AGENDRE ORDINASI PENDETA
AGENDRE
ORDINASI PENDETA
1. Fombaso
SK-BPHMS BNKP
2.
Famalua Ordinasi (Ephorus)
2.1.
Manunö Zato
BZ No:129: “Lö Tola Lö
Tahalö” (gasagasa da’ö, möi föna zi fao ba wamahowu’ö)
Manunö zedöna mufataro BZ
No:138:1 (Gasagasa da’ö, möi föna zedöna
mufataro)
2.2. Fangahono
dödö
Ya falukha ami wa’ebua dödö, ba fa’ohahau dödö,
khö Namada Lowalangi, ba khö Zo’aya ya’ita Yesu Keriso. Yaduhu !
2.3.
Danedane wamataro Sohalöŵö
He ya’ami ira talifusö..........
Moroi ba wa’omasi ba fa’ebua dödö Lowalangi Ama, ba no Ifatenge nono-Nia Yesu Keriso
ba gulidanö, ba wangöhöli, ba ba wangorifi ya’ita, ena’ö aboto ba dödöda wa’omasi Lowalangi
andrö, ena’ö ha khö-Nia manötöna ita, fa tobali ita sokhö banua zorugo andrö, sanema
fa’auri si lö aetu.
Me no mangawuli Yesu ba zorugo, ba no Ifaduhusi tödö halöŵö andrö ba khö ndra nifahaö-Nia, ba ba khöda ya’ita banua-Nia, ena’ö tobali ita samaduhu’ö ba sanuriaigö Turia Somuso dödö ba gulidanö, ba ba niwöwöi fefu (Matai’o 28:18-20; Hal Zin 1:8;
Mareko 16:15).
Andrö wa i’otarai föna sa’ae tetuyu ba
tefataro zohalöŵö ba mbanua niha Keriso. Si mane niwa’ö Waulo me imane: “Ba Ya’ia göi
zangohonogöi Sinenge ösa, ba sama’ele’ö ösa, ba sangombakha turia somuso dödö ösa,
ba kubalo ösa, ba samahaö, ba wangehao ni’amoni’ö andrö, ba halöŵö andrö nihalö,
ba wama’anö boto Keriso
andrö.”
Modanedane ba daroma Li andre, oroma khöda wa Yesu samösa zanutuyu, sombayoini ba samataro ira enoni-Nia. Ya’ia göi zamataro halöŵö ba wa’afandrita. Andrö göi wa tefataro ba halöŵö wa’afandrita
ba gotalua mbanua niha Keriso i’otarai föna sa’ae irugi iada’e.
2.4.
Mangandrö ita fefu:
He Lowalangi Ama ba Zorugo ! No sumindro föna-U zomasi
möi enoni-Mö. Ma’andrö
khö-U ena’ö tenga ya’aga zamataro ya’ira andre, ba halöŵö fa’a’enoni andrö khö-U, ena’ö Ya’ugö Zamataro. Aohasi gölö-U wanehe ya’ira: Höna khöra Geheha-Mö, kubaloi ira, ena’ö sökhi lalara, ba ena’ö
manandrösa halöŵö nihalöra ba wangebua’ö banua-U, ba wanga’azökhi, ba ba wanuno Töi-Mö andrö ni’amoni’ö. Yaduhu.
2.5.
Manunö
Manunö ita moroi ba Mbuku Zinunö numero: 139:1
2.6.
Fanema’ö
Banua Niha Keriso
Ephorus: (Ibe’e khöra dandra Ephorus, ena’ö la’otahögö
mbanua niha Keriso
ira nifataro fandrita):
He ya’ami banua niha Keriso:
No mirongo wa no mututuyu ba halöŵö
wa’afandrita ndra talifusö andre. No latörö zekola, ba no lafahaö ira, ba no
aoha gölöra we’amöi enoni Lowalangi ba mbanua-Nia ba BNKP. Andrö so ira
ba da’e ma’ökhö, ena’ö lafarongogö khömi, ba ena’ö tafataro ba tebayoini ira, ba tafa’ema khöra howuhowu Lowalangi, na tatufa tanga högöra dania ba na ta’andrö Geheha
Ni’amoni’ö sangabölö’ö ya’ira.
Andrö ya’ami ira talifusö banua niha Keriso: Mitema ba mi’omasi ira. Böi miwa’ö awöda niha ya’i da’ö, hadia wa tafondrondrongo khöra. Tenga sa halöŵö mbö’ö halöŵöra,
no halöŵö Lowalangi nihalöra. Andrö mifosumange ira ndrohundrohu zinangea sumangera,
ba mitolo wangandrö salahira khö Lowalangi, ena’ö mo’ölö halöŵöra andrö. Ya mufahowu’ö
ami Lowalangi. Yaduhu
Da tatema’ö ba ta’angandröi ira
- faoma sinunö BZ no 139:3-4 (lö fao nifataro wanunö)
(Aefa da’ö lafuli la’otahögö Ephorus)
2.7. Manunö “Nifataro” BZ No: 138:2 (Ha nifataro
zanunö)
2.8. Fangombakha
Lala halöŵö wa’afandrita
Ephorus:
Ba ya’ami ira talifusö, Mitöngöni sibai wa
no Yesu Keriso Zamataro ya’ami ba halöŵö wa’afandrita ba BNKP ma’ökhö. Faudu
niwa’ö ba Yohane 15:16: “Tenga ya’ami zanuyu Ya’o, Ya’o sa zanutuyu
ya’ami, ba no Ufataro ami, ena’ö möi ami mowua, ba ena’ö lö tebulö mbuami…”
Andrö da’u’ombakha’ö khömi hadia duho halöŵö ba nifataro ya’ami, faudu ba Peraturan BNKP No 7/BPMS-BNKP/2008, pasal 7:
|
1 |
Fangombakha Taroma Li Lowalangi, gofu heza ginötö, awö ngawalö halöŵö
famahaö. Imane Taroma Li Lowalangi ba zura Matai’o 28:18-20 ·
Ba i’ondrasi ira
Yesu, humede ia khöra, imane: Fefu wa’abölö andrö ba zorugo ba ba guli danö,
ba no mube’e khö-Gu. Mi’ae’e, mibali’ö nifahaö fefu soi, wamayagö
idanö ya’ira ba döi Nama ba ba döi Nono ba ba döi Geheha ni’amoni’ö; mifahaö ira ba wolo’ö fefu hadia ia niwa’ö-Gu khömi. Ba hiza, fao khömi
Ndra’o,
ero ma’ökhö, irugi gamozua götö danö andrö.” Ba moroi ba zura 2 Tim
4:2: ·
Ombakha’ö daroma Li, böi bulö’ögö, he baẅa, he tenga baẅa. Otu’ö ira, farou dödöra, ba feta’u ira, ba ya a’oi so wa’ebolo dödöu, awö wamahaö. |
|
2 |
Famalua
Sakramen, he Famayagö Idanö ba si manö göi Wemanga gö Ni’amoni’ö, faudu ba lala
wamahaö ba BNKP ·
Imane Taroma Li Lowalangi moroi
ba Mataio 28:19 Mi’ae’e,
mibali’ö nifahaö fefu soi, wamayagö idanö ya’ira ba döi Nama ba ba döi Nono
ba ba döi Geheha ni’amoni’ö; ·
1 Kor 11:23-26: Ya’odo sa, ba no khö Zo’aya utema, nifa’emagu khömi
göi: So’aya ya’ita, Yesu, me bongi andrö, me te’a mböli-Nia, Ihalö roti, ba I’aohasi gölö Lowalangi, ba Iboboto roti ba Imane: Boto-Gu da’e, salahimi, mitörötörö
tödömi Ndra’o
ba zi mané. Si manö göi Ihalö mako, me no aefa manga
ira, ba Imane:
Amabu’ula li si bohou nösi mako andre, ba ndro-Gu. Gofu hame’uga mibadu da’e, ba mitörötörö
tödömi ndra’odo. Ha me uga mi’a roti
andrö sa, ba ha me uga mibadu nösi mako andre, ba mi’ombakha’ö wa’amate Zo’aya, irugi so Ia. |
|
3 |
Famalua halöŵö
Fokubaloi, he famaigi sofökhö, famolala tödö zabu tödö, ba fanolo si göna
famakao. Ena’ö aro ira ba wamati khö Yesu Keriso. Imane Taroma Li Lowalangi moroi ba zura 1 Fetero 5:1-4 U’andrö ba zatua andrö, ba khömi, ya’o, awöra satua,
samaduhu’ö famakao Keriso andrö, ba awö ba lakhömi andrö, nifa’ele’ö dania.
