AGENDRE BA WANGAMONI’Ö OSALI

Table of Contents

 

AGENDRE BA WANGAMONI’Ö OSALI

1.      Famörögö

a.    Fehede Famasao moroi khö Panitia

b.    Fombaso Surat Keterangan Penahbisan

c.    Famokai “Selubung merek gereja + Penandatanganan prasasti” (na so)

d.    Famözi Aramba, Göndra ba Faritia (na so)

e.    Famalua foguti pita, ba ma gabagaba bulu nohi (na so)

f.     Fama’ema Ono kusi gosali: Tuka – Panitia – Ketua Majelis Jemaat – Praeses – BPHMS.

 

2.      Fangamoni’ö Osali ba golayama gosali (Nifalua BPHMS)

1.	Fangowai
	Sondrönia’ö	Ya falukha ami wa’ebua dödö ba fa’ohahau dödö soroi Zo’aya ya’ita Yesu Keriso, ba ya lö faröi ami göi khö Lowalangi. Ya’ahowu!
	Sato	Ya’ahowu
2.	Manunö : Buku Zinunö No: 3:1-2
3.	Fombaso Taroma Li Lowalangi moroi ba zura Zinunö 84:2-13
4.	Manunö : Buku Zinunö No: 5:1-2
5.	Famokai Bawandruhö Gosali   a. Nibaso: 1 Raja 8:27-30 (tola mufagemagema wombaso) b. Fangamoni’ö: (Möi zamalua fangamoni’ osali ahatö mbawa ndruhö, ba imane: )
	Sondrönia’ö		Ba wangamoni’ö Omo Lowalangi andre, ya inönöi lakhömi Yehowa Lowalangi nahia andre, ba Ya’ia samösa zangamoni’ö Osali (Omo Lowalangi) andre, awö mbanua niha Keriso ma’afefu.
	Sato		Yaduhu!
	Sondrönia’ö		(Tebe’e wiga si so idanö khö zangamoni’ö osali, ba fatua lö itefe idanö  mbawa ndruhö, tandra ba wanasai, ba ba wangamoni’ö:   Iada’e, ba wangamoni’ö osali andre, nifotandra faoma fanefe idanö, ba moguna tatöngöni wa no “Ni’amoni’ö Lowalangi”, andrö lö tola lö’ö göi ni’amoni’ö nomo-Nia. Imane taroma Li Lowalangi moroi ba Moze II, 25:8: “Ba lafa’anö khögu nahia ni’amoni’ö, ena’ö soso-Do ba khöra.” Andrö:  “Da ta’amoni’ gosali andre ba döi Lowalangi Ama (tetefe idanö mbawa ndruhö), ba döi nono-Nia Yesu Keriso (tetefe idanö mbawa ndruhö), ba ba döi Geheha Ni’amoni’  (tetefe idanö mbawa ndruhö).   (Aefa da’ö tebokai mbawandruhö gosali, ba imane): “Ni’amoni’ö, ni’amoni’ö, ni’amoni’ö Yehowa ngahönö andrö; no anönö lakhöminia guli danö ma’asagörö! (Yesaya 6:3b) Ya lö mamalö howuhowu Lowalangi ba gosali ni’amoni’ö  andre. Yaduhu. (Tebokai mbawa ndruhö gosali, ba möi bakha ba gosali mbanua niha Keriso awö kaoniẅa fefu)

 

3.      Bakha ba Gosali

Na no ahori möi bakha ba gosali mbanua niha keriso awö kaoniẅa fefu, ba tedöni dorosi, möi bakha ba gosali ”prosesi ibadah” (Solohe Röfa, Buku Ni’amoni’ö, Lili, nahia wemanga gö ni’amoni’ö, nahia nidanö ba wamayagö idanö, awö nukha balubalu meja Altar. Sökhi na no tohöna zondrönia’ö, sogaoni banua niha Keriso ena’ö sumindro ba manunö moroi ba Mbuku Zinunö nomero: .......

 

(Na no larugi bakha gosali, ba ladölö ira yawa ba Altar, la’otahögö mbanua niha Keriso. Fatua lö latou’ö ba danga Zangai Huhuo Sebua ”simbol ibadah”, ba lafa’ema wehede lamane):

1	Solohe lembe Meza Altar	Nukha sola’ala’a ……… andre mo’amakhaita ba döi migu molo’ ndröfi niha Keriso. Töi migu ma’ökhö andre: .............., eluahania .................................. Andrö da ta’o’aurifagö ndröfi niha Keriso andre ba wolo’ö ofanöẅa wa’auri Yesu Keriso.  (Awai iẅa’ ö da’ö, ba ibe’e khö zangai huhuo sebua, ena’ö mubologö ba meza Altar)
2	Solohe Röfa	Röfa andre, no tanda wanörö tödö famakao Yesu ba röfa ba wangöhöli ba ba wangorifi ya’ita. Imane taroma Li Lowalangi: “No ihöli ita Keriso, ba wangelifi andrö, ba goroisa andrö, me no tobali ni’elifi Ia, salahida, me no so ba zura: ”Ni’elifi dozi nitaẅi ba döla geu,” (Galatia 3:13). (Awai iẅa’ö da’ö, ba ibe’e khö zangai huhuo sebua, ena’ö itou’ö yaẅa  ba meza Altar).
3	Solohe Sura Ni’amoni’	Ba mböröta so daroma Li andrö, ba khö Lowalangi daroma Li andrö, ba taroma Li andrö, ba no Lowalangi. (Yoh 1:1) (Awai iẅa’ö da’ö, ba ibe’e khö zangai huhuo sebua, ena’ö itou’ö ba meza Altar).
4	Solohe Lili	Lili andre no tanda fangoroma haga. Imane Yesu: “Ya’odo haga nösi guli danö andrö. Solo’ö Ya’o, ba lö mowawaö ba zogömigömi, so sa’ae khönia haga ba wa’auri andrö. (Yoh 8:12). (Awai iẅa’ö da’ö, ba ibe’e khö zangai huhuo sebua, ena’ö  itou’ö ba meza Altar).
5	Solohe nahia Wemanga Gö Ni’amoni’  + Famayagö Idanö.	Ba wanema’ö fa’ebua dödö ba fangorifi soroi Lowalangi, andrö no tekaoni mbanua niha Keriso ba wamalua halöŵö Sakramen, ya’ia Wemanga Gö Ni’amoni’ö ba Famayagö Idanö. (Awai iẅa’ö da’ö, ba ibe’e khö zangai huhuo sebua, ena’ö  itou’ö ba meza Altar).

 

4.      Fangandrö Nidöniai’ö Zangamoni’ö

(Awai da’ö, ba mudadao zato, ba ladölö ira ba nahiara ira solohe simbol ibadah, ba möi zangai agendre ba mimbar side’ide ba itohugö wamalua fasumangeta khö Lowalangi, molo’ö  Agendre Migu faudu ba ndröfi niha Keriso. (Faigi Agendre)

 

5.      Fehede Fangombakha, Fanema’ ö ba Fokubaloi

a.    Fangombakha (informasi/laporan) ba Fanema’ ö moroi ba panitia pembangunan

b.    Fehede Fanema’ö: (1)…………………… (2) ……………………(3)………….

c.    Fehede Fokubaloi (ba da’ae itou’ö mangawuli nono kusi gosali BPHMS BNKP, khö Ketua Majelis Jemaat si fao ira BPMJ)

 

6.      Fangasiwai (Nidönia’ö Panitia)

 

Nitöngöni: La’ala’a stola ni’oguna’ö ya’ia zowuge’e (hijau)