AGENDRE WAMATARO MAJELIS RESORT MA MAJELIS JEMAAT[1]

Table of Contents

 

AGENDRE WAMATARO

MAJELIS RESORT MA MAJELIS JEMAAT[1]

 

 

Manunö	:	Buku Zinunö No: 129:1-2 “LӦ TOLA LӦ TAHALӦ)…. (tola göi zinunö bö’ö)
Fangahono Dödö	:	Da tafalua wamataro Majelis Resort…………….BNKP/Majelis Jemaat…………Resort……….BNKP,  ba döi Lowalangi Ama, ba döi Nono-Nia Yesu Keriso, ba ba döi Geheha Ni’amoni’ö. Yaduhu.
		Imane Yesu :  Na so zi möi enoni-Gu, ba yamu’o’ö Ndra’o, ba ba zi so Ya’o,  ba da’ö göi so genoni-Gu, ba ifosumange Ama-Gu (Yohane 12:26)
Fangombakha	:	Ya’ami banua niha Keriso. Me no tetutuyu ndra talifusô andre, si fao dôdô rafe, si tobali ndroto-ndroto Majelis Resort ……….BNKP/ndroto-ndroto Majelis Jemaat………Resort………BNKP dôfi wohalôŵô …………………, andrô tafataro ira ba halôwôra ia da’e ba te’a’aro’ô ira.
Fangombakha Lala Halöwö	:	He ya’ami ira talifusö..ndroto-ndroto Majelis Resort ………. BNKP, ndroto-ndroto Majelis Jemaat………Resort………BNKP; mifondrondrongo Lala Halöŵö ba nifataro ya’ami, faudu ba goigoi ba BNKP:
	1	HALÖWÖ MAJELIS RESORT: (Faigi Peraturan BNKP No 03/BPMS-BNKP/2008, Faza 6)
	2	HALOWO MAJELIS JEMAAT  (Faigi Peraturan BNKP No 04/BPMS-BNKP/2008, Faza 10)
Fanofu	:	Ya’ami ira talifusö. Me no mirongo duho halöwö ba nifataro ya’ami, he ndrotondroto  Majelis Resort/he ndrotondroto Majelis Jemaat.  Börö da’ö ba zanehe Lowalangi, ba föna mbanua niha Keriso, usofu khömi: Hadia edöna ami milulu wa’aurimi amatôrôwa Zo’aya ya’ita Yesu Keriso, ba wangai halôŵô ba mbanua-Nia ba nifataro ya’ami ma’ökhö? Na edöna ami, ba mitema li wanguma’ô: EDӦNAGA, YA ITOLOGA LOWALANGI BA WA’EBUA DÖDÖNIA ANDRÖ.
Fanema Li	:	EDӦNAGA, YA ITOLOGA LOWALANGI BA WA’EBUA DÖDÖNIA ANDRÖ.
Famataro	:	Ba döi Lowalangi Si samösa tölu, si no mogaoni ya’ita: ufataro ami tobali ndrotondroto Majelis Resort.….BNKP/Majelis Jemaat………...Resort……..…BNKP.
Famahowu’ö		Mihonogö dödömi ba wanema howuhowu: Amada, Yehowa Lowalangi andrö, si lö ambö fa’abölö ba si no umbu howuhowu, da’ö zamahowu’ö ya’ami ba same’e khömi Eheha-Nia, sangabölö’ö ba sangatuatua’ö ba wangai halöŵö si no mutou’ö ba dangami, irege mowua molo’ö somasi Lowalangi ba khö Zo’aya ya’ita Yesu Keriso. Yaduhu.
Famatenge	:	Mi’ae’e ya’ami ira talifusö, mihalö halöŵö andrö si fao fangosindruhugö, ba halöŵö si no ifaduhusi tödö khömi So’aya ya’ita Yesu Keriso.
Mangandrö	:	Mangandrö ita: Masuno ndra’ugô ba ma’andrô saohagôlô So’aya Lowalangima si so ba zorugo, me lô ôfamalômalô wokubaloi banua-U, wame’e sohalôwô si môi enoni-U ba Resort …… BNKP/Jemaat……... Ma’andrô bôi bulô’ô danga-U si lô ambô fa’abôlô, ba si fahôna howuhowu yaŵa ndra enonimô andre, ya khô-U manô zumange irugi zi lô aetu, Yaduhu.
Manunö	:	Buku Zinunö No: 135:1 (Tola göi numero tanö bö’ö)
SK		Fama’ema SK
		Fondra’u tanga....

 

 

Nitöngöni:

Stola ni’oguna’ö ya’ia zo la’ala’a soyo (merah), ba molo’ö töi migu la’ala’a lembe meza.

 

---

[1] Lafaudugö ba lala halöŵö nifalua.