Mikubaloi rorogöfö Lowalangi andrö, ba khömi, böi mibe’e ni’o’ou ami; ena’ö
na saoha gölö, dali Lowalangi, böi ba wangalui luo saila ita, ena’ö na moroi
ba wa’omasi; böi si mane salawa, ba
dána khöra; ena’ö na tobali dumaduma ami, ba nikubaloi andrö. Ba mitema dania dakula andrö, si tebai
aleu, lakhömi andrö, na to’ele dania zatua gubalo. |
|
4 |
Halöwö fangosara ba fangosambua’ö banua niha Keriso, me ha sambua boto,
ha sambua gera’era zamati ba khö Yesu Keriso. Imane
Taroma Li Lowalangi moroi ba zura Nefeso 4:1-4: Ba u’andrö khömi, ya’o nikuru andre, ba khö Zo’aya,
ena’ö mitörö zi nangea lala nikaoni andrö, me no mukaoni ami. Ya a’oi so wa lö
fayawa ami, awö wa’asökhi dödö, awö wa’ebolo dödö, mibologö dödömi khö nawömi,
mi’omasi’ö ia; mi’oigö dödömi, ena’ö lö tebulö wahasara dödö, ena’ö faböbö
ami, famaböbö fa’atulö andrö: Ha sambua mboto, ba ha sambua dödö, si mane
fagaoni ya’ami göi, ba zi ha sara fanötöna, ba nikaoni ya’ami. |
|
5 |
Halöŵö Diakonia, ya’ia halöŵö fangomasi’ö, ba zinumana, si lö ama si lö
ina, sangaröngarö awö fefu lala halöŵö
nifa’anö ba PUPB. Imane Taroma Li
Lowalangi moroi ba zura Matai’o 25:35-40: Me
olofo Ndra’o, ba no mibe’e gö-Gu;
me owökhi dödö-Gu,
ba no nifabadugö khö-Gu
nidanö; me tome ndra’o, ba no mifa’amöi-Do yomo; me lö nukha-Gu, ba no mifonukha Ndra’o; me mofökhö Ndra’o, ba no möi ami
mufaigi Ndra’o;
ba me so-Do
ba gurunga, ba no möi ami khö-Gu. Ba latema dania linia satulö andrö, lamane:
He Tua, ha mega ma’ila solofo Ndra’ugö,
ba mabe’e gö-U!
ba ma sowökhi tödö Ndra’ugö,
ba mafabadugö khö-U
nidanö? Ba ha mega ma’ila, tome Ndra’ugö, ba mafa’amöi’Ӧ yomo? ba ma si lö nukha
Ndra’ugö,
ba mafonukha’Ӧ?
Ba ha mega ma’ila sotökhö Ndra’ugö,
ba ma si so ba gurunga, ba möiga khö-U? Ba itema dania lira razo andrö, imane khöra: Si
ndruhu niwa’ögu khömi, ndrege nilaumi ba dalifusö-Gu andrö, fondrege zi
numana, ha niha ia, ba khö-Gu
no milao da’ö. |
|
6 |
Ba sambalö tö, wa no göi noro dödömi ba wamalua halöŵö fondrönia’ö banua
niha Keriso ba nifataro ya’ami, awö halöŵö famöfö’ö: He organisasi, he okhöta
awö gama-gama, ba tanö bö’önia. Mihaogö wamatörö awö wamöfö’ö, ena’ö böi
te’ala mbanua niha Keriso ba böi fawuka, ena’ö möi famolakhömi Lowalangi ba
halöwö nifaluami. Imane Taroma Li Lowalangi moroi ba zura: ·
1 Korindro 14:40: “ba fefu hadia ia, ba oi
ni’angenanöi ba oi niföfögö” ·
Ba moroi ba zura Kolose 3:23: “Hadia ia nifazökhimi,
ba moroi ba dödö milau ia, hulö na khö Zo’aya,” |
Ba ya’ami ira talifusö: No mirongo ngawalö
lala halöwö si nangea mifalua ba halöŵö wa’afandrita ba BNKP. No sabua halöŵö
andrö ba hiza So’aya ya’ita Yesu Keriso zi faofao khomi irugi gamozua götö danö
andre.
|
Ephorus |
Me no aboto ba dödömi wa
Lowalangi Si samösa tölu, da’ö zogaoni, samataro ba sombayoini
ya’ami. Ya’ia zamatenge ya’ami ba wangombakha Turia Somuso Dödö, ba ba wokubaloi rorogöfö Lowalangi andrö. Hadia soroi dödömi wa milulu wa’aurimi
tobali enoninia? Hamiwa’ö wanema li? |
|
Nifataro |
Moroi ba dödögu, ululu
wa’aurigu enoni Lowalangi. |
|
Ephorus |
Mifaduhu’ö föna Lowalangi ba zanehe mbanua niha
Keriso, hadia edöna ami
mi’o’ö ba mihalö halöŵö andrö ba wa’afandrita ba BNKP, si mane si no muzaraini fangombakha khömi mege ? Hadia mbu’u limi? |
|
Nifataro |
Edönado,
ya’itolodo Lowalangi ba wa’ebua dödönia andrö. |
|
Ephorus |
Hadia lö faröi ami wohalöwö
irugi nola ginötö molo’ö goigoi ba BNKP ? |
|
Nifataro |
Lö faröi ndra’o, ya itolodo Lowalangi ba wa’ebua dödönia andrö. |
Awai lafabu’u lira Fandrita nifataro: I’anema’ö
latuhi danö ira fandrita nifataro, ba lafasui ira fandrita samahowu’ö/ samataro ba wamalua famahowu’ö:
2.9. Famataro/
Famahowu’ö
Ephorus:
(Itufa högö nifataro andrö Ephorus, ba fao
ndra sombayoini wamazawa tanga), ba imane:
Ufataro
ba ubayoini ami tobali Fandrita ba BNKP, ba döi Lowalangi Ama, ba ba döi Nono-Nia
Yesu Keriso ba ba döi Geheha Ni’amoni’ö. Yaduhu.
