AGENDRE WAMAHOWU’Ö FARONGASA

Table of Contents

 

           AGENDRE WAMAHOWU’Ö FARONGASA

 

 (Model A)

 

1.      Prosesi ba Fangowai 

(Tefalua prosesi[1] ba we’amöi bakha ba gosali. Muzizio zato, ba sökhi na so zinunö ba ma musik, wamaondragö fa’atohare zangowalu. Na arakhagö larugi föna, ba möi zamalua famahowu’ö wamaondragö ya’ira, ba te’ohe ba nahia wedadao si no muhönagö tanö föna.)  

 

Sondrönia’ö	:	Ya’ami ira talifusö, da tabörögö wamalua famahowu’ö farongasa andre, möi bakha ba gosali ndra sangowalu ba muzizio zato ba manunö. (Na no ofeta ira bakha ba gosali, ba itema’ö ira samalua famahowu’ö, awena imane sangai agendre): “mudadao zato”
Sondrönia’ö	:	No sowuawoa tödö ita ba khö Zo’aya, si no umbu howuhowu ba fa’omasi, andrö u’owai ami fefu: Ya’ahowu !
Sato	:	Ya’ahowu !
Sondrönia’ö	:	Ya faofao khömi Lowalangi
Sato	:	Ya fao khöu Geheha-Nia

 

2.      Manunö

Sondrönia’ö : Da möi ita wangalulu föna Lowalangi, da tasuno Lowalangida, manunö ita mowoi ba Mbuku Zinunö No: 371:1-2 BA DÖIMÖ NO OWULOGA

Lala : Haleluya Khö Yehowa ( No. 1 ); do = f 4/4; MM = 96 - 104

1.      Ba döi-Mö no owuloga, Ama, Lowalangima.

Ba wamalua falöẅa, ba zi ma’ökhö da’a.

Ma’andrö khö-U, So’aya, fahowu’ö ndra’aga.

2.      Matötöna so’Ö khöma, Lowalangi So’aya.

Bè ba dödöma Geheha, sangosara tödöma.

Fa oi sumange Nama, fefu nifaluama.

 

3.      Fangohono Dödö

Sondrönia’ö	:	Da ta’osambua’ö dödöda ba wariawösa khö Lowalangi, muzizio zato: “No owulo ita ba da’e ba döi Lowalangi Ama, ba ba döi nono-Nia Yesu Keriso, ba ba döi Geheha Ni’amoni’ö. Fangorifida ha ba döi Lowalangi somböi banua si yawa awö danö.
Sato	:	Yaduhu.
Sondrönia’ö	:	Da ta’owuawua’ö dödöda, da talau zinunö khö Lowalangida, tabaso Zinunö 128:1-6.
Sondrönia’ö	:	Ya ahowu dozi sangata’ufi Yehowa, sanörö lala andrö khönia.
Sato	:	Ö’a gölö dangau andrö ya ahowu ndra’ugö, sohahau tödö ndra’ugö.
Sondrönia’ö	:	Fo’omou andrö, ba no hulö wewe nagu sowua, ba omou ba iraono andrö khöu, ba no hulö ndraha falo, tefasui meza khöu.
Sato	:	Hiza, si manö howuhowu, ba niha sangata’ufi Yehowa.
Sondrönia’ö	:	Yamufahowu’ö ndra’ugö Yehowa, moroi ba Ziona,
Sato	:	Ba yagö mu’ila wa’ohahau dödö Yeruzalema andrö, fa’omuso dödöu, götö wa’anau nosou.
Sondr+Sato	:	Ba yagö falukha ma’uwu! Ya falukha wa’ohahau dödö Ndraono Gizeraëli!

mudadao zato

4.      Manunö:

SA: Da tafa’anö dödöda wamondrondrongo taroma Li Lowalangi, manunö  ita moroi ba Mbuku Zinunö  163. UHONOGÖ SIBAI DÖDÖGU

do = a, 4/4; MM = 76 - 82

Uhonogö sibai dödögu ba wamondrondrongo

li-Mö Yesu Mangalulu ndra’o-do föna-U

ba gametahö-Mö iada’a Öbayoini Eheha-U Yesu dozigö mbanua samatikhö-U.

Ubokai dödögu khö-U Yesu nahiadaromali-U.

Taroma li-Mö lö fa’ate bu lö menewi ma’ö-khö ba si’ogötö’ö lö sa mamalö. Taroma li-Mö si möi fangabölö utema’ö soroi badödö, tolo ba wolo’ö.

