AGENDRE FAMATARO NDROTONDROTO ZOHALÖWÖ BA YAYASAN

Table of Contents

 

AGENDRE FAMATARO

NDROTONDROTO ZOHALÖWÖ BA YAYASAN

 

 

1.     Manunö	:	Buku Zinunö No:129:1
2.    Fangahono Dödö	:	Da tafataro ndrotondroto zohalöẅö ba Yayasan ……. andre, tefalua ba döi Lowalangi  ma, ba döi Nono-Nia Yesu Keriso, ba ba döi Geheha Ni’amoni’ö. Yaduhu.
		Imane Yesu :  Na so zi möi enoni-Gu, ba yamu’o’ö Ndra’o, ba ba zi so Ya’o, ba da’ö göi so genoni-Gu, ba ifosumange Ama-Gu (Yohane 12:26)
3.     Fangombakha	:	Ya’ami banua niha Keriso. No tetutuyu ndra talifusö andre,  tobali ndroto-ndroto zohalöẅö ba Yayasan……… döfi wohalöwö 20…… irugi 20…..., ba no fao dödö zondrönia’ö ba BNKP, andrö tafataro ira ba halöẅöra ia da’e ba te’a’aro’ö ira.
4.     Fangombakha Lala Halöẅö	:	He ya’ami ira talifusö  ndrotondroto zohalöẅö ba Yayasan: Badan Pengurus & Badan Pengawas, mifondrondrongo Lala Halöẅö ba nifataro ya’ami, faudu ba goigoi:
		1)      Mama’anö lala halöẅö awö wanga’asogö ngawalö zoguna, si fao dödö Badan Pembina Yayasan, ya’ia BPHMS BNKP. 2)      Halöẅö fondrönia’ö, ya’ia ba wolohe ngawalö lala halöẅö ba zi tefaruhu ba Yayasan, ba wogamö ohitö dödö, ba faudu göi ba Program Umum Pelayanan BNKP. 3)      Halöẅö domosa, ya’ia ba wangotomosi ngawalö sarana-prasarana soguna ba wanundreheni lala halöẅö, he tomosa sekola, gödo, ba tanö bö’önia molo’ö fa’amoguna. 4)      Halöẅö fanundreheni awö wama’anö ndra sohalöẅö, he ba Yayasan ba si manö göi ba ngasi halöẅö si so barö wamatörö Yayasan. 5)      Ba khö Badan Pengawas: Mohalöwö ba wangosisi’ö ba ba wondrorogö ngawalö gokhöta mbanua niha Keriso si so barö wamatörö  Yayasan.
5.    Manunö		Buku Zinunö No: 129:2
6.    Fanofu	:	Ya’ami ira talifusö. Me no mirongo duho halöẅö ba nifataro ya’ami, he ndrotondroto Badan Pengurus, ba si manö göi Badan Pengawas, andrö ba zanehe Lowalangi, ba föna mbanua niha Keriso, usofu khömi: Hadia edöna ami milulu wa’aurimi amatöröẅa Zo’aya ya’ita Yesu Keriso, ba wangai halöẅö ba mbanua-Nia ba Yayasan ……? Na edöna ami, ba mitema li wanguma’ö: EDӦNAGA, YA ITOLOGA LOWALANGI BA WA’EBUA DÖDÖNIA ANDRÖ.
7.    Fanema Li	:	EDӦNAGA, YA ITOLOGA LOWALANGI BA WA’EBUA DÖDÖNIA ANDRÖ.
8.    Famataro	:	Ba döi Lowalangi Si samösa tölu, si no mogaoni ya’ita: ufataro ami tobali ndrotondroto Badan Pengurus, awö Badan Pengawas ba Yayasan……
9.    Famahowu’ö		Mihonogö dödömi ba wanema howuhowu: Amada, Yehowa Lowalangi andrö, si lö ambö fa’abölö ba si no umbu howuhowu, da’ö zamahowu’ö ya’ami ba same’e khömi Eheha-Nia, sangabölö’ö ba sangatuatua’ö ba wangai halöẅö si no mutou’ö ba dangami, irege mowua molo’ö somasi Lowalangi ba khö Zo’aya ya’ita Yesu Keriso. Yaduhu.
10.     Famatenge	:	Mi’ae’e ya’ami ira talifusö, mihalö halöẅö andrö si fao fangosindruhugö, ba halöẅö si no Ifaduhusi tödö khömi So’aya ya’ita Yesu Keriso, Yaduhu.
11.     Mangandrö	:	Mangandrö ita…………………….. (na tenga ba ginötö migu, ba tefatohu faoma Fangandrö Zo’aya + Famatenge + Howuhowu)
12.     Manunö	:	Buku Zinunö No: 135:1
…….Fama’ema Surat Keputusan…..
		Fondra’u tanga....

 

Nitöngöni:

Stola ni’oguna’ö ya’ia zo la’ala’a soyo (merah), ba molo’ö töi migu la’ala’a lembe meza.