Aefa ifataro ba ibayoini ira Ephorus, ba
ifuli ia ba nahiania no mege si fao ba zombayoini, ba tefatohu wama’ema
fehede/taromali/ howuhowu:
|
Ephorus |
: |
Lowalangi sohagaini tödömi, ba sanga’aro’ö ya’ami
moroi ba Geheha Ni’amoni’ö ba wangai halöwö fa’afandrita, irege tobali ami
enoni si sökhi, sowua si sökhi götögötö wa’ara. Lowalangi zangabölö’ö ya’ami
ba halöwö fa’afandrita faudu ba Daroma Li-Nia ba khö Zo’aya ya’ita Yesu
Keriso nifolakhömi götögötö wa’ara. |
|
Sekum |
: |
(Ifa’ema Daroma Li
Lowalangi) |
|
Pdt…. |
: |
(La fa’ema Daroma Li Lowalangi) |
|
Bendum |
: |
(Ifa’ema Daroma Li
Lowalangi…… ba iduhö faoma fehede….YADUHU! |
(Awai tefahowu’ö, ba ihalö dangara Ephorus ba
wamusindro ya’ira)
|
Ephorus |
: |
Ba mi’oigö dödömi wangai halöŵö andrö nibe’e Zo’aya
ba dangami, ba böi faröi ami irugi zi lö aetu. Ba mi’ae’e, ya faofao khömi Lowalangi ba So’aya ya’ita Yesu Keriso. |
|
Pendeta |
: |
Manunö Bz 142:1-3 (Ha samahowu’ö awö wandrita sibohou mufahowu’ö zanunö) |
(Aefa da’ö tefa’ema khö ndra fandrita si bohou:
|
Ephorus |
Ifa’ema
Stola |
|
Sekum |
Ifa’ema
Surat Keputusan |
|
Bendum |
Ifa’ema
Buku Ni’amoni’ö, Agendre, ba Buku Zinunö |
|
Ba
la’o’ö ira fandrita si fao ba wamahowu’ö wanabe ndra fasindrita si no mu ordinasi |
|
2.10. Mangandrö Fangasiwai
Ephorus: Musindro ita
fefu, da talau mangandrö:
He Lowalangi, So’aya si so ba Zorugo !.
Masuno Ndra’ugö, me no ebua dödö-U khöma, me lö faröi Ndra’ugö, wondrorogö-U
banua andrö ba gulidanö, ba me no Öbe’e göi ba mbanua niha Keriso andre, niha
andre, si no aoha ölö we’amöi enoni-Mö, ba wokubaloi banua-U, fa lö taya wamati
ba fa lö faröi ba lala andrö khö-U.
Ma’andrö khö-U, be’e khöra Ame’ela-U Geheha Ni’amoni’ö andrö, fa atuatua ba fa’abölö, ba fa’anau gölö
ba fa’omasi dalifusö, ena’ö lö abua gölöra; ena’ö owölö’ölö ira ba halöŵöra.
Fahowu’Ӧ Mbanua Niha Keriso ma’afefu,
ena’ö lö aekhu ba danö, na so daromali wa’omasi, ma fondrara dödö, ma
fanegu, ma famarou dödö.
Fasao ira ba lala satulö, EhehaMö ! Tolo
ira ba wagohisa andrö, ba wolohi luo andrö nifabu’u, me tekaoni ndra’aga
fogaoni si otarai Zorugo, ena’ö banua si sökhi ira, si lö sinegu, börö Yesu
Keriso. Yaduhu.
(tefatohu ba ngenoli halöwö si no
mufa’anö)
Nitöngöni:
Stola
ni’oguna’ö ya’ia zo la’ala’a soyo (merah), ba molo’ö töi migu la’ala’a lembe
meza.
AGENDRE WAMATARO
PENDETA RESORT (PRAESES) BNKP
|
1. Manunö |
: |
Buku Zinunö No: 129:1 (tola göi numero bö’ö) |
|
2. Fangahono Dödö |
: |
Tafalua wamataro Praeses Resort …. BNKP, ha ba döi Lowalangi Ama, ba döi Nono-Nia Yesu Keriso, ba
ba döi Geheha Ni’amoni’ö. Yaduhu. |
|
|
|
Imane Yesu :
Tenga ya'ami zanuyu Ya'o, Ya'o sa zanutuyu ya'ami, ba no Ufataro ami,
ena'ô môi ami mowua, ba ena'ô lô tebulô mbuami. (Yoh. 15:16a). |
|
3. Fangandrö |
: |
Mangandrö ita: He Yesu Keriso, So’aya ya’aga, si no högö ba Mbanua
Niha Keriso. Ya’ugö zi no mogaoni ira enoni-Mö, ba
ya’ugö göi zamataro ba wangai halöwö ba gotalua mbanua-U. Andrö ma’andrö saohagölö khö-U me Öfolala wamataro ndra enoni-Mô andre
ma’ökhö, tobali Praeses ba Resort ….. BNKP. Ma’andrô amualagö khönia wa’abölö awö wa’atuatua si’oroi Geheha-U Ni’amoni’ô ba wangai halöwö-Mö, Yaduhu. |
|
4. Manunö |
: |
BZNo: 129:2 (tola göi numero bö’ö) |
|
5. Fangombakha Lala Halöwö |
: |
He ya’ugö talifusö, fondrondrongo Lala Halöwö ba
nifataro ya’ugö, tobali Praeses ba BNKP, faudu ba Peraturan BNKP No 03/BPMS-BNKP/2008,
ya’ia da’ö: ·
Mowawa
ba mondrou’ö fa’atua-tua ndra
sohalöwö, awö mbanua Niha Keriso ba zi sambua Resort. ·
Famalua
halöwö Fondrönia’ö ba zi sambua Resort ·
Famalua
halöwö fangosambua’ö jemaat-jemaat ba zi sambua resort ·
Famalua
halöwö famarou dödö, fanenawa ba fokubaloi
khö ndra sohalöwö, ·
Famalua
halöwö fanuriagö, awö halöwö Ni’amoni’ö ma Sakramen ba jemaat-jemaat, ·
Mangalui
lala ba wanolo jemaat-jemaat sambö fa’abölö, ba si manö göi ba wamatunö na so noro dödö ba ma fa’afaehu lala wangerangera ba jemaat-jemaat, ·
Manuturu lala ba wamaogö
era’era ba ngawalö lala halöwö (program) awö lala ni’oguna’ö (anggaran) ba jemaat-jemaat ba zi sambua Resort, ·