 

5.      Huhuo

 

Sangai Huhuo	:	Ya Irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita...........Yaduhu.
		a.       Fombaso Taroma Li Lowalangi b.      Fanuriagö c.       Fangandrö d.      Sinunö “No mafondrondrongo Li-U”

 

6.      Koor ba ma Vokal Group

 

7.      FAMAHOWU’Ö FARONGASA

(möi furi meza altar zangai huhuo)

 

Manunö BZ No: 372:1-2  372. MANGANDRÖ NDRA’AGA SALAHI

Lala : He Yesu Sangorifi (No. 167; do = d 4/4; MM = 96 - 104

1.      He Lowalangi Ama, mangandrö ndraaga.

Salahi zangowalu, ni’ohe ba da’a.

2.      Amualagö khöra, zabölö moguna.

Be’e khöra Geheha, sangehao tödöra.

 

7.1.  Fehede Ni’oroi’ö

Ya’ami ira talifusö ni’omasi ba khö Zo’aya ya’ita Yesu Keriso.

Ma’ökhö andre, no tohare ba Nomo Lowalangi[2] ndra talifusö sedöna mangotomosi fongambatö ba wangandrö ena’ö mufaböbö ira, ba ena’ö falukha ira howuhowu Lowalangi ba wongambatöra.

 

Ba moguna mutöngöni wa no Iwöwöi niha Lowalangi molo’ö famaedo-Nia. Imane Taroma Li Lowalangi ba Moze 1:27-28: “Ba ifazökhi niha Lowalangi, famaedo-Nia — famaedo Lowalangi ibali’ö; ira matua ba ira alawe womböi-Nia ya’ira.” Ba ifahowu’ö ira Lowalangi, imane khöra: Mi’o’ono ba mi’oya’ö ami, mifo’ösi guli danö ba mibe’e barö mbawami, samatörö i’a ba nasi ami, awö wofo ba dalu mbanua, awö zaliwaliwa ba danö fefu, sanananana ba guli danö.” Ba ba Moze I 2:24: “Andrö i’erogö ndra amania inania niha, ba molemba ia ba ngambatönia, ba tobali ha sambua boto ira.”

 

Andrö börö da’ö da tafondrondrongo hewisa wongambatö andrö molo’ö Taroma Li Lowalangi, si mane niwa’ö ba zura Nefeso 5:22-23:

“Ira alawe, ba ndramu’o’ö li ndra matuara, hulö na li Zo’aya, me no högö ndra alawe ndra matua, si mane Keriso göi, me no högö mbanua ia, ba sangorifi boto ia. Ba si mane banua, me no la’o’ö li Keriso, ya si manö ndra alawe, ba ndra matua, ba ngawalö hadia ia, fefu.

 

Ya’ami, ira matua, mi’omasi’ö ndra alawemi, si mane Keriso, me no i’omasi’ö mbanua, ba me no ibe’e salahira ia, ena’ö i’amoni’ö ira, me no ihaogö ira, femondri andrö, ba daroma Li, ena’ö molakhömi mbanua andrö khönia, ibe’e, si lö hadia ia da’i, ba ma si tekuru, ba ma hadia ia, ena’ö ohauhau, si lö sinegu. Ya si manö wa’omasi ndra matua ndra alawe khöra, si mane fa’omasira mbotora. Somasi ngambatönia, ba i’omasi’ö mbotonia. Lö irai fa’udu niha ba nösinia, irorogö, ba ihaogöhaogö, si mane Keriso göi ba mbanua, me no ndrotondroto mboto-Nia ita. ”Andrö iröi namania, awö ninania niha, ba molemba ia ba ngambatönia, ba tobali ha sambua ösi zi darua andrö.” No ebua zi no tobini andrö; ba fehedegu, ba ba khö Keriso ba ba mbanuania faekhu. Ba ba khömi, ba yamu’omasi’ö ngambatönia zamösana, si mane fa’omasinia ia; ba ira alawe, ba ena’ö na i’ata’ufi ndra matua.

 

Mitöngöni, mi’erönusi ba mi’o’aurifagö Daroma Li andre ba wongambatö ni’otomosimi ma’ökhö. Ena’ö tobali ami fongambatö si falukha fa’ohahau dödö, ba lö mamalö si falukha howuhowu Lowalangi moroi ba zorugo yawa ba wongambatömi, me moroi khö Lowalangi mböröta warongasa andrö, ba Ya’ia göi zamaböbö ba samahowu’ö ba khö Zo’aya ya’ita Yesu Keriso.

