AGENDRE FAMATARO BPP, BPPR, & BPPJ

Table of Contents

 

AGENDRE FAMATARO

BPP, BPPR, & BPPJ

 

 

Manunö	:	Buku Zinunö No:  129:1 (Tola göi  numero bö’ö)
Fangahono Dödö	:	Da tafalua wamataro Badan Pengawas Penatalayanan (BPP) / BPP-R /BPP-J  andre, ba döi Lowalangi Ama, ba döi Nono-Nia Yesu Keriso, ba ba döi Geheha Ni’amoni’ö. Yaduhu.
	:	Imane Yesu :  Na so zi möi enoni-Gu, ba yamu’o’ö Ndra’o, ba ba zi so Ya’o, ba ba da’ö göi so genoni-Gu, ba Ifosumange Ama-Gu (Yohane 12:26)
Fangombakha	:	Ya’ami Banua Niha Keriso. Me no tetutuyu ndra talifusö andre, si tobali ndroto-ndroto Badan Pengawas Penatalayanan (BPP) ba BNKP (BPP Resort…….. / BPP Jemaat ……..), döfi wohalöŵö ………., andrö tafataro ira ba halöwöra ia da’e ba te’a’aro’ö ira.
Fangombakha Lala Halöwö	:	He ya’ami ira talifusö ndroto-ndroto Badan Pengawas Penatalayanan (BPP) / BPP Resort ……/ BPP Jemaat……, mifondrondrongo Lala Halöwö ba nifataro ya’ami, faudu ba goigoi ba BNKP:
	BPP		(Faigi Peraturan BNKP No 8/BPMS-BNKP/2008, Faza 2, faza 3:1; ba faza 4 )
	BPPR		(Faigi Peraturan BNKP No 8/BPMS-BNKP/2008, Faza 2, faza 3:2; ba faza 4 )
	BPPJ		(Faigi Peraturan BNKP No 8/BPMS-BNKP/2008, Faza 2, faza 3:3; ba faza 4 )
Fanofu	:	Ya’ami ira talifusö. Me no mirongo duho halöŵö ba nifataro ya’ami ndrotondroto BPP/BPP Resort/BPP-Jemaat…., andrö ba zanehe Lowalangi, ba föna mbanua Niha Keriso, usofu khömi: Hadia edöna ami milulu wa’aurimi amatöröwa Zo’aya ya’ita Yesu Keriso, ba wangai halöwö tobali ndrotondroto BPP BNKP/BPPR/BPPJ ? Na edöna ami, ba mitema ligu wanguma’ö: EDӦNAGA, YA ITOLOGA LOWALANGI BA WA’EBUA DÖDÖNIA ANDRÖ.
Fanema Li	:	EDӦNAGA, YA ITOLOGA LOWALANGI BA WA’EBUA DÖDÖNIA ANDRÖ.
Famataro	:	Ba döi Lowalangi si samösa tölu, si no mogaoni ya’ita: ufataro ami tobali ndrotondroto BPP/ BPP Resort / BPP Jemaat….  Yaduhu.
Famahowu’ö		Mihonogö dödömi ba wanema howuhowu: Amada, Yehowa Lowalangi andrö, si lö ambö fa’abölö ba si no umbu howuhowu, da’ö zamahowu’ö ya’ami ba same’e khömi Eheha-Nia, sangabölö’ö ba sangatuatua’ö ba wangai halöŵö si no mutou’ö ba dangami, irege mowua molo’ö somasi Lowalangi ba khö Zo’aya ya’ita Yesu Keriso. Yaduhu.
Famatenge	:	Mi’ae’e ya’ami ira talifusö, mihalö halöwö andrö si fao fangosindruhugö, ba halöwö si no ifaduhusi tödö khömi So’aya ya’ita Yesu Keriso.
Mangandrö	:	Mangandrö ita: Masuno ndra’ugö ba ma’andrö saohagölö So’aya Lowalangima si so ba zorugo, me lö öfamalömalö wokubaloi banua-U, wame’e sohalöŵö si möi enoni-U tobali BPP/BPP-R/BPP-J BNKP. Ma’andrö böi bulö’ö danga-U si lö ambö fa’abölö, ba si fahöna howuhowu yaŵa ndra enoni-Mö andre, ya khö-U manö zumange ba lakhömi irugi zi lö aetu, Yaduhu.
Manunö	:	Buku Zinunö No: 130:3 ( Lö Tola Lö Tahalö)….(tola göi numero bö’ö)
SK		Fama’ema SK
		Fondra’u tanga....

 

Nitöngöni:

Stola ni’oguna’ö ya’ia zo la’ala’a soyo (merah), ba molo’ö töi migu la’ala’a lembe meza.