Awö
halöwö bö’ö si faudu ba daroma Li Lowalangi, ba si no mufakhoi ba
Program Umum Pelayanan BNKP, awö lala halöwö nifaduhusi tödö ndra BPHMS-BNKP. |
|
|
|
|
|
|
Modanedane ba halöwö andrö, ba no ha sara dödö mboto zondrönia’ö ba BNKP si fao dödö zondrönia’ö ba BPMS-BNKP, andrö tefataro dalifusöda Pdt..….. ba halöwö tobali Praeses ba Resort …. BNKP. |
|
|
|
|
|
|
Fanofu |
: |
Ya’ugö awöma enoni Zo’aya. Me no örongo duho halöwö
ba nifataro ya’ugö, andrö ba zanehe Lowalangi, ba föna mbanua niha Keriso, usofu khöu: Hadia moroi ba dödöu ölulu wa’auriu amatöröwa Zo’aya
ya’ita Yesu Keriso, ba wanga’i halöwö ba mbanua-Nia ba Resort ……. BNKP andre? Na moroi ba dödöu, ba tema li wanguma’ö:
Moroi Ba Dödögu, Ya’itolodo Lowalangi ba wa’ebua
Dödö-Nia
Andrö. |
|
Fanema Li |
: |
MOROI
BA DÖDÖGU, YA’ITOLODO LOWALANGI BA WA’EBUA DÖDÖ-NIA ANDRÖ. |
|
Famataro |
: |
Ba döi Lowalangi Si samösa tölu, si no mogaoni ya’ita: ufataro ndra’ugö
tobali fandrita resort (ma Praeses) ba Resort….. BNKP. Yaduhu! |
|
Famahowu’ö |
|
Honogö dödöu ba wanema
howuhowu: ·
Yehowa
Lowalangi andrö, si lö ambö fa’abölö ba si no umbu howuhowu, zamahowu’ö
ya’ugö ba same’e khöu fa’atuatua ba
wangai halöwö si no mutou’ö ba dangau, ·
Ba So’aya ya’ita Yesu Keriso, si no mogaoni ba
mamatenge ya’ugö zi faofao khöu bongi ma’ökhö ba wamaduhu’ö Ya’ia ba niwöwöi fefu. ·
Ba ya Eheha Ni’amoni’ö zanundreheni, samohouni ba sangabölö’ö ya’ugö irugi gamozua götö danö andre. Yaduhu. |
|
Famatenge |
: |
Ba ae’e ya’ugö talifusö, halö halöwö andrö si fao
fangosindruhugö ba halöwö si no ifaduhusi tödö khöu So’aya ya’ita Yesu
Keriso. |
|
Mangandrö |
: |
Mangandrö ita: Masuno Ndra’ugö
ba ma’andrö saohagölö So’aya Lowalangima si so ba zorugo, me lö Ӧfamalömalö wokubaloi banua-U, wame’e sohalöwö si möi enoni-U ba Resort …. BNKP. Ma’andrö böi bulö’ö danga-U si lö ambö fa’abölö, ba si no fahöna howuhowu yaẅa genoni-Mö andre. Ya khö-U manô zumange ba lakhömi irugi
zi lö aetu, Yaduhu. |
|
Manunö |
: |
BZ No: 135:1 (tola göi numero tanö bö’ö) |
Tefatohu ba Agendre migu.
Nitöngöni:
Stola
ni’oguna’ö ya’ia zo la’ala’a soyo (merah), ba molo’ö töi migu la’ala’a lembe
meza.
AGENDRE WAMATARO
PENDETA
JEMAAT (FUNGSIONAL) BA BNKP
|
1.
Manunö |
: |
Buku Zinunö No: 129:1 (tola numero bö’ö) |
|
2.
Fangahono
Dödö |
: |
Tafalua wamataro Pendeta Jemaat (Pendeta fungsional)
……. ha ba döi Lowalangi Ama, ba döi Nono-Nia Yesu Keriso, ba
ba döi Geheha Ni’amoni’ö. Yaduhu. |
|
|
: |
Imane Yesu: Tenga ya'ami zanuyu
Ya'o, Ya'o sa zanutuyu ya'ami, ba no Ufataro ami, ena'ö möi ami mowua, ba
ena'ö lö tebulö mbuami. (Yoh. 15:16a). |
|
3.
Fangandrö |
: |
He Yesu Keriso, So’aya ya’aga, si no högö ba mbanua niha
Keriso. Ya’ugö zi no mogaoni ira Enoni-Mö, ba Ya’ugö
göi zamataro ba wangai halöwö ba gotalua mbanua-U. Andrö ma’andrö saohagölö khö-U me Ӧtehegö khöma ba wamalua wamataro genoni-Mö andre ma’ökhö ba Jemaat ……………..Resort …… BNKP. Ma’andrö amualöagö khönia wa’abölö awö wa’atuatua si’oroi Geheha-U Ni’amoni’ö ba wangai halöwö-Mö, Yaduhu. |
|
4.
Manunö |
: |
BZ. No: 129:2 (tola numero bö’ö) |
|
5. Famataro |
: |
He ya’ugö talifuso. Fatua lö usofu nösi dödöu ba halöwö sedöna mufataro ya’ugö, ba si föföna ua fondrondrongo Lala Halöwö ba nifataro ya’ugö faudu ba
goigoi si no mufa’anö ba Peraturan BNKP No 07/BPMS-BNKP/2008, faza 7, wa
halöwö ndra Fandrita ba BNKP, ya’ia da’ö: ·
Fangombakha
Taroma Li Lowalangi ·
Famalua
halöwö Fokubaloi ·
Famalua
halöwö Fondrönia’ö (na Pendeta fungsional: “Manundreheni halöwö fondrönia’ö) ·
Famalua
halöwö Famahaö ·
Famalua
halöwö Ni’amoni’ö ma Sakramen ·
Famalua
Halöwö Diakonia ·
Awö
halöwö bö’ö si faudu ba daroma Li Lowalangi, ba si no mufakhoi ba
Program Umum Pelayanan BNKP faudu ba goigoi ba BNKP. |
|
|
|
Modanedane ba halöwö andrö, ba no hasara dödö mboto zondrönia’ö ba BNKP
si fao fanema’ö ndra sohalöwö ba Resort …….. faoma Majelis Jemaat ba BNKP Jemaat ………………, tefataro dalifusöda Pdt. ……… ba halöwö tobali Pendeta (pendeta
fungsional) ba BNKP Jemaat …….. Resort …….. BNKP. |
|
6.
