AGENDRE WAME’E BA GEU (HASI) MBOTO ZI NO MONDRÖI ULIDANÖ

Table of Contents

 

AGENDRE WAME’E BA GEU (HASI) MBOTO ZI NO MONDRÖI ULIDANÖ

1.      Fehede Famasao              : Moroi ba Wongambatö

 

2.      Fasumangeta khö Lowalangi

 

(1)   Fangowai

Sondrönia’ö	:	Ya’ami ira talifusö. No Lowalangi zokhö ba samatörö fa’auri niha ba gulidanö. Ba börö wa’omasi-Nia, no tefolakhömi Ia ba wa’auri dalifusö (satua) andre si no mofanö. Ba me no moroi khö-Nia ita, börö Ia, ba mangawuli khö-Nia – andrö da ta’osara’ö dödöda wamalua halöŵö, fame’e ba geu (hasi) dalifusö (satua) andre si no mofanö. Ya faofao khömi Lowalangi……….
Sato	:	Ya fao khöu Geheha-Nia.
Sondr + Sato	:	Yaduhu!

(2)   Manunö BZ 411:1-2 (tola göi numero bö’ö)

 

(3)   Fanga’aro’ö ba Wa’owulo + Fangandrö .................(muzizio zato)

Sondrönia’ö	:	Da tahonogö dödöda ba wahasambua  khö Lowalangi: “No owulo ita ba da’e ba döi Lowalangi Ama, ba döi nono-Nia Yesu Keriso, ba ba döi Geheha Ni’amoni’ö.
Sato	:	Yaduhu.
Sondrönia’ö	:	Fefu hadia ia, ba so ginötö, ba hadia ia fefu nilau ba guli danö, ba oi ba ginötönia. So mbaŵa wa’atumbu ba so mbaŵa wa’amate. (Sangombakha 3:1-2a)
Sato	:	Manunö BZ 412:1  (tola göi numero bö’ö)
Sondrönia’ö	:	Mangandrö ita: He Ama khöma si so ba zorugo. Aboto ba dödöma wa moroi ba wa’omasi-Mö, no Öhalö mangawuli khö-U dalifusö/satua…........... ba nomo andre. Lö khöma famadöni, lö khöma fanahigö, me fa’aurima ba no si otarai Ndra’ugö. Ya’ugö zokhö ba samatörö. Ya’ugö zame’e ba Ya’ugö zanga’i. Ya nisuno döi-Mö andrö, ni’amoni’ö.  Ma’andrö khö-U Ama, fahowu’ö halöwöma andre, ba wame’e ba geu dalifusö/satua…….. Ya’ugö zondrara tödö ba samahowu’ö dozi si toröi moroi furi, ba wa’omasi Zo’aya ya’aga Yesu Keriso. Yaduhu.

(Mudadao zato)

(4)   Fombaso Taroma Li Lowalangi:  Moroi ba zura Yobi 7:7-10

Sondrönia’ö	:	Törötörö tödö-U, wa no hulö nangi we’asogu ba guli danö! Lö’ö sa’ae ifuli i’ila wa’ohahau dödö hörögu andre. Hörö zangila ya’odo iada’e, ba lö’ö sa’ae i’ilado dania; na i’alui ndra’o hörö-U, ba lö ya’odo sa’ae. Si mane lawuo si taya ba si lalö misa, si manö wa lö mangawuli miyawa zi no numalö ba mbanua tou. Lö’ö sa’ae ifuli ia ba nomonia, ba lö’ö sa’ae i’ila ia nahiania mege.
Sato	:	Yaduhu.

(5)   Manunö Buku Zinunö No: 414:1-2  (tola göi numero bö’ö)

 

(6)   Huhuo

Sondrönia’ö

:

a.       Ya Irorogö dödömi fa’ohahau dödö andrö khö Lowalangi, sabölö moroi ba gera’era niha fefu ba khö Keriso Yesus. Mangandrö ita ………....... Yaduhu b.      Fombaso taroma Li Lowalangi c.       Fanuriagö d.      Fangandrö fanga’aro’ö huhuo e.       Manunö : “No ma fondrondrongo li-U”

(7)   Fame’e ba Geu (Hasi)

Sondrönia’ö	:	Iada’e tebe’e ginötö wame’e ba geu, ba moguna mutöngöni gohitö dödö wamalua da’e, ya’ia da’ö: (1) Wa no hasara dödö ba lö famadöni ba zoroiyomo fefu wofanö dalifusö/satua….......... andre, (2) Ena’ö soroiyomo  si toröi moroi furi aro ba wamati ba ba wahasara dödö, lö fanahö tödö, lö fawinisa era’era, ba lö fa’afandröndröu wa’atalifusöta. (3) Ba fa’aro dödö wa he sauri ba he simate no so barö gamatöröŵa Lowalangi.  Tebe’e ginötö wame’e bakha ba geu.………
Sondrönia’ö	:	Manunö BZ No: 414:4-5 (tola göi numero bö’ö)
	:	Mangandrö : (samösa moroi ba gotalua zatua)

(8)   Manunö BZ.No:415:1-2 (tola göi numero bö’ö)

 

(9)   Fangandrö Salahi + Fangandrö Zo’aya+ Famatenge ba Howuhowu

 

Sondrönia’ö	:	Muzizio zato, mangandrö : “……………………….” Ba döi Zo’aya ya’aga Yesu Keriso si no mamahaö ya’aga ba wa’amasa khö-U, mamae:……………..
Sondrönia’ö	:	Mi’angawuli si fao fa’ohahau dödö, ba yamo’ahonoa ami ba wamati ba lala wa’auri sero ma’ökhö, ba mitema howuhowu Lowalangi:   v  Ya mufahowu’ö ami (ita) Lowalangi, Ya murorogö ami (ita) v  Ya mufohaga mbawa-Nia khömi (khöda), Ya mu’ebua’ö dödö-Nia khömi (khöda) v  Ya mufalemba hörö-Nia khömi (khöda), Ya mube’e wa’ohahau dödö khömi (khöda) fefu. Y a d u h u ! (ma  zui ) Ya falukha ami (ita) fefu wa’ebua dödö Zo’aya ya’ita Yesu Keriso ba fa’omasi Lowalangi Ama ba fa’awösa Geheha Ni’amoni’ö. Yaduhu.
Sato	:	Manunö: BZ. No: 415:5-6  (tola göi zinunö bö’ö)
Somdrönia’ö	:	Ya’ahowu
Sato	:	Ya’ahowu

 

3.      Fangasiwai           : (Moroi ba nösi nomo)

Nitöngöni: La’ala’a stola ni’oguna’ö ya’ia zowuge’e (hijau)