AGENDRE FAMATARO BPHMS ba BPMS BNKP

Table of Contents

 

AGENDRE FAMATARO BPHMS ba BPMS BNKP

 

1.      Fombaso Ketetapan Majelis Sinode tentang BPHMS BNKP ba BPMS BNKP

(gasagasa da’ö ba möi föna ndra BPHMS awö ndrotondroto BPMS BNKP).

 

2.      Famalua Famataro

 

1)      Manunö	:	Buku Zinunö No:129:1-2
2)      Fangahono Dödö	:	Ya’ami banua niha Keriso ba zi sagörö BNKP tafalua wamataro BPHMS BNKP awö BPMS BNKP ha ba döi Lowalangi Ama, ba döi Nono-Nia Yesu Keriso, ba ba döi Geheha Ni’amoni’ö. Yaduhu.
	:	Imane Yesu :  Tenga ya'ami zanuyu Ya'o, Ya'o sa zanutuyu ya'ami, ba no Ufataro ami, ena'ö möi ami mowua, ba ena'ö lö tebulö mbuami. (Yoh. 15:16a).
3)      Manunö	:	Buku Zinunö No:138:1 (La’otahögö zato ira nifataro)
4)      Fangombakha ba Fanema’ö	:	No tetutuyu ndra talifusö andre ba Persidangan Majelis Sinode BNKP si……., ba halöwö tobali BPHMS awö ndrotondroto BPMS BNKP, döfi wohalöwö 20….. irugi 20….. ba tefataro ira iada’e ba halöwö andrö khö Lowalangi.  Andrö Ya’ami banua niha Keriso. Mitema’ö ba mitundreheni ira ba wangai halöẅö ba gotalua mbanua niha Keriso. Böi mo’aetufa mi’ohe ira ba wangandrö, ena’ö lö mamalö khöra Geheha Lowalangi, sangabölö, sangatuatua’ö ba sangosara tödöra ba wangai halöẅö fondrönia’ö ba BNKP. Irege si tedou mbanua niha Keriso ba wamati, ba wa’omasi, ba ba wa hasambua. Yaduhu.
5)      Manunö zato	:	Buku Zinunö No: 139:1-2 (ba lafuli la’otahögö ba zamataro).
6)      Fangombakha Lala Halöẅö	:	He ya’ami ira talifusö. No Ifaduhusi tödö ami Lowalangi tobali boto zondrönia’ö: BPHMS awö BPMS BNKP. Mifondrondrongo Lala Halöẅö ba nifataro ya’ami, faudu ba goigoi ba BNKP:
		HALÖẄÖ BPHMS BNKP: Tuho halöwö BPHMS BNKP (Faudu ba Peraturan BNKP 02/BPMS-BNKP/2008, faza 3): (1)   Mamalua halöẅö si no muhonogöi ba Ketetapan & Keputusan Majelis Sinode. (2)   Mamalua halöẅö Fondrönia’ö ba fokubaloi ba zi sagörö BNKP. (3)   Mama’anö ngawalö zoguna ba wamalua falukhata BPMS awö walukhata Majelis Sinode (4)   Mama’ema gofanöwa wohalöẅö ba persidangan BPMS-BNKP (5)   Mama’ema ba mamaduhu’ö lala wohalöẅö nifalua BPHMS föna Majelis Sinode ba ginötö persidangan. (6)   Mamalua falukhata faoma Ketua BPMS BNKP (7)   Manalahini si sambua BNKP he sanandrösa bakha ba BNKP, ba si manö ba gamaikhata baero.
		HALӦẄӦ BPMS: Tuho halöẅö BPMS BNKP (Faudu ba Peraturan BNKP 01/BPMS-BNKP/2008, faza 3): (1)   Manalahini Majelis Sinode ba gotalua wamalua Persidangan Majelis Sinode (2)   Mangosisi‘ö lala wamalua ngawalö gangetula Majelis Sinode (3)   Mangehao ngawalö goigoi si tobali fanuturu lala sodanedane moroi Tata Gereja (4)   Mangohonogöi ba mame’e fefao dödö ba nifotöi Anggaran Pendapatan dan Belanja Sinode (5)   Mengohonogöi ngawalö mboto zohalöẅö awö wetaro ngasi zohalöẅö (komisi/lembaga/proyek/yayasan) BNKP molo’ö fa’amoguna.