 

7.2.  Fawu’usa Li

 

Me no mirongo wamotokhi ba dödö wongambatö dali ba niha Keriso, sodanedane ba Daroma Li Lowalangi, ba mi’osindruhugö wawu’usali föna Lowalangi ba ba zanehe mbanua niha Keriso. Mifabu’u sa’ae limi fa larongo sato, ena’ö aro, li dödömi usofu, andrö mi’osindruhugö wangombakha.

 

 (Muzizio ba nahia ndra sangowalu/ni’owalu)

Samahowu’ö	:	Ya’ugö ROMI TRIMARDONA LASE. Hadia öfaduhu’ö khöma fefu ba zanehe Lowalangi wa omasi ndra’ugö öhalö ngambatöu TOLISNAWATI ZAI andre? Hadia öfabu’u göi föna Lowalangi, ö’osindruhugö wangomasi’ö ba ba wamosumange ya’ia, wolo’ö oroisa Lowalangi, fahasara dödömi wangalui fa’atulö dödö? Hadia lö faröi ndra’ugö khönia irege ifabali ami fa’amate? Na moroi ba dödöu, ba tema ligu: “Moroi ba dödögu”.
Sangowalu	:	Moroi ba dödögu
Samahowu’ö		No ifondrondrongo wawu’usa limö Lowalangi. Ya’irorogö ami Lowalangi. Yaduhu.
Samahowu’ö	:	Ya’ugö TOLISNAWATI ZAI Hadia öfaduhu’ö khöma fefu ba zanehe Lowalangi wa omasi ndra’ugö ötema’ö tobali ngambatöu ROMI TRIMARDONA LASE andre? Hadia öfabu’u göi föna Lowalangi, ö’osindruhugö wangomasi’ö ba ba wamosumange ya’ia, wolo’ö oroisa Lowalangi, fa hasara dödömi wangalui fa’atulö dödö? Hadia lö faröi ndra’ugö khönia irege ifabali ami fa’amate? Na moroi ba dödöu, ba tema ligu: “Moroi ba dödögu”.
Ni’owalu	:	Moroi ba dödögu
Samahowu’ö		No ifondrondrongo wawu’usa limö Lowalangi. Ya’irorogö ami Lowalangi. Yaduhu

 

Manunö BZ No: 372:3-4

3. Faogö gera’erara, sagötö fefaora. Ya ba zomasi Nama, gaekhuta lalara.

4. Ya böi mamalö ira, wolo’ö li-Nama. Sanuturu lalara sagötö fefaora.

 

7.3.  Famaböbö ba Famahowu’ö

 

Samahowu’ö

:

Ya’ami banua Zo’aya. No tarongo ba tafaduhu’ö wawu’usa li zi darua andre si no lafabu’u föna Lowalangi, wa faoma la’omasi’ö ba lafosumange nawöra, ba lö faröi ira ba zi sandrohu fa’aurira. Andrö da ta’andrö khö Lowalangi, ena’ö Ifaböbö ba Ifahowu’ö zidarua andre tobali sambua fongambatö.    (Möi föna meja Altar zamahowu’ö, ba la’ondrasi ia göi ira sidarua ba wanema howuhowu[3])

 

Samahowu’ö	:	(Fara’u-tanga nifangowalu) Ba me no faoma moroi ba dödöra lafaduhu’ö waböbösara ba warongasa andrö, ba ufaböbö ira ya’odo andre, nifataro ba wangombakha taroma Li Lowalangi: (itufa dangara samahowu’ö) : ufaböbö ami ba döi Lowalangi Ama, ba ba döi Yesu Keriso, ba ba döi Geheha Ni’amoni’ö. “Böi ya mufabali niha nifaböbö Lowalangi. Yaduhu.
Samahowu’ö	:	(Latuhi danö ya’ira si darua, ba itufa högöra samahowu’ö): Lowalangi, si no umbu wa’omasi, Ya’ia zamaböbö ya’ami ba wa’omasi ba ba wa lö faröi. Ya’ifahowu’ö ami ba Ibe’e khömi wa’ohahau dödö ba khö Yesu Keriso. Ba Ya’ia zi lö faröi khömi ba zi sandrohu fongambatömi, börö watolosa Geheha Ni’amoni’ö. Yaduhu.   (Ihalö dangara samohowu’ö, itolo ba wezizio. Aefa da’ö ba mangawuli ba nahia, ba tefalali nahia wedadao. Ba gambölö so ndramatua).
Samahowu’ö	:	(Itohugö agendre furi meza Altar)   Me no tefalua wamaböbö ba famahowu’ö ira talifusö si darua andre, ba ia da’e tefaduhu’ö wa no sa’ae aro ira tobali sambua fongambatö. Lowalangi zamahowu’ö fongambatöra. Yaduhu.

