AGENDRE FANGANDRÖ SAOHAGÖLÖ BA WAMASI[1]

Table of Contents

 

AGENDRE FANGANDRÖ SAOHAGÖLÖ BA WAMASI[1]

(1)   Fangowai

Sondrönia’ö	:	Börö wa’omasi Lowalangi, si no umbu howuhowu, somböi banua si yawa awö danö, andrö wa no owulo ita oi faondra, ba wangandrö saohagölö ba wa’ebua dödö-Nia si no falukha ya’ita. No itolo irorogö ita awö wangahalö dangada. No itimba de’ala, ba no ifowua si sökhi. Andrö ba wa’owuawua dödö, ma’owai ami ba döi Zo’aya ya’ita Yesu Keriso. Ya’ahowu !
Sato	:	Ya’ahowu !
Sondrönia’ö	:	Ya faofao khömi Lowalangi
Sato		Ya fao khöu Geheha-Nia.

(2)   Manunö BZ No 381:1-2    (tola mu’obini numero tanö bö’ö)

 

(3)   Fanga’aro’ö  Wa’owulo + Fangandrö                                               (muzizio zato)

Sondrönia’ö	:	Da tahonogö dödöda ba wariawösa khö Lowalangi: “No owulo ita ba da’e ba döi Lowalangi Ama, ba döi nono-Nia Yesu Keriso, ba ba döi Geheha Ni’amoni’ö.
Sato	:	Yaduhu
Sondrönia’ö	:	Mi’andrö saohagölö khö Yehowa, me si sökhi tödö Ia; me no si lö aetu wa’ebua dödö-Nia andrö! Mi’andrö saohagölö khö Lowalangi andrö, me no si lö aetu wa’ebua dödö-Nia andrö!. (Sinuno 136:1-2)
Sato	:	Manuno BZ. No. 381:3 (Tola göi zinunö bö’ö)   Fefu nibasida bua wa’erege dödö. So ösa gadaya tenga ha ösi manö. Böi so watahisa ba böi mukökökökö, tema ba böi timba fao fa’omuso dödö.
Sondrönia’ö	:	Mangandrö ita:   He Yehowa Lowalangima, somböi ba si no umbu howuhowu. No so ndra’aga tanö föna-Mö So’aya ba wanuno ba ba wolakhömi töi-Mö, ba wa’ebua dödö si no falukha ya’aga. No Öfahowu’ö wohalöwöma zamösana, ba lö irai mo’aetufa wa’omasi-Mö khöma. No ötolo, no öfowua wangahalöma, andrö ba wa’omuso dödö möiga mangalulu ba wangandrö saohagölö ba wa’ebua dödö-U si no falukha ndra’aga.   Be’e khöma dödö satuatua ba wanohugö fa’aurima, ena’ö lö mamalö mahalö halöẅöma si faudu ba zomasi Nama ba zorugo. Ha ya’ugö we’ewe’e dödöma, kubalo si sökhi si lö faröi khöma, börö Zo’aya ya’aga Yesu Keriso. Yaduhu.

(mudadao zato)

(4)   Fombaso Taroma Li Lowalangi moroi ba zura Zinunö 126

Sondrönia’ö

:

Da tabaso daroma Li Lowalangi moroi ba zura Zinunö 126: 1- 6   1 Me i’ohe mangawuli Yehowa zangawuli andrö, banua Ziona,       ba no hulö zangifi ita.   2 Fahöna ba mbawama wa’iki ba fahöna ba lelama lualua wa’omuso dödö. 3 Ba lamane niha baero: ”Sebua nilau Yehowa khöra!” Ya’ia, sebua nilau Yehowa khöda, ba omuso dödöda. 4 He Yehowa, ohe mangawuli ni’oloi’ö andrö, si mane na Ӧfuli Ӧfo’idanö mbombo ba danö si raya. 5  Sege’ege ba wanaru, ba ma’iki’iki dania ba wamasi. 6 Mege’ege ia, na möi ia molohe ba danö tanömö andrö, ba na mangawuli, na manao bua nowi ia, ba ma’iki’iki.

(5)   Manunö BZ Numero 163 “Uhonogö Sibai Dödögu” (Tola göi numero bö’ö)

 

(6)   Huhuo

Sondrönia’ö	:	a.       Ya’Irorogö dödömi awö gera’erami fa’ohahau dödö andrö khö Lowalangi, sabölö moroi ba gera’era niha fefu, ba khö Keriso Yesu. Mangandrö ita……………..Yaduhu. b.      Fombaso Taroma Li Lowalangi c.       Fanuriagö d.      Fangandrö
Sato		Manuno: No mafondrondrongo Li-U

(7)   Fangandrö ba wamasi

 

a.       Manunö : BZ 384:1-2 (gasagasa da’ö ba möi föna zolohe bua wangahalö)

b.      Mangandrö: (darua zanalahini sato, samösa ndra matua ba samösa ndra alawe, ba samösa moroi ba gotalua Zatua Niha Keriso + ba i’asiwai sondrönia’ö)

c.       Fangandrö Howuhowu

(Na no awai wangandrö, ba imane Sondrönia’ö: “Ya’Itema’ö ba Ifahowu’ö Lowalangi mbua wangahalö andre, ba ya lö mamalö wa’ebua dödö-Nia ba mbanua-Nia, börö Zo’aya ya’ita Yesu Keriso. Yaduhu.”

d.      Manunö BZ 384:3…….  (ba mangawuli ba nahia).

 

 

(8)   Fangandrö Salahi + Fangandrö Zo’aya + Famatenge ba Howuhowu

 

Sondrönia’ö Sato	:   :	Muzizio zato, mangandrö ita: “………………………”  ba döi Zo’aya ya’aga Yesu Keriso si no mamahaö ya’aga  ba wa’amasa, mamane: “He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö  banua-U, ba sokhö fa’abölö, awö lakhömi, irugi zi lö aetu.  Yaduhu.
Sondrönia’ö	:	Mi’angawuli si fao fa’ohahau dödö, ba yamo’ahonoa ami ba wamati ba lala wa’auri sero ma’ökhö, ba mitema howuhowu Lowalangi: ·      Ya mufahowu’ö ami (ita) Lowalangi, Ya murorogö ami (ita) ·      Ya mufohaga mbawa-Nia khömi (khöda), Ya mu’ebua’ö dödö-Nia khömi (khöda) ·      Ya mufalemba hörö-Nia khömi (khöda), Ya mube’e wa’ohahau dödö khömi (khöda) fefu. Y a d u h u ! (ma  zui ) Ya falukha ami (ita) fefu wa’ebua dödö Zo’aya ya’ita Yesu Keriso ba fa’omasi Lowalangi Ama ba fa’awösa Geheha Ni’amoni’ö. Yaduhu.
Sato		Manunö BZ 21:1 “Lowalangida no Fa’omasi…” (tola numero bö’ö)
Sondrönia’ö		Ya’ahowu
Sato		Ya’ahowu

 

 

Nitöngöni: La’ala’a stola ni’oguna’ö ya’ia zowuge’e (hijau)

 

 

---

[1] Tefalua barõ migu fatua lö owasa wamasi (molo’õ perikopen).