7)      Fanofu	:	Me no mirongo duho halöẅö ba nifataro ya’ami, andrö ba zanehe Lowalangi, ba föna mbanua niha Keriso, usofu khömi:
		Ya’ami ndrotondroto BPHMS: Hadia edöna ami milulu wa’aurimi amatöröwa Zo’aya ya’ita Yesu Keriso, ba wangai halöwö fondrönia’ö ba fokubaloi zi sambua BNKP faudu ba ngenoli halöwö si no mirongo no mege? Na edöna ami, ba mitema ligu wanguma’ö: EDӦNAGA, YA ITOLOGA LOWALANGI BA WA’EBUA DÖDÖNIA ANDRÖ.
		BPHMS: EDӦNAGA, YA ITOLOGA LOWALANGI BA WA’EBUA DÖDÖNIA ANDRÖ.
		Ya’ami ndrotondroto BPMS: Hadia edöna ami milulu wa’aurimi amatöröwa Zo’aya ya’ita Yesu Keriso, ba wanalahini Majelis Sinode ba wangai halöwö ba mbanua-Nia faudu ba ngenoli halöwö si no mirongo no mege? Na edöna ami, ba mitema ligu wanguma’ö: EDӦNAGA, YA ITOLOGA LOWALANGI BA WA’EBUA DÖDÖNIA ANDRÖ.
	:	BPMS: EDӦNAGA, YA ITOLOGA LOWALANGI BA WA’EBUA DÖDÖNIA ANDRÖ.
8)      Famataro	:	Ba döi Lowalangi Si samösa tölu, si no mogaoni ya’ita: ufataro ami tobali ndrotondroto BPHMS BNKP awö ndrotondroto BPMS BNKP, döfi wohalöwö ……………….. Yaduhu.
9)      Famahowu’ö		Mihonogö dödömi ba wanema howuhowu: ·         Yehowa Lowalangi andrö, si lö ambö fa’abölö ba si no umbu howuhowu, da’ö zamahowu’ö ya’ami ba same’e khömi fa’atuatua ba wangai halöẅö si no mutou’ö ba dangami, ·         So’aya ya’ita Yesu Keriso, si no mogaoni ba mamatenge ya’ami, da’ö zi faofao khömi bongi ma’ökhö ba wamaduhu’ö Ya’ia ba niwöwöi fefu. ·         Ba ya Eheha Ni’amoni’ö zanundreheni, samohouni ba sangabölö’ö ya’ami irugi gamozua götö danö andre. Yaduhu.
10)  Famatenge	:	Mi’ae’e ya’ami ira talifusö, mihalö halöẅö andrö si fao fangosindruhugö, ba halöẅö si no ifaduhusi tödö khömi So’aya ya’ita Yesu Keriso, Yaduhu. ---------------------Fama’ema SK/Stola ba Fondra’u tanga---------------
11)  Mangandrö	:	Mangandrö ita: Masuno ndra’ugö ba ma’andrö saohagölö So’aya Lowalangima si so ba zorugo, me lö öfamalömalö wokubaloi banua-U, wame’e sohalöẅö simöi enoni-U ba wondrönia’ö si sambua BNKP. Ma’andrö böi bulö’ö danga-U si lö ambö fa’abölö, ba si fahöna howuhowu yaẅa ndra enonimö andre, ba ya khö-U manö zumange ba lakhömi irugi zi lö aetu, Yaduhu.
12)  Manunö	:	Buku Zinunö No: 135:1

 

3.      Fehede Fanema’ö ba Fokubaloi

(1)   Sanalahini warga jemaat…………………………….

(2)   Sanalahini Sondrönia’ö (pemerintah)……………….

(3)   Moroi khö BPMS BNKP, nifa’ema Ketua

(4)   Fokubali moroi khö BPHMS BNKP, nifa’ema Ephorus

 

 

Nitöngöni:

Stola ni’oguna’ö ya’ia zo la’ala’a soyo (merah), ba molo’ö töi migu la’ala’a lembe meza.