AGENDRE WAMATARO GURU SEKOLA MIGU

Table of Contents

 

AGENDRE WAMATARO

GURU SEKOLA MIGU

 

 

Manunö	:	Buku Zinunö No: 129:1-2  (tola numero tanö bö’ö)
Fangahono Dödö	:	Yafalukha ami wa’ohahau dödö soroi Lowalangi Ama, ba khö Zo’aya ya’ita Yesu Keriso, ba fa’awösa Geheha Ni’amoni’ö. Yaduhu.
		Imane taroma Li Lowalangi: “Mifondrondrongo, ya’ami Iraono Gizara’eli! Yehowa, ba no Lowalangida, ha Ya’ia! Ba ö’omasi’ö Yehowa andrö Lowalangiu, moroi si’aikö ba dödöu, ba moroi si’ai ba gera’erau fefu, ö’oigö wa’abölöu. Taroma Li andre niẅa’ögu khöu ma’ökhö, ba ötanö ba dödöu. Ba öfahaö göi ndraonou ba da’ö, itörötörö liu, na yomo so’ö, ba he na ba wekoli, na möi’ö mörö, ba na maoso’ö.” Ba imane Yesu: “Mifa’amõi khögu ndraono andrö, böi mitenaẅa ira, ba zi manö sa mbanua Lowalangi andrõ.”     Ya’ami banua niha Keriso, mo noro dödö ita fefu ba wolohe iraono khö Yesu, ba ba wamahaö ya’ira, ena’ö moẅa’a ba saro ba lala wamati. Andrö wa mututuyu zi tobali samaha’ö iraono andrö (Guru Sekola Migu), ba tafataro ira ba halöẅö si sökhi andrö ia da’e.
Manunö	:	Buku Zinunö No:139:1 (tola numero tanö bö’ö)
Fangandrö	:	Mangandrö ita: He Yesu Keriso So’aya ya’aga ! Ma’andrö  saohagölö khö-U, me no Öfahaö ndra’aga ba zi no numalö! Ba iada’e, no marongo zui daroma Li-Mö, ba wamarou ya’aga, fa madunödunö ia ba ndraono, andrö wa mututyu ba ma fataro zi tobali samahaö iraono andre. Ma’andrö khö-U be’e khöra Geheha-U Ni’amoni’ö sangabölö’ö ya’ira,  ba wolo’ö niẅa’ö-U, irege mo’ahonoa ira, tobali tana khö-U, ba ena’ö göi lafasao ndraono andrö, si tobali sangebua’ö töi-Mö ba gulidanö andre. Yaduhu!
Manunö	:	Buku Zinunö No: 139:2 (tola numero tanö bö’ö)
Fangombakha Lala Halöẅö	:	He ya’ami ira talifusö, modane-dane ba goigoi si no mufa’anö ba Peraturan BNKP No 14/BPMS-BNKP/2014  wa komisi-komisi no solului ba lala halöẅö ba ngasi si so ba Jemaat. Sambua ngasi wohalöẅö, ya’ia wamahaö iraono nidönia’ö Komisi Pelayanan Anak. Ba halöẅö famaha’ö iraono andrö ba lala wamati khö Yesu Keriso, tekaoni ba tefataro ami.
Fanofu	:	Andrö usofu khömi ba zanehe Lowalangi, sogaoni ya’ami, ba ba zanehe mbanua niha Keriso, ba zi möi ami enoni. Hadia, edöna ami mi’o’ö Li Lowalangi, mi’ohe ba wamati ndraono ba mifahaö ira ba lala wamati si faudu ba daroma Li Lowalangi? Ba na edöna ami, mibe’e dödömi, mi’osindruhugö, ba lö faröi ami wangai ya’ia; ba mitema ligu wanguma’ö: “EDÖNAGA, YA ITOLOGA LOWALANGI, BA WA’EBUA DÖDÖ-NIA ANDRÖ!”
Fanema Li	:	EDÖNAGA, YA ITOLOGA LOWALANGI, BA WA’EBUA DÖDÖ-NIA ANDRÖ!
Famataro	:	Ba döi Lowalangi Si samösa tölu, si no mogaoni ya’ita: Ufataro ndra’ugö (ami) tobali Guru Sekola Migu ba Jemaat……  Ya Ihöna khöu (khömi) Lowalangi wa’atuatua ba fa’abölö ba wangai halöẅö-Nia andrö. Yaduhu.
Famahowu’ö	:	Mihonogö dödömi ba wanema howuhowu: Ya muhagaini Lowalangi dödömi, Eheha-Nia Ni’amoni’ö, Lowalangi Ama ba zorugo, sogaoni ya’ami, ba halöẅömi andrö, ba wamosumange Ya’ia, ba ba wanema fa’auri si lö aetu. Yaduhu!
Famatenge		Ba mi’ae’e, ya’ami talifusö, mi’oigö dödömi, ena’ö sökhi halöẅömi famahaö andrö. Böi miförö, mi’abe’e’ö ami wamati, si mane ira matua, ya’abölö ami, ya a’oi so khömi wangai halöẅö Zo’aya andrö, böi ya mamalömalö, me no mi’ila, tenga zayazaya gölö wa’erege dödömi andrö ba khö Zo’aya.
Mangandrö	:	Muzizio zato, mangandrö ita: He Lowalangi, Ama khöma si so ba zorugo! Ma‘andrö saohagölö khö-U, me no Öfataro ba mbanua-U niha Keriso, zohalöẅö ba Sekola Migu, ma’ökhö. Be’e khöra wa’anau gölö, ba fehulu dödö ba wombambaya halöẅö-Mö andrö, ena’ö dozi bewe manehe, wa no So’aya Yesu Keriso, ba wamolakhömi Lowalangi Ama. Yaduhu!
Manunö	:	Buku Zinuno No:135:1
		……………..Fama’ema SK…………………… ……………Fara’u tanga ……………….…

 

 

 

Nitöngöni:

Stola ni’oguna’ö ya’ia zo la’ala’a soyo (merah), ba molo’ö töi migu la’ala’a lembe meza.