 

8.      Manunö BZ No:161 (Nidönia’ö zangai Agendre)

SA:  Da ta’andrö saohagölö khö Lowalangi, tafa’ema wasömbatada ba manunö ita moroi ba Mbuku Zinuno 261. YA’E ZUMANGE

do = d 4/4; MM = 62 – 68

Te’anunöisi simane na mangandrö

Ira’alawe

1.      Ya’e zumange fasömbata, ma’ohe sumange Yehowa.

Iramatua

Reff

Ma’andrö khö-U fahowu’ö zumange ni’o- hema khö-Mö

2.      Ya’e zumange fasömbata mabe’e soroi ba dödöma.

      Reff : Ma’andrö khö-U ....

3.      Ya’e zumange fasömbata buala si’otarai Nama.

      Reff : Ma’andrö khö-U ....

4.      Ya’e zumange fasömbata, boto, noso, ba fa’aurima

      Reff : Ma’andrö khö-U ....

5.      Ya’e zumange fasömbata, lö irugi zomasi dödö-U.

      Reff : Ma’andrö khö-U ....

6.      Ya’e zumange fasömbata, ma’aohasi gölö Zo’aya.

            Reff : Ma’andrö khö-U ....

 

9.      FANGANDRÖ SALAHI + FANGANDRÖ ZO’AYA + HOWUHOWU

Samahowu’ö	:	Musindro ita fefu, mangandrö ita: .....  (tetohugö) : Ba döi Zo’aya ya’aga Yesu Keriso, si no mamahaö ya’aga ba wangandrö mamane:
Samahowu’ö + Sato	:	He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö  banua-U, ba sokhö fa’abölö, awö lakhömi, irugi zi lö aetu.  Yaduhu.
Samahowu’ö	:	FAMATENGE + HOWUHOWU: Mi’angawuli si fao fa’ohahau dödö, ya tobali ami fongambatö si sökhi ba sifalukha howuhowu ba lala wa’auri sero ma’ökhö; ba mitema (tatema) howuhowu Lowalangi: -Ya mufahowu’ö ami Lowalangi, Ya murorogö ami -Ya mufohaga mbawa-Nia khömi, Ya mu’ebua’ö dödö-Nia khömi -Ya mufalemba hörö-Nia khömi, Ya mube’e wa’ohahau dödö khömi fefu. Y a d u h u !
Sato	:	Manunö BZ No:  21:1 21. LOWALANGIDA NO FA’OMASI do = es 4/4; MM = 88 - 96 Lowalangida no Fa’omasi, Lo walangida Wa’omasi. Andrö samuza tö ufaduhu’ö, Lowalangida Wa’omasi.
Samahowu’ö	:	Ya’ahowu
Sato	:	Ya’ahowu

Mudadao zato

 

10.   Fombaso akta Perkawinan ba tefa’ema khö ndra sibohou mufahowu’ö farongasa

 

11.   Si sambua fehede/mene-mene: a............ b. .................. c............... (na so)

 

12.   Fakoda (na so)

 

13.   Fangasiwai

 

 

Nitöngöni: La’ala’a stola ni’oguna’ö ya’ia da’ö sowuge’e (hijau)

 

---

[1] Ba wamalua prosesi, si so tano föna: Sangowalu nifatambai ndra satua ba ma talifuso sanalahini. Awena itete Ni’owalu nifatambai ndra satua ba ma talifuso. Aefa da’ö itete sa’ae ösi nomo ba matalifusö awo ndra sohalöwö ba gosali.

[2] Si sökhinia na ba gosali mufalua wamahowu’ö farongasa. Ba hiza, na lö lala ba mufalua ba nahia bö’ö, andrö fehede ni’oguna’ö salahi “ba Nomo Lowalangi” – tobali “ba nahia andre”.

[3] Sökhi na la’ondrasi yawa Altar sedöna mufaböbö ba mufahowu’ö farongasa, ya’ia da’ö föna meza Altar. No muhönagö nahia na latuhi danö. Bahiza, na no ide’ide nahia ba Altar, ba möi tou zamahowu’ö ba nahia zi so ndra sangowalu ba wamaböbö ba ba wamahowu’ö ya’ira.

