AGENDRE BA WANGANDRÖ SAOHAGÖLÖ ME NO ALUA WALÖWA

Table of Contents

 

AGENDRE BA WANGANDRÖ SAOHAGÖLÖ ME NO ALUA WALÖWA

1.      Fehede Famasao                : Moroi ba zanalahini Ösi nomo (Keluarga)

 

2.      Fasumangeta

 

(1)   Fangowai

Sondrönia’ö	:	Ha börö wa’omasi Lowalangi wa no tola owulo ita oi faondra. No fa’ebua dödö-Nia, wa no tola alua walöẅa ba zi darua niha, ba ba zi ma’ökö andre fao ita ba wa’owuawua dödö si fao ndra talifusö ba nahia andre. Andrö ba wa’owuawua dödö, u’owai ami ba döi Zo’aya ya’ita Yesu Keriso. Ya’ahowu
Sato	:	Ya’ahowu
Sondrönia’ö	:	Ya faofao khömi Lowalangi
Sato		Ya fao khöu Geheha-Nia..

(2)   Manunö moroi ba Mbuku Zinunö No……..

 

(3)   Fanga’aro’ö Wa’owulo

Sondrönia’ö	:	Da tahonogö dödöda ba wariawösa khö Lowalangi: “No owulo ita ba da’e ba döi Lowalangi Ama, ba döi nono-Nia Yesu Keriso, ba ba döi Geheha Ni’amoni’ö.
Sato	:	Yaduhu
Sondrönia’ö	:	Mi’andrö saohagölö khö Yehowa, me si sökhi tödö ia; me no si lö aetu wa’ebua dödönia andrö! (Sin. 136, 1).
Sato	:	Manunö: Buku Zinunö No 5:1 Suno Yehowa, Ya’ia Zalawa zorugo. Tödögu suno Yehowa sokhö fa’ebua. Mi’ae manö niha sato sanunö. Da’ö zomasi Yehowa.
Sondrönia’ö	:	Mangandrö ita: He Yehowa Lowalangi sebua fa’omasi. Ma’angaröfi li döi-Mö andrö ni’amoni’ö, ba wanuno ba ba wamolakhömi Ya’ugö. Ma’andrö saohagölö wa’ebua dödö-U, me no Öfahowu’ö ba Ӧfaböbö ndra talifusö andre sangotomosi fongambatö:, talifusöma………. faoma …….  No owuloga wefao ba wa owuawua dödö, ba ma’andrö khö-U fahowu’ö wongambatöra, a’aro’ö ira ba wa’omasi sagötö fefaora, irege si falukha fa’owuawua dödö ba howuhowu ba wongambatöra, börö Zo’aya ya’aga Yesu Keriso. Yaduhu.

 

 

(4)   Fombaso Taroma Li Lowalangi:  Sinunö 118:24 + 128:1-6 ba Efeso 5:33

 

(5)   Manunö Buku Zinunö No: 163:1 “Uhonogö Sibai Dödögu…..”

 

(6)   Huhuo

Sondrönia’ö	:	a.       Ya’Irorogö dödömi awö gera’erami fa’ohahau dödö andrö khö Lowalangi, sabölö moroi ba gera’era niha fefu, ba khö Keriso Yesu. Mangandrö ita……………..Yaduhu. b.      Fombaso Taroma Li Lowalangi c.       Fanuriagö d.      Fangandrö
Sato		Manuno: No mafondrondrongo Li-U

(7)   Fangandrö salahi zangowalu/ni’owalu

a.       Sanalahini Majelis Jemaat

b.      Sanalahini Keluarga

c.       ................................

 

(8)   Manunö

 

(9)   Fangandrö Fangasiwai + Fangandrö Zo’aya + Famatenge ba  Howuhowu

 

Sondrönia’ö   Sato	:   :	Muzizio zato, mangandrö ita: “……………”  ba döi Zo’aya ya’aga Yesu Keriso si no mamahaö ya’aga ba wa’amasa, mamane:   “He Ama khöma si so ba zorugo….” Yaduhu.
Sondrönia’ö	:	Mifuli ami si fao fa’ohahau dödö, ba ya tobali ami fongambatö sango’aurifagö fa’omasi ba tobali howuhowu ba gulidanö. Mitema howuhowu Lowalangi: ·      Ya mufahowu’ö ami (ita) Lowalangi, Ya murorogö ami (ita) ·      Ya mufohaga mbawa-Nia khömi (khöda), Ya mu’ebua’ö dödö-Nia khömi (khöda) ·      Ya mufalemba hörö-Nia khömi (khöda), Ya mube’e wa’ohahau dödö khömi (khöda) fefu. Y a d u h u ! (ma  zui ) Ya falukha ami (ita) fefu wa’ebua dödö Zo’aya ya’ita Yesu Keriso ba fa’omasi Lowalangi Ama ba fa’awösa Geheha Ni’amoni’ö. Yaduhu.
Sato	:	Manunö: Duhu......Duhu.........Yaduhu     (tola göi zinunö tanö bö’ö)
Sondrönia’ö	:	Ya’ahowu
Sato	:	Ya’ahowu

 

Nitöngöni: La’ala’a stola ni’oguna’ö ya’ia zowuge’e (hijau)