AGENDRE FAMATARO KOMISI-KOMISI BA JEMAAT

Table of Contents

 

AGENDRE FAMATARO KOMISI-KOMISI BA JEMAAT

 

 

1.      Fombaso Surat Keputusan (Gasagasa wombaso töi ba möi föna ndrotondroto komisi nifataro, la’otahögö Altar ba möi göi zamalua famataro furi meza Altar, ba da’ö ifalua agendre wamato).

 

2.      Famataro

 

Manunö	:	BZ. No:  135:1 “HALӦẄӦMӦ NIHALӦMA”……(tola göi numero bö’ö)
Fangahono Dödö	:	Famataro ndrotondroto Zohalöŵö ba Komisi........, tefalua ba döi Lowalangi Ama, ba döi Nono-Nia Yesu Keriso, ba ba döi Geheha Ni’amoni’ö. Yaduhu.
	:	Imane Yesu :  Tenga ya'ami zanuyu Ya'o, Ya'o sa zanutuyu ya'ami, ba no Ufataro ami, ena'ô môi ami mowua, ba ena'ô lô tebulô mbuami. (Yoh. 5:16a).
Fangandrö	:	He Yesu Keriso, So’aya ya’aga, si no högö ba mbanua niha Keriso. Ya’ugö zi no mogaoni ira Enoni-Mö, ba ya’ugö göi zamataro ba wangai halöwö ba komisi........  Andrö ma’andrö saohagôlô khô-U me ôfolala wamataro ya’ira andre ma’ôkhô. Ma’andrô amualagô khôra dödö fa’a’enoni ba wangai halöwö ba nifataro ya’ira. Be’e khöra wa’abôlögô awô wa’atuatua si’oroi Geheha-U Ni’amoni’ô ba wangai halöwö si no Öfaduhusi tödö khöra, irege si tedou mbanua-U ba lala wamati sero ma’ökhö.  Yaduhu.
Manunö	:	BZ. No: 135:2 ………… (tola göi numero bö’ö)
Fangombakha Lala Halöwö	:	He ya’ami ira talifusö, modanedane ba halöwö komisi-komisi molo’ö goigoi ba BNKP No 14/BPMS-BNKP/2014, moguna mitöngöni:   (1)   Komisi ba Jemaat no boto zanundeheni halöwö ba Jemaat, molo’ö faosatö halöwö komisi-komisi (program serta anggaran pendapatan dan belanja), faudu goigoi ba BNKP (2)   So tölu ngawalö lala halöwö sinangea ifalua komisi-komisi, ya’ia da’ö: Solului khö BPMJ ba ‘wama’anö’ ngawalö lala halöwö, awö ngawalö zoguna (anggaran) molo’ö lala halöwö komisi zamösana. Solului khö pendeta jemaat/guru jemaat ba wangohalöwögöigö lala halöwö faudu ba waosatö halöwö zamösana. Falulu fohalöwö khö ndra ndrotondroto zohalöwö ba jemaat (Majelis/BPMJ) awö ndrotondroto komisi ba ma panitia si so ba jemaat. Mamalua fariawösa fohalöwö faoma ngasi si so ba resort, ba si manö göi ba sinode, ma si sambua BNKP.
Fanofu	:	Ya’ami awöma enoni Zo’aya, sedöna mohalöwö ba komisi-komisi. Me no mirongo duho halöwö ba nifataro ya’ami, andrö usofu khömi: Hadia moroi ba dôdômi milulu wa’aurimi amatôrôwa Zo’aya ya’ita Yesu Keriso, ba wanga’i halôwô ba komisi……….., ba BNKP Jemaat...............? Na moroi ba dôdômi, ba mitema ligu wanguma’ô: Moroi Ba Dӧdӧgu, Ya’itolodo Lowalangi Ba Wa’ebua Dӧdӧnia Andrӧ.
Fanema Li	:	MOROI BA DӦDӦGU, YA ITOLODO LOWALANGI BA WA’EBUA DӦDӦNIA ANDRӦ.
Famataro	:	Ba döi Lowalangi si samösa tölu, si no mogaoni ya’ami: Ufataro ami tobali ndrondroto zohalöwö ba komisi…… (tetötöi döi komisi) ba BNKP Jemaat ……. Resort ……. Ya faofao khömi  Lowalangi.
Famahowu’ö		Mihonogö dödömi ba wanema howuhowu: Amada, Yehowa Lowalangi andrö, si lö ambö fa’abölö ba si no umbu howuhowu, da’ö zamahowu’ö ya’ami ba same’e khömi Eheha-Nia, sangabölö’ö ba sangatuatua’ö ba wangai halöwö si no mutou’ö ba dangami, irege mowua molo’ö somasi Lowalangi ba khö Zo’aya ya’ita Yesu Keriso. Yaduhu.
Famatenge	:	Mi ae’e ya’ami ira talifusö, mihalö halöwö andrö si fao fangosindruhugö ba halöwö si no ifaduhusi tödö khömi So’aya ya’ita Yesu Keriso.
Fangandrö	:	Mangandrö ita: “…………………….”
Manunö	:	BZ.No: 130:3 ………(Lala: Lö tola lö tahalö) (Tola göi sinunö bö’ö)

 

Tefatohu ba Agendre Migu.

 

 

Nitöngöni:

Stola ni’oguna’ö ya’ia zo la’ala’a soyo (merah), ba molo’ö töi migu la’ala’a lembe meza.