GENDRE WAMAHOWU’O FARONGASA

 (Model B)

 

1.      Prosesi ba Fangowai

(Tefalua prosesi[1] ba we’amöi bakha ba gosali. Muzizio zato, ba sökhi na so zinunö ba ma musik, wamaondragö fa’atohare zangowalu. Na arakhagö larugi tanö föna, ba möi zamalua famahowu’ö wamaondragö ya’ira, ba te’ohe ba nahia wedadao si no muhönagö tanö föna.)

 

Sondrönia’ö	:	Ya’ami ira talifusö, da tabörögö wamalua famahowu’ö farongasa andre, möi bakha ba gosali ndra sangowalu ba muzizio zato ba manunö. (Na no larugi bakha ba gosali, ba itema’ö ira samalua famahowu’ö, awena imane sangai agendre): “mudadao zato)
Sondrönia’ö	:	No sowuawoa tödö ita ba khö Zo’aya, si no umbu howuhowu ba fa’omasi, andrö  u’owai ami fefu: “Ya’ahowu”
Sato	:	Ya’ahowu
Sondrönia’ö	:	Ya faofao khömi Lowalangi
Sato	:	Ya fao khöu Geheha-Nia

 

2.      Manunö

Sangai Agendre: Da möi ita mangalulu föna Lowalangi, da tasuno Lowalangida, manunö ita moroi ba Mbuku Zinunö numero: 371:1-2 (tola numero bö’ö)

 

3.      Fangohono Dödö

Sondrönia’ö	:	Da ta’osambua’ö dödöda ba wariawösa khö Lowalangi, muzizio zato: “No owulo ita ba da’e ba döi Lowalangi Ama, ba ba döi nono-Nia Yesu Keriso, ba ba döi Geheha Ni’amoni’ö. Fangorifida ha ba döi Lowalangi so, somböi banua si yawa awö danö.
Sato	:	Yaduhu.
Sondrönia’ö	:	Da ta’owuawua’ö dödöda, da talau zinunö khö Lowalangida, tabaso Zinunö 128:1-6. (Tola nifagema-gema, ba tola göi ha sangai agendre zombaso):
Sondrönia’ö	:	Ya ahowu dozi sangata’ufi Yehowa, sanörö lala andrö khönia.
Sato	:	Ö’a gölö dangau andrö, ya’ahowu ndra’ugö, sohahau tödö ndra’ugö.
Sondrönia’ö	:	Fo’omou andrö, ba no hulö wewe nagu sowua, baomou ba iraono andrö khöu, ba no hulö ndraha falo, tefasui meza khöu.
Sato	:	Hiza, si manö howuhowu, ba niha sangata’ufi Yehowa.
Sondrönia’ö	:	Yamufahowu’ö ndra’ugö Yehowa, moroi ba Ziona, ba yagö mu’ila wa’ohahau dödö Yeruzalema andrö, fa’omuso dödöu, götö wa’anau nosou
Sondrönia’ö + Sato	:	Ba yagö falukha ma’uwu! Ya falukha wa’ohahau dödö Ndraono Gizeraëli!

Mudadao zato

4.      Manunö:

SA: Da tafa’anö dödöda wamondrondrongo Taroma Li Lowalangi, manunö  ita moroi ba Mbuku Zinunö No: 163: “Uhonogo sibai dödögu” (tola goi sinunö bö’ö)

 

5.      Huhuo

 

Sangai Huhuo	:	Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita.....Yaduhu.
			a.       Fombaso Taroma Li Lowalangi b.      Fanuriagö c.       Fangandrö d.      Sinunö “No mafondrondrongo Li-U”

 

6.      Koor ba ma Vokal Grup

 

7.      FAMAHOWU’Ö FARONGASA

(möi furi meza altar zangai huhuo)

 

7.1.  Manunö BZ No: 372:1-2 (tola sinunö bö’ö)

 

7.2.  Fehede Ni’oroi’ö

Ya’ami ira talifusö ni’omasi ba khö Zo’aya ya’ita Yesu Keriso.

Ma’ökhö andre, no tohare ba Nomo Lowalangi[2] ndra talifusö sedöna mangotomosi fongambatö ba wangandrö ena’ö mufaböbö ira, ba ena’ö falukha ira howuhowu Lowalangi ba wongambatöra.