Fanofu |
: |
Ya’ugö awöma enoni Zo’aya. Me
no örongo duho halöwö ba nifataro ya’ugö, andrö ba zanehe Lowalangi, ba föna mbanua niha Keriso, usofu khöu: Hadia moroi ba dödöu ölulu
wa’auriu amatöröwa Zo’aya ya’ita
Yesu Keriso, ba wanga’i halöwö ba mbanua-Nia ba Jemaat…….andre? Na moroi ba dödöu, ba
tema li wanguma’ö: Moroi Ba Dödögu, ya itolodo Lowalangi Ba Wa’ebua Dödö-Nia Andrö. |
|
Pendeta Jemaat (Pendeta Fungsional) |
|
Moroi Ba Dödögu, ya itolodo
Lowalangi Ba Wa’ebua Dödö-Nia
Andrö. |
|
|
|
Ba döi Lowalangi Si samösa tölu, si no mogaoni ya’ita: ufataro
ndra’ugö tobali fandrita Jemaat/Fungsional
ba jemaat……. Resort …….
BNKP. |
|
7.
Howuhowu |
|
Honogö dödöu ba wanema
howuhowu: ·
Yehowa
Lowalangi andrö, si lö ambö fa’abölö ba si no umbu howuhowu, zamahowu’ö
ya’ugö ba same’e khöu fa’atuatua ba
wangai halöwö si no mutou’ö ba dangau, ·
Ba So’aya ya’ita Yesu Keriso, si no mogaoni ba
mamatenge ya’ugö zi faofao khöu bongi ma’ökhö ba wamaduhu’ö Ya’ia ba niwöwöi fefu. ·
Ba ya Eheha Ni’amoni’ö zanundreheni, samohouni ba sangabölö’ö ya’ugö irugi gamozua götö danö andre. Yaduhu. |
|
8.
Famatenge |
: |
Ae’e ya’ugö talifusö, halö halöwö andrö si fao
fangosindruhugö ba halöwö si no ifaduhusi tödö khöu So’aya ya’ita Yesu Keriso. |
|
9.
Mangandrö |
: |
Mangandrö ita: Masuno ndra’ugö ba ma’andrö saohagölö So’aya Lowalangima si so ba zorugo,
me lö öfamalömalö wokubaloi banua-U,
wame’e sohalöwö si möi enoni-U si no Ӧfataro ma’ökhö andre tobali
fandrita jemaat (fungsional).
Ma’andrö böi bulö’ö danga-U si lö
ambö fa’abölö ba si fahöna
howuhowu yaẅa genonimö andre, ya
khö-U manö zumange ba lakhömi irugi
zi lö aetu, YADUHU. |
|
10.
Manunö |
: |
BZ. No: 135:1 |
Nitöngöni:
Stola
ni’oguna’ö ya’ia zo la’ala’a soyo (merah), ba molo’ö töi migu la’ala’a lembe
meza.
AGENDRE WAMATARO
PENDETA BA UNIT PELAYANAN
|
1.
Manunö |
: |
Buku Zinunö No: 129:1 (tola numero bö’ö) |
|
2.
Fangahono
Dödö |
: |
Tafalua wamataro Pdt.............. ha ba döi Lowalangi Ama, ba döi Nono-Nia Yesu
Keriso, ba ba döi Geheha Ni’amoni’ö. Yaduhu. |
|
|
: |
Imane Yesu: Tenga ya'ami zanuyu
Ya'o, Ya'o sa zanutuyu ya'ami, ba no Ufataro ami, ena'ö möi ami mowua, ba
ena'ö lö tebulö mbuami. (Yoh. 15:16a). |
|
3.
Fangandrö |
: |
He Yesu Keriso, So’aya ya’aga, si no högö ba mbanua niha
Keriso. Ya’ugö zi no mogaoni ira Enoni-Mö, ba ya’ugö göi zamataro ba wangai halöwö ba
gotalua mbanua-U. Andrö
ma’andrö saohagölö khö-U me Ӧtehegö khöma ba wamalua famataro genoni-Mö andre
ma’ökhö ba ……….. Ma’andrö Amualagö khönia wa’abölö awö wa’atuatua si’oroi Geheha-U Ni’amoni’ö ba wangai halöwö-Mö, Yaduhu. |
|
4.
Manunö |
: |
BZ.No: 129:2 (tola numero bö’ö) |
|
5. Famataro |
: |
He ya’ugö talifuso. Fatua lö usofu nösi dödöu ba halöẅö sedöna mufataro ya’ugö, ba si föföna
ua fondrondrongo Lala Halöwö ba nifataro ya’ugö faudu ba
goigoi si no mufa’anö ba Peraturan BNKP (faigi goigoi si faudu lala halöwö ba zedöna mufataro): “………………………………” |
|
|
|
Modanedane ba halöwö andrö, ba no ha sara dödö mboto zondrönia’ö ba BNKP wa mufataro Pdt. ……… ba halöẅö tobali ………………. ba …………. |
|
6. Fanofu |
: |
Ya’ugö awöma enoni Zo’aya. Me
no örongo duho halöẅö ba nifataro
ya’ugö, andrö ba zanehe Lowalangi, ba föna mbanua niha Keriso, usofu khöu: Hadia moroi ba dödöu ölulu
wa’auriu amatöröẅa Zo’aya ya’ita Yesu Keriso, ba wanga’i halöẅö ba mbanua-Nia ba ………..…….andre?
Na moroi ba dödöu, ba tema li
wanguma’ö: Moroi Ba Dödögu, Ya itolodo Lowalangi Ba wa’ebua Dödö-Nia
Andrö. |
|
Pendeta nifataro |
|
Moroi Ba Dödögu, ya Itolodo Lowalangi Ba Wa’ebua Dödö-Nia Andrö. |
|
|
|
Ba döi Lowalangi Si samösa tölu, si no mogaoni ya’ita: ufataro
ndra’ugö tobali ……………………….. ba ……………………………. |
|
7. Howuhowu |
|
Honogö dödöu ba wanema
howuhowu: ·
Yehowa
Lowalangi andrö, Si lö ambö
fa’abölö ba si no umbu howuhowu, zamahowu’ö ya’ugö ba same’e khöu fa’atuatua ba wangai halöẅö si no mutou’ö ba dangau, ·
Ba So’aya ya’ita Yesu Keriso, si no mogaoni ba
mamatenge ya’ugö zi faofao khöu bongi ma’ökhö ba wamaduhu’ö Ya’ia ba niwöwöi fefu. ·
Ba ya Eheha Ni’amoni’ö zanundreheni, samohouni ba sangabölö’ö ya’ugö irugi gamozua götö danö andre. Yaduhu. |
|
|
|
|
|
8.
