AGENDRE WAMALUA FANGANDRÖ SAOHAGÖLÖ (FANANÖ BUNGA[1])

Table of Contents

 

AGENDRE WAMALUA FANGANDRÖ SAOHAGÖLÖ

(FANANÖ BUNGA[1])

 

I.          Fehede Famaehagö: Moroi ba Wongambatö

 

II.       Fasumangeta Khö Lowalangi

 

(1)   Fangowai

Sondrönia’ö	:	Börö wa’omasi Lowalangi, wa no tola oi orudu ita oi faondra ba nahia ndra talifusö andre. Si fao ita ba wangandrö saohagölö khö Lowalangi, si no mondrorogö ba mamahowu’ö ya’ita fefu, mendrua manö nösi nomo andre. Ba wa’owuloda ba döi Zo’aya, u’owai ami: Ya’ahowu!
Sato	:	Ya’ahowu
Sondrönia’ö	:	Ya faofao khömi Lowalangi
Sato		Ya fao khöu Geheha-Nia.

(2)   Manunö: moroi ba Mbuku Zinunö No:……………..

 

(3)   Fanga’aro’ö ba Wa’owulo + Fangandrö

Sondrönia’ö	:	Da tahonogö dödöda ba wahasambua  khö Lowalangi: “No owulo ita ba da’e ba döi Lowalangi Ama, ba döi nono-Nia Yesu Keriso, ba ba döi Geheha Ni’amoni’ö.
Sato	:	Yaduhu.
Sondrönia’ö	:	Imane khönia Yesu: Ya’odo wemaoso ba fa’auri, samati khögu, ba auri, he wa’ae mate ia. (Yoh 11:25).
Sato	:	Manunö BZ No: 426:1 …….(tola göi numero bö’ö)
Sondrönia’ö	:	Mangandrö ita: He Yehowa Lowalangi, ni’amoni’ö, Ama khöma si so ba zorugo. Masuno Ndra’ugö ba ma’andrö saohagölö wa’ebua dödö-U khöma. No Ö’a’aro’ö ba wamati, ba no Örara dödö ndra talifusö ba nomo andre börö wofanö……. (nono/talifusö/satua) ni’omasi’öra. No öfahowu’ö fefu lala halöwö, irege no tetanö mboto……………… (nono/talifusö/satua), ba no göi tebe’e dandra lewatö, ya’ia wananö bunga. Ba iada’e owulo ndra’aga ba wanuno Ya’ugö, ba ba wangandrö howuhowu-Mö ba zitoröi moroi furi.  Fahowu’ö wa’owulo andre ba döi Zo’aya ya’aga Yesu Keriso, Yaduhu!

(4)   Fombaso Taroma Li Lowalangi moroi ba zura Zinunö 23 (tola ha sangai halöwö zombaso, ba tola nifagemagema)

Sondrönia’ö	:	Yehowa gubalogu, lö ambö ndra’o hadia ia.
Fongambatö	:	Ibe’e molombase ndra’o, ba zodu’u sauri, ba I’ohe ndra’o ba zinga nidanö sahonohono ndra’odo.
Sato	:	I’okafui dödögu; Ifatörö ndra’o ba lala satulö, börö döi-Nia andrö
Sondrönia’ö	:	Ba he utörö mbawa danö andrö, si göna lumö wa’amate andrö, ba lö ata’udo zi lö sökhi; awögu sa Ndra’ugö; si’ou andrö ba we’ewe’e andrö khö-U, da’ö wondrara dödögu.
Fongambatö	:	Öfa’oli gögu fönagu, fametahö zi fa’udu khögu; Ӧbayoini fanikha högögu, Ӧfo’ösi khögu mako, Ӧfönui
Sato	:	Ha sambalö si sökhi ba fa’ebua dödö zolo’ölo’ö ya’odo, sagötö ya’o; ba si lö tebulö ba nomo Yehowa ndra’odo, sagötö fa’ara
Endronga fefu	:	Yaduhu

(5)   Manunö: Buku Zinunö No:…………..

 

(6)   Huhuo

Sondrönia’ö

:

a.       Ya Irorogö dödömi awö gera’erami fa’ohahau dödö andrö khö Lowalangi, sabölö moroi ba gera’era niha fefu ba khö Keriso Yesus. Mangandrö ita…………………Yaduhu. b.      Fombaso taroma Li Lowalangi c.       Fanuriagö/Angerönua d.      Fangandrö + No mafondrondrongo Liu

(7)   Fangandrö Salahi

a.       Samösa moroi ba nösi nomo

b.      Samösa Zatua Niha Keriso

c.       Sondrönia’ö

 

(8)   Manunö: Buku Zinunö No:………..

 

(9)   Fangandrö Zo’aya + Famatenge + Howuhowu

 

Sondrönia’ö Sato	: :	Muzizio zato, Endronga Lida ba wangandrö Zo’aya: “He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö  banua-U, ba sokhö fa’abölö, awö lakhömi, irugi zi lö aetu.  Yaduhu.
Sondrönia’ö	:	Mi’angawuli si fao fa’ohahau dödö, ba yamo’ahonoa ami ba wamati ba lala wa’auri sero ma’ökhö, ba mitema howuhowu Lowalangi:   ·     Ya mufahowu’ö ami (ita) Lowalangi, Ya murorogö ami (ita) ·     Ya mufohaga mbawa-Nia khömi (khöda), Ya mu’ebua’ö dödö-Nia khömi (khöda) ·     Ya mufalemba hörö-Nia khömi (khöda), Ya mube’e wa’ohahau dödö khömi (khöda) fefu. Y a d u h u ! (ma  zui ) Ya falukha ami (ita) fefu wa’ebua dödö Zo’aya ya’ita Yesu Keriso ba fa’omasi Lowalangi Ama ba fa’awösa Geheha Ni’amoni’ö. Yaduhu.
Sato		Manunö: Du-hu, du-hu, Yaduhu!
Sondrönia’ö		Ya’ahowu
Sato		Ya’ahowu

III.            Fehede Fondrara dödö/Menemene

a.       Talifusö/Salawa

b.      Si tenga bö’ö

c.       Sibaya

d.      Sohalöwö ba gosali

e.       Btn

 

IV.             Fondruhö (Moroi ba nösi nomo)

 

Nitöngöni: La’ala’a stola ni’oguna’ö ya’ia zowuge’e (hijau)

 

 

 

---

[1] Ba zahulõ ba mõi nõsi nomo ba wananõ bunga ba lewatõ zi no mondrõi ulidanõ.