 

Ba moguna mutöngöni wa no Iwöwöi niha Lowalangi molo’ö famaedo-Nia. Imane Taroma Li Lowalangi ba Moze 1:27-28: “Ba ifazökhi niha Lowalangi, famaedonia — famaedo Lowalangi ibali’ö; ira matua ba ira alawe womböinia ya’ira.” Ba ifahowu’ö ira Lowalangi, imane khöra: Mi’o’ono ba mi’oya’ö ami, mifo’ösi guli danö ba mibe’e barö mbawami, samatörö i’a ba nasi ami, awö wofo ba dalu mbanua, awö zaliwaliwa ba danö fefu, sanananana ba guli danö.” Ba ba Moze I 2:24: “Andrö i’erogö ndra amania inania niha, ba molemba ia ba ngambatönia, ba tobali ha sambua boto ira.”

 

Andrö börö da’ö da tafondrondrongo hewisa wongambatö andrö molo’ö Taroma Li Lowalangi, si mane niwa’ö ba zura Nefeso 5:22-23:

“Ira alawe, ba ndramu’o’ö li ndra matuara, hulö na li Zo’aya, me no högö ndra alawe ndra matua, si mane Keriso göi, me no högö mbanua ia, ba sangorifi boto ia. Ba si mane banua, me no la’o’ö li Keriso, ya si manö ndra alawe, ba ndra matua, ba ngawalö hadia ia, fefu.

 

Ya’ami, ira matua, mi’omasi’ö ndra alawemi, si mane Keriso, me no i’omasi’ö mbanua, ba me no ibe’e salahira ia, ena’ö i’amoni’ö ira, me no ihaogö ira, femondri andrö, ba daroma li, ena’ö molakhömi mbanua andrö khönia, ibe’e, si lö hadia ia da’i, ba ma si tekuru, ba ma hadia ia, ena’ö ohauhau, si lö sinegu. Ya si manö wa’omasi ndra matua ndra alawe khöra, si mane fa’omasira mbotora. Somasi ngambatönia, ba i’omasi’ö mbotonia. Lö irai fa’udu niha ba nösinia, irorogö, ba ihaogöhaogö, si mane Keriso göi ba mbanua, me no ndrotondroto mbotonia ita. ”Andrö iröi namania, awö ninania niha, ba molemba ia ba ngambatönia, ba tobali ha sambua ösi zi darua andrö.” No ebua zi no tobini andrö; ba fehedegu, ba ba khö Keriso ba ba mbanuania faekhu. Ba ba khömi, ba yamu’omasi’ö ngambatönia zamösana, si mane fa’omasinia ia; ba ira alawe, ba ena’ö na i’ata’ufi ndra matua.

 

Mitöngöni, mi’erönusi ba mi’o’aurifagö Daroma Li andre ba wongambatö ni’otomosimi ma’ökhö. Ena’ö tobali ami fongambatö sifalukha fa’ohahau dödö, ba lö mamalö sifalukha howuhowu Lowalangi moroi ba zorugo yawa ba wongambatömi, me moroi khö Lowalangi mböröta warongasa andrö, ba Ya’ia göi zamaböbö ba samahowu’ö ba khö Zo’aya ya’ita Yesu Keriso.

 

7.3.  Fawu’usa Li

 

Me no mirongo wamotokhi ba dödö wongambatö dali ba niha Keriso, sodanedane ba Daroma Li Lowalangi, ba mi’osindruhugö wawu’usali föna Lowalangi ba ba zanehe mbanua niha Keriso. Mifabu’u sa’ae limi falarongo sato, ena’ö aro, li dödömi usofu, andrö mi’osindruhugö wangombakha.

 

 (Muzizio ba nahia ndra sangowalu/ni’owalu)