Famatenge |
: |
Ae’e ya’ugö talifusö, halö halöẅö andrö si fao fangosindruhugö ba halöẅö si no ifaduhusi tödö khöu So’aya ya’ita Yesu Keriso. |
|
9.
Mangandrö |
: |
Mangandrö ita: Masuno ndra’ugö ba ma’andrö saohagölö So’aya Lowalangima si so ba zorugo,
me lö Ӧfamalömalö wokubaloi banua-U, wame’e sohalöẅö si möi enoni-U si no Ӧfataro ma’ökhö andre tobali …………………….. Ma’andrö böi bulö’ö danga-U si lö ambö fa’abölö ba si fahöna howuhowu yaẅa genoni-Mö andre, ya
khö-U manö zumange ba lakhömi irugi
zi lö aetu, YADUHU. |
|
10.
Manunö |
: |
Buku Zinunö.No: 135:1 |
Nitöngöni:
Stola
ni’oguna’ö ya’ia zo la’ala’a soyo (merah), ba molo’ö töi migu la’ala’a lembe
meza.
AGENDRE WAMATARO
GURU JEMAAT
|
Manunö |
: |
Buku
Zinunö No:…………… |
|
Fangahono
Dödö |
: |
Da
tafalua wamataro Guru Jemaat andre: ba döi
Lowalangi Ama, ba döi Yesu Keriso, ba ba döi Geheha Ni’amoni’ö. Yaduhu. |
|
|
: |
Imane Yesu :
Tenga ya'ami zanuyu Ya'o, Ya'o sa zanutuyu ya'ami, ba no Ufataro ami,
ena'ô môi ami mowua, ba ena'ô lô tebulô mbuami. (Yoh. 15:16a). Yaduhu! I’otarai föna sa’ae, ba lahalö sangombakha taroma
Li Lowalangi
sabölö aboto ba dödö, ba si no atuatua ba halöẅö andrö. Si manö me ifataro awönia
ndra Timoteo ba Tito, Faulo andrö. Ba tafasugi ba dödöda niẅa’önia, ba
zurania nifa’ohe’önia khöra. Imane
ba zura: I
Timoteo 4:12 -16: Böi ya mu’ositengagö ndra’ugö niha, me ono matua na ndra’ugö; ya dumaduma
ndra’ugö ba zamati, ba huhuo, ba ba mbuabua, ba ba wa’omasi, ba ba wamati, ba
ba wa’ohauhau. Böi ositengagö game’ela andrö, si so ba dödöu, nibe’e khöu ba
wama’ele’ö andrö. Me latufa högöu tanga satua andrö. Da’ö törötörö tödöu, da’ö fatoutou,
ena’ö oroma wa’atedoumö ba khöra fefu. Faigifaigi hewisa ndra’ugö, ba
he’öwisa wamahaö andrö; böi böhöli da’ö. Na ö’o’ö da’ö ba ö’orifi ndra’ugö,
awö zamondrongo andrö khöu.” Ba no mirongo wa no
mututuyu ba da’ö ndra talifusö andre. No itörö
(latörö) zekola, ba no lafahaö ia
(ira), ba no aoha gölönia (gölöra)
we’amöi enoni ba halöẅö andrö, ni’oroi’ö Zo’aya ya’ita Yesu, fangombakha
taroma Li
Lowalangi, ba famahaö iraono, ba hadia ia na halöẅö bö’ö ba mbanua niha
Keriso. Andrö so ia (ira) ba da’e ma’ökhö andre ena’ö ifarongogö (lafarongogö) khömi wa’edönania (wa’edönara) andrö, ba
ena’ö tafataro ia (ira), ba
tafa’ema khönia (khöra) howuhowu
Lowalangi, na tetufa tanga högönia (högöra)
dania, ba ta’andrö Geheha Ni’amoni’ö sangabölö’ö ya’ia (ya’ira). Ba ya’ami Banua Niha Keriso, ba mitema ia (ira). Böi miẅa’ö: “Awöda niha ya’i
da’ö, hadia wa tafondrondrongo khönia
(khöra)!” Tenga sa halöẅö mbö’ö, halöẅö Lowalangi nihalönia (nihalöra). Andrö mifosumange ia (ira) ndrohundrohu zi nangea zumangenia (sumangera) ba mitolo
wangandrö salahinia (salahira)
khö Lowalangi, ena’ö mo’ölö ba halöẅönia (halöẅöra) andrö. |
|
Fangandrö |
: |
Mangandrö
ita: He Lowalangi Ama ba
zorugo! Ö’ila hadia halöẅöma ba da’e. Ma’andrö khö-U ena’ö tenga ya’aga
zamataro niha andre, ba halöẅönia
(halöẅöra) andrö khö-U, ena’ö Ya’ugö zamataro. Aohasi-gölö-U wanehe ya’ia (ya’ira): höna khönia
(khöra) Geheha-Mö, ena’ö sökhi lalania
(lalara), ba ena’ö manandrösa halöẅö nilaunia
(nilaura) ba wangebua’ö banua-U, ba ba wanga’azökhi, ba ba wanuno töi-Mö Sebua andrö. Yaduhu! |
|
Manunö |
: |
Buku
Zinunö
No: ….. |
|
Fangombakha
Lala Halöwö |
: |
He ya’ami ira talifusö, modanedane ba
goigoi si no
mufa’anö ba Peraturan BNKP No 07/BPMS-BNKP/2008, faza 27.
