AGENDRE BA WANAWA OMO SI BOHOU Model A[1]

Table of Contents

 

AGENDRE BA WANAWA OMO SI BOHOU

Model A[1]

 

	………Ba golayama nomo……
1.	Manunö  : Buku Zinunö No: …..
2.	Fangowai + Fanga’aro’ö ba wa’owulo
	Sondrönia’ö		Ya faofao khömi Lowalangi
	Sato		Ya fao khöu  Geheha-Nia
	Sondrönia’ö		Fangorifida ha ba döi Lowalangi, somböi banua si yaẅa awö  danö
	Sato		Yaduhu
3.	Fombaso Taroma Li Lowalangi moroi ba zura Zinunö  127:1-2 (nifagemagema, ba tola gö i ha sangai halöẅö  zombaso)
	Sondrönia’ö	Na tenga Yehowa zangotomosi omo
	Sato	ba zayazaya gölö halöẅö zotomo andrö
	Sondrönia’ö	Na tenga Yehowa zanaro banua
	Sato	ba zayazaya gölö wa lö mörö zanaro andrö.
	Sondrönia’ö	Zayazaya gölö wa ahulö maoso ami, awö wa alaẅa mbongi möi mörö
	Sato	wemanga ölömi, serege dödömi
	Sondrönia’ö	si manö göi wame’e-Nia ba zomasi Ia, barö wemörö.
4.	Manunö  : Buku Zinunö No: …..
5.	Famokai Bawandruhö  Nomo
	(Ifahatö  ia sangai halöwö  ba mbawandruhö  nomo, ba imane:)
	Sondrönia’ö	Omo andre ba no buala