Samahowu’ö	:		Ya’ugö .................. (töi zangowalu). Hadia öfaduhu’ö khöma fefu ba zanehe Lowalangi wa omasi ndra’ugö öhalö ngambatöu …………. Andre? Hadia öfabu’u göi föna Lowalangi, ö’osindruhugö wangomasi’ö b aba wamosumangeya’ia, wolo’ö oroisa Lowalangi, fahasara dödömi wangalui fa’atulö dödö? Hadia lö faröi ndra’ugö khönia irege ifabali ami fa’amate? Na moroi ba dödöu, ba tema ligu: “Moroi ba dödögu”.
Sangowalu	:		“Moroi ba dödögu”.
Samahowu’ö	:		Ya’ugö .................. (töi ni’owalu). Hadia öfaduhu’ö khöma fefu ba zanehe Lowalangi wa omasi ndra’ugö ötema’ö tobali ngambatöu ……………..Andre? Hadia öfabu’u göi föna Lowalangi, ö’osindruhugö wangomasi’ö ba ba wamosumange ya’ia, wolo’ö oroisa Lowalangi, fahasara dödömi wangalui fa’atulö dödö? Hadia lö faröi ndra’ugö khönia irege ifabali ami fa’amate? Na moroi ba dödöu, ba tema ligu: “Moroi ba dödögu”.
Ni’owalu	:		“Moroi ba dödögu”.
Samahowu’ö	:		Ia da’e, mifaduhu’ö mbu’u limi föna Lowalangi ba ba zanehe mbanua niha keriso, wa’edöna ami mangotomosi fongambatö. (faoma la’otahögö nawöra sangowalu)
Sangowalu	:		Ya’odo, ......................... ufaduhu’ö ba ufabu’u föna Lowalangi ba ba zanehe mbanua niha Keriso, wa utema’ö ndra’ugö……… tobali fo’omogu. Ufabu’u wa u’omasi’ö ndra’ugö, lö faröi ndra’o he ba wa’omuso dödö, ba ma ba wa’abu dödö, ba u’onorogö tödö ba wamönökhi ngawalö zoguna khöu, he ba mboto, he göi ba noso molo’ö fa’abölögu ba ba wa’omasi Lowalangi.
Samahowu’ö	:	No ifondrondrongo wawu’usa limö Lowalangi. Ya’irorogö ami Lowalangi. Yaduhu.
Ni’owalu	:		Ya’odo, ......................... ufaduhu’ö ba ufabu’u föna Lowalangi ba ba zanehe mbanua niha Keriso, wa utema’ö ndra’ugö……… tobali fo’omogu. Ufabu’u wa u’omasi’ö ndra’ugö, lö faröi ndra’o he ba wa’omuso dödö, ba ma ba wa’abu dödö, ba u’onorogö tödö ba wamönökhi ngawalö zoguna khöu, he ba mboto, he göi ba noso molo’ö fa’abölögu ba ba wa’omasi Lowalangi.
Samahowu’ö	:		No ifondrondrongo wawu’usa limö Lowalangi. Ya’irorogö ami Lowalangi. Yaduhu.
	:		Ia da’e mibe’e laeduru ba duturu nawömi tandra wa moroi sibai faoma mi’omasi’ö nawömi:
Sangowalu	:		(Ibe’e laeduru ba duturu ni’owalu) Ba döi Lowalangi Ama, ba döi Nono-Nia Yesu Keriso, ba ba döi Geheha Ni’amoni’ö, tema’ö laeduru andre sitobali tandra wa’omasigu ba fa lö faröi ndra’odo khöu ba zi sandrohu fa’auri. Yaduhu.
Ni’owalu	:		(Ibe’e laeduru ba duturu zangowalu) Ba döi Lowalangi Ama, ba döi Nono-Nia Yesu Keriso, ba ba döi Geheha Ni’amoni’ö, tema’ö laeduru andre si tobali tandra wa’omasigu ba fa lö faröi ndra’odo khöu ba zi sandrohu fa’auri. Yaduhu.

 

 

7.4.  Manunö BZ No: 372:3-4 (tola numero bö’ö)

 

7.5.  Famaböbö ba Famahowu’ö

 

Samahowu’ö

:

Ya’ami banua Zo’aya. No tarongo ba tafaduhu’ö wawu’usa li zi darua andre si no lafabu’u föna Lowalangi, wa faoma la’omasi’ö ba lafosumange nawöra, ba lö faröi ira ba zi sandrohu fa’aurira. Andrö da ta’andrö khö Lowalangi, ena’ö Ifaböbö ba Ifahowu’ö zidarua andre tobali sambua fongambatö.    (Möi föna meja Altar zamahowu’ö, ba la’ondrasi ia göi ira sidarua ba wanema howuhowu[3])

 

