wangandrö si no Ifahaö So’aya ya’ita Yesu Keriso : Endronga lida…………….   “He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö  banua-U, ba sokhö fa’abölö, awö lakhömi, irugi zi lö aetu. Yaduhu.”
7.	Fangoroi’ö femanga Gö Ni’amoni’ö	Iada’e mi’angandrö ba mifaogö dödömi ba wamondrongo fangoroi’ö femanga Gö Ni’amoni’ö. So’aya ya’ita Yesu me bongi andrö, me te’a mböli-Nia, me orudu manga Ia khö ndra nifahaö-Nia, ba Ihalö roti (tefazawa roti), I’aohasi gölö Lowalangi, ba Iboboto roti andrö, Ibe’e khö ndra nifahaö-Nia ba Imane: Mitema ba mi’a botogu da’e nibe’e salahimi, ero na mi’a da’e ba mitörötörö tödömi Ndra’o. Si manö göi Ihalö mako (tefazawa mako) me no aefa manga ira, I’aohasi gölö Lowalangi ba Ibe’e khöra, Imane : Mibadu dozi ami mabu’ula sibohou nösi mako andre, do-Gu nifaduwa salahimi ba wangefa’ö horö. Gofu hame’uga mibadu da’e ba mitörötörö tödömi Ndra’o.
8.	Famalua femanga Gö Ni’amoni’ö	Mi’aine no I’asiwai So’aya! Mifaigi ba mitandra mbuala Lowalangi andrö ?   (tefa’ema roti ba agu khö zofökhö/si tebai/somasi fao:)   ·      Imane Yesu: Mitema ba mi’a! botogu da’e nibe’e salahimi. Da’ö zondrorogö ba sanga’aro’ö famatimö ena’ö ösöndra wa’auri si lö aetu. Yaduhu. ·      Imane Yesu: mbadu dozi ami ! do-Gu da’e nifaduwa ba wangefa’ö horö. Da’ö zondrorogö ba sanga’aro’ö famatimö ena’ö ösöndra wa’auri si lö aetu. Yaduhu.   Mi’angawuli ya’ohahau dödöu/mi !
9.	Fangandrö Saohagölö	Da ta’andrö saohagölö khö Zo’aya, ba mi’o’ö tödömi:   Isuno ndra’ugö tödögu, ya’ugö Lowalangigu, me no Ӧ’amualagö khögu howuhowu si otarai zorugo ba khö nono-U Yesu Keriso. Isuno ndra’ugö tödögu, ya’ugö So’aya Yesu Keriso, me no Ӧ’atulö’ö ndra’o khö Lowalangigu. Lö’ata’udo sa’ae wa’abölö wa’amate, börö me no Ӧfemöna ndra’o Ya’ugö si no umbu wangorifi. So’aya Yesu Keriso no ifuli auri, ba si manö göi ndra’o, awö wa Ituturu khögu lala wefao khö-Nia ba nahia wa’auri si lö aetu.   Hakhösi tödö-U ndra’o Lowalangigu! Amualagö khögu Geheha Ni’amoni’ö sohagaini tödögu ba sanga’aro’ö famatigu ba wanötöna fa’auri si lö aetu, hewa’ae no so ndra’o ba wamakao.   Hewa’ae utörö lumö wa’amate, ba Yehowa zi fao khögu ba sanuturu lalagu. Hewa’ae mate ndra’o, tekiko mbotogu, ba Yehowa zanusugi ya’o, si mane fanusugi-Nia So’aya Yesu Keriso, Lowalangigu. Na no mususugi ndra’o dania ba moido ba nomo Nama börö Zo’aya Yesu Keriso.
10.	Fama’howu’ö	Mifuli ami ba mifaduhu’ö Keriso andrö ba wa’aurimi sero ma’ökhö ba mitema howuhowu Lowalangi:   v  Ya mufahowu’ö ami Lowalangi, Ya murorogö ami v  Ya mufohaga mbawa-Nia khömi, ba ya mu’ebua’ö dödö-Nia khömi. v  Ya mufalemba hörö-Nia khömi, ba Ya mube’e wa’ohahau dödö khömi fefu, Yaduhu.   ma zui   Lowalangi wa’ohahau dödö andrö, ba ya mufaulugö wangehao ya’ami, awö wondrorogö nosomi, fabaya boto, fa lö sinegu hadia ia, irugi we’aso Zo’aya ya’ita, Yaduhu! ( I Tesalonika 5:23 ).
11.	Manunö	Duhu – duhu – Yaduhu    (Tola göi zinunö tanö bö’ö)

 

Nitöngöni:

Stola safusi ifake fandrita samalua femanga Gö Ni’amoni’ö.