wa halöwö Guru
Jemaat, ya’ia da’ö: 1. Fangombakha
Taroma Li Lowalangi, gofu heza ginötö. 2. Famalua
halöwö famahaö he ba
sekola ni’a’aro’ö,
he göi
halöwö famahaö iraono. 3. Famalua
halöwö Fokubaloi,
he ba zofökhö, he si
tosasa tödö, ba zigöna
fangabu dödö si mate
niha, awö
nifatörö ba goigoi
halöwö fokubaloi 4. Famalua
halöwö
Famahowu’ö
Farongasa awö
wogo’o si mate – na lö
molala wandrita. 5. Famalua
halöwö Fondrönia’ö ba Majelis
Jemaat 6. Awö halöwö bö’ö si faudu ba daroma Li Lowalangi, ba si
no mufakhoi ba Program Umum Pelayanan BNKP. |
|
|
|
Modanedane ba halöwö andrö, ba no hasara dödö mboto
zondrönia’ö ba BNKP wa mufataro: ……… tobali Guru
Jemaat ba BNKP Jemaat ………… Resort….. |
|
Fanofu |
: |
Ba iada’e, ba era’era tödöu (mi’era’era tödömi), ba tola öfabu’u (mifabu’u) khö Lowalangi,
wangai halöẅö da’ö. Na edöna öhalö (mihalö)
ia, ba na lö edöna faröi ndra’ugö (ami),
na itolo ndra’ugö (ami) Lowalangi,
he na so wanandraigö, ba tema (mitema)
ligu, föna Lowalangi, ba föna mbanua-Nia andre: “edönado (edönaga), ya itolodo (itologa) Lowalangi!” |
|
Fanema
Li |
: |
Edönado/(Edönaga), ya itolodo/(Itologa) Lowalangi
Ba Wa’ebua Dodo-Nia
Andro. |
|
Famataro |
: |
Ba döi Lowalangi si samösa tölu, si no mogaoni
ya’ita: Ufataro ndra’ugö
tobali Guru Jemaat ba BNKP Jemaat ……., Ya Ihöna khöu Lowalangi wa’atuatua ba
fa’abölö ba wangai halöwö-Nia
andrö. Yaduhu. |
|
Famahowu’ö |
: |
Honogö dödöu (mihonogö dödömi) ba wanema howuhowu: Amada, Yehowa Lowalangi andrö, si lö ambö fa’abölö
ba si no umbu howuhowu, zamahowu’ö ya’ugö ba same’e khöu EhehaNia,
sangabölö’ö ba sangatuatua’ö ba wangai halöwö si no mutou’ö ba dangau, irege
mowua molo’ö somasi Lowalangi ba khö Zo’aya ya’ita Yesu Keriso. Yaduhu. |
|
Famatenge |
|
Ba ae’e ya’ugö talifusö, halö halöwö andrö si fao
fangosindruhugö ba halöwö si no ifaduhusi tödö khöu So’aya ya’ita Yesu
Keriso. |
|
Mangandrö |
: |
Mangandrö ita: He Lowalangi, So’aya si
so ba zorugo! Masuno Ndra’ugö, me no ebua-dödöu khöma me lö faröi Ndra’ugö
wondrorogö banua-U andrö ba gulidanö,
ba me no Öbe’e göi ba mbanua-U niha Keriso andre, niha da’e, si no aoha ölö we’amöi enonira, ba
wokubaloi ya’ira fa lö taya wamatira, fa lö laröi lala andrö khö Geheha
Ni’amoni’ö andrö, amualagö khöra wa’atuatua, ba fa’abölö, ba
fa’anau gölö,
ba fa’omasi dalifusö, ena’ö lö abua gölöra; ena’ö owölö’ölö ira ba
halöẅöra. Fahowu’ö mbanua niha Keriso ma’afefu, ena’ö lö aekhu ba danö, na so
daroma-li-wa’omasi, ma fondraradödö, ma fanegu, ma famaroudödö. Fasao ira ba
lala satulö, Eheha-Mö! Tolo ira ba wagohisa andrö, ba wolohi luo andrö
nifabu’u, me tekaoni ndra’aga fogaoni si otarai zorugo, ena’ö banua si sökhi
ira, si lö sinegu, börö Yesu Keriso. YADUHU! |
|
Manunö |
: |
Buku
Zinunö
No:………….. |
|
|
|
Ya’ahowu |
Nitöngöni:
Stola
ni’oguna’ö ya’ia zo la’ala’a soyo (merah), ba molo’ö töi migu la’ala’a lembe
meza.
AGENDRE
WAMALUA
EMERITASI
BA KHÖ NDRA PENDETA
|
1 |
Famasao |
Ira Talifusö banua niha Keriso ni’omasi’o Zo’aya ya’ita Yesu Keriso.
Modane-dane ba Peraturan BNKP No 07/BPMS-BNKP/2008, faza 15 faoma faza
19, tefaduhu’ö wa dozi fandrita si no
irugi 60 fakhe, ba inötö fasiu, ma tefolombase moroi ba halöẅö wa’afandrita, fasiu ma nifotöi emeritus. So samösa/darua/datölu[1]...
ndra fandrita BNKP si no irugi 60 fakhe, ya’ia da’o: ......................................................),
ba tefalua halöẅö
Emeritas ma’ökhö andre. (Makaoni bapak/ibu pendeta ……… möi föna ba
da’e.) |
|
2 |
Manunö |
Buku Zinunö No:
17:1 (tola numero bö’ö) |
|
3 |
Fangahono Dödö |
Ya’ohahau
dödömi. Da’e mbaẅa andrö,
ni’asogö Yehowa. Ba da ta’owuawua’ö
dödöda, hana na somuso tödö ita khö-Nia.
Taroma Li Lowalangi ba zura 1 Samueli 7:14,
imane: Ba ihalö gara sebua Samueli ba itaru’ö ba gotaluara Misefa – Jesaya.
Ba ibe’e töinia: Ebeni-Haeseri (gowe fanolo), ba imane: Irugi da’e no itolo
Yehowa. Yaduhu! |
|
4 |
Fangombakha
waöwaö wohalöwö |
Bapak/Ibu Pdt. ............(töi
pendeta). I’otarai ..............(döfi tefahowu’ö) no tefahowu’o tobali
fandrita ba BNKP, ba no ölulu/milulu wa’auriu/mi tobali enoni zo’aya ba BNKP ...........
(tezaraini nahia wohalöẅö) No mi’odödögö
wangai halöẅö, ba lö si faröi ami, no mi’o’ozui. No
mi’o’ö si mane niwa’ö ba 2 Timoteo 4:7:
“FASÖNDRATA SI SÖKHI ANDRÖ BA NO ULAU, BA TÖRÖẄA
ANDRÖ BA NO U’O’OZUI, LÖ NIBÖHÖLIGU FAMATI”. |
|
|
|
Usalahini mbanua
niha Keriso awö ndra sohalöwö ba wangandrö saohagölö wa’erege dödömi ba halöẅö fa’a’enoni Lowalangi ba BNKP. Ba tenga zaya-zaya
gölö wa’erege dödömi ba halöẅö Zo’aya
andrö. Si mane niẅa’ö
Waulo ba 1 Kor 15:57-58: “Ba nisuno Lowalangi same’e khöda femöna andrö,
moroi khö Zo’aya ya’ita andrö, Yesu Keriso. Andrö ya’ami ira talifusö, somasi
ndra’o, ya’abe’e ami, si lö humeuheu, ya’a’oi so khömi wangai halöẅö Zo’aya andrö, böi ya mamalömalö, me no
mi’ila, tenga zayazaya gölö wa’erege dödömi andrö, ba khö Zo’aya. |
|
4 |
Manunö |
Buku Zinunö No: 463:1 (Tola numero bö’ö) |
|
5 |
Folombase (Samalua
Emeritas) |
Ya’ami ira
talifusö solombase ba halöẅö i’oroi
ma’ökhö. No mihalö halöẅö Zo’aya
ngafulu fakhe wa’ara, irege murugi ndrege ndröfi nitehegö molombase ami
molo’ö Peraturan Kependetaan ba BNKP (dofi 60 fakhe). |
|
|
|
No mihalö halöẅö Zo’aya
ndrege wa’abölö ba fa’aboto ba dödö nibe’e Lowalangi khömi sodanedane ba
wamati khö Zo’aya ya’ita Yesu Keriso. No mihalö halöẅö
andrö si fao famati ba fa’afaduhu dödö ba fangosindruhugö, no mi’oigö
dödömi wangai ya’ia he na baẅa lökhö
ba he na baẅa deu, he na ma’ökhö, he na bongi. |
|
|
Emeritus |
Ba
da’ö no tobali enoni ndra’o, dali mbuala andrö, fa’ebua dödö Lowalangi,
nibe’e khögu, balazi wolau-Nia, ba
wa’abölö-Nia (Efeso 3:7) |
|
|
(Samalua
Emeritas) |
Oya falukha ami wamakao, fanandraigö, oya falukha ami zanaisi
ba somba’agö halöẅö.