Samahowu’ö	:	(Fara’u-tanga nifangowalu) Ba me no faoma moroi ba dödöra lafaduhu’ö waböbösara ba warongasa andrö, ba ufaböbö ira ya’odo andre, nifataro ba wangombakha Taroma Li Lowalangi, ufaböbö ira ba döi Lowalangi Ama, ba döi Yesu Keriso, ba ba döi Geheha Ni’amoni’ö. “Böi ya mufabali niha nifaböbö Lowalangi. Yaduhu.
Samahowu’ö	:	(Latuhi danö ya’ira si darua, ba itufa högöra samahowu’ö): Lowalangi, si no umbu wa’omasi, Ya’ia zamaböbö ya’ami ba wa’omasi ba ba wa lö faröi. Ya’ifahowu’ö ami ba Ibe’e khömi wa’ohahau dödö ba khö Yesu Keriso. Ba Ya’ia zi lö faröi khömi ba zi sandrohu fongambatömi, börö watolosa Geheha Ni’amoni’ö. Yaduhu.   (Ihalö dangara samohowu’ö, itolo ba wezizio. Aefa da’ö ba mangawuli ba nahia, ba tefalali nahia wedadao. Ba gambölö so ndramatua).
Samahowu’ö	:	(Ituhugö agendre furi meza Altar)   Me no tefalua wamaböbö ba famahowu’ö ira talifusö si darua andre, ba ia da’e tefaduhu’ö wa no sa’ae aro ira tobali sambua fongambatö. Lowalangi zamahowu’ö fongambatöra. Yaduhu.

 

8.      Manunö BZ No: 161 (Nidönia’ö zangai Agendre)

 

Sondrönia’ö : Da ta’andrö saohagölö khö Lowalangi, tafa’ema wasömbatada ba

                       manunö ita moroi ba Mbuku Zinuno No: 161:1- : “Ya’e Zumange…..”

 

9.      FANGANDRÖ SALAHI + FANGANDRÖ ZO’AYA + HOWUHOWU

Samahowu’ö	:	Musindro ita fefu, mangandrö ita: .....  (tetohugö) : Ba döi Zo’aya ya’aga Yesu Keriso, si no mamahaö ya’aga ba wangandrö mamane:
Samahowu’ö + Sato	:	He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me Ya’ugö zamatörö  banua-U, ba sokhö fa’abölö, awö lakhömi, irugi zi lö aetu.  Yaduhu.
Samahowu’ö	:	FAMATENGE + HOWUHOWU: Mi’angawuli si fao fa’ohahau dödö, ya tobali ami fongambatö si sökhi ba si falukha howuhowu ba lala wa’auri sero ma’ökhö; ba ba mitema (tatema) howuhowu Lowalangi: -Ya mufahowu’ö ami (ita) Lowalangi, Ya murorogö ami (ita) -Ya mufohaga mbawa-Nia khömi (khöda), Ya mu’ebua’ö dödö-Nia khömi (khöda) -Ya mufalemba hörö-Nia khömi (khöda), Ya mube’e wa’ohahau dödö khömi (khöda) fefu. Y a d u h u ! (ma  zui ) Ya falukha ami (ita) fefu wa’ebua dödö Zo’aya ya’ita Yesu Keriso ba fa’omasi Lowalangi Ama ba fa’awösa Geheha Ni’amoni’ö. Yaduhu.
Sato	:	Manunö BZ No: 21:1  ma zui 455 (tola göi numero bö’ö)
Samahowu’ö	:	Ya’ahowu
Sato	:	Ya’ahowu

Mudadao zato

 

10.   Fombaso akta Perkawinan ba tefa’ema khö ndra sibohou mufahowu’ö farongasa

 

11.   Si sambua fehede/mene-mene: a............ b. .................. c............... (na so)

 

12.   Fakoda (na so)

 

13.   Fangasiwai

 

Nitöngöni: La’ala’a stola ni’oguna’ö ya’ia da’ö sowuge’e (hijau)

---

[1] Ba wamalua prosesi, si so tano fona: Sangowalu dinifatambi ndra satua ba ma talifuso sanalahini. Awena itete Ni’owalu nifatambai ndra satua ba ma talifuso. Aefa da’o itete sa’ae osi nomo ba matalifuso awo ndra sohalowo ba gosali.

[2] Si sõkhinia na ba gosali mufalua wamahowu’õ farongasa. Bahiza, na lõ lala ba mufalua ba nahia bõ’õ, andrõ fehede ni’oguna’õ salahi “ba Nomo Lowalangi” – tobali “ba nahia andre”.

[3] Sökhi na la’ondrasi yawa Altar sedöna mufaböbö ba mufahowu’ö farongasa, ya’ia da’ö föna meza Altar. No muhönagö nahia na latuhi danö. Bahiza, na no ide’ide nahia ba Altar, ba möi tou zamahowu’ö ba nahia zi so ndra sangowalu ba wamaböbö b aba wamahowu’ö ya’ira.