Itaria mirasoi wa’atolazi dödö na itaria so nudu samakiko, börö wa lö fao
dödö zi samösamösa niha ba ma zui sambua orahua. Tolazi dödömi he fandrita
samösa ba he göi si sambua keluarga. Itaria murasoi wa’olofo na baẅa wa’olofo ba ma zui lö kefe ba danga.
Itaria la’uduni ita awöda niha me lö tago’ö zomasi dödöra, börö wamalua
somasi Yesu ba famalua ngawalö goigoi. Ba na
mufahela ma na mube’e ba mbulu wali’era, abölö oya sa’atö wa’omuso dödö ndra
enoni Zo’aya moroi ba wa’atosasa, fa’akao, ba fa’atolazi dödö si falukha ero ma’ökhö. |
|
|
Emeritus |
U’andro
saöhagölö khö Keriso Yesu, So’aya ya’ita, sangabölö’ö ya’o me no iẅa’ö tödö-Nia, lö
faröi ndra’o, me ifataro ndra’o ba halöẅö andrö
(1 Tim 1:12) |
|
6 |
Manunö |
Buku Zinunö No: 17:2 |
|
|
(Samalua
Emeritas) |
Ya’ami ira
talifusö, awöma enoni. Ma’ökhö andre,
no fa’omasi Lowalangi, falukha ami wolombase ba lala halöẅö. Tetötöi sa’ae ami, “Pendeta Emeritus”.
No erege dödömi ba wangai halöwö andrö, ba iada’e molombase ami. Khömi iẅa’ö Yesu: ”Mi’aine khögu dozi serege tödö ufolombase ami”. Folombase ba
da’e, tenga molombase ba wolau si sökhi, tenga molombase ba wangai halöẅö fo’amenesi, fanuturu lala, fanuriagö taroma Li Lowalangi. Folombase nibe’e
khömi, ya’ia da’ö folombase wololohe ba ba wondrönia’ö organisasi
(fa’a-Pendeta Resort ba fa’a-Pendeta Jemaat). Lö mufolombase ami ba wanuriagö
Turia Somuso Dödö ndrege wa’abölömi dania ba nahia si so ami. Solului manuturu
lala, solului mangamenesi, solului mamarou tödö ba wamalua tomosa, solului mama’ema taroma Li Lowalangi, solului ba wanga’aro’ö fahasambua ba mbanua niha Keriso ba BNKP. |
|
|
Emeritus |
Nisuno
Lowalangi ba wa’ebua dödö-Nia
andrö, ba lö faröido/ga ba
halöẅö Duria Somuso Dödö andre irugi wa’amate. |
|
|
(Samalua
Emeritas) |
Mihonogö dödömi wanema howuhowu Lowalangi: ·
Ya mufahowu’o ami Lowalangi,
si no mogaoni ba mamataro ya’ami ba halöẅö wa’afandrita. ·
Ya mufahowu’o ami Yesu
Keriso, si no mangabölö’ö ya’ami ba halöẅö Duria Somuso Dödö andrö. ·
Ya mufahowu’o ami Eheha
Ni’amoni’o, same’e khömi fondrara dödö ba fa’ohahau dödö i’otarai mibörögö emeritus irugi wozu
wa’aurimi. Yaduhu. |
|
|
Mangandrö |
He Yehowa
Lowalangi, si no mangoni ya’aga ba khö Zo’aya ya’aga Yesu Keriso. Ya’e dalifusöma/ndra talifusöma
enoni-Mö nifolombase börö ndröfi si no
muhonogöi ba gamakhoita BNKP. No mohalöwö ia/ira, no lahorigö dödöra ba wangai halöẅö-Mö,
he na baẅa deu, he na baẅa
lökhö; he na ma’ökhö, he na bongi; he na abölö ba he na mofökhö, lahorigö
dödöra wangai halöẅö da’ö ndrege
wa’abölö ba fa’aboto ba dödö ni’amualagö-U
khöra. He So’aya
fahowu’o fefu wohalöẅöra, ena’ö tobali dela howuhowu-Mö ba mbanua-U
ba ba khöra göi. He Ama, niha göi ira
si mane ya’aga. Faduhu dödöma oya wo’ambötara
ba wangai halöẅö-Mö, sagötö fohalöẅöra,
ba oya göi zi lö faudu ba zomasi’Ӧ gamuata
wa’aurira sero ma’ökhö, ba ma na’i itaria olifu ira Ndra’ugö ba wa’omuso dödö
ba ma ba wa’atolazi dödöra.
Ma’andrö khö-U Ama, bologö dödö-U khöra, ba efa’ö khöra horöra faböi tobali ba’aba’a howuhowu-Mö khöra. He Yesu Keriso,
fahowu’ö fefu mbanua-U niha
Keriso same ba dödö ndra enoni-Mö,
sanolo ya’ira ba ngawalö wa’atosasa ba samolala tödöra na inötö wa’atolazi
dödöra. Tolo mbanua-U niha
Keriso ma’afefu ena’ö sitedou wa’aboto
ba dödöra Ndraugö awö ndra enoni-Mö, ba ena’ö mo’arota
ira wamati ba khö-U irege
wangawuli-Mö ba luo safuria. Yaduhu. |
|
7. |
Manunö
|
Buku Zinunö No: 463:5 |
|
8. |
Fama’ema tandra wangandrö saohagölö (Cindramata) |
|
|
9. |
Sambua Fehede Fabalisa moroi
khö Pendeta ni emeritas |
|
Tefatohu Agendre Migu.
Nitöngöni:
Stola
ni’oguna’ö ya’ia zo la’ala’a soyo (merah), ba molo’ö töi migu la’ala’a lembe
meza.
[1] Molo’ö fa’ato
ni emeritas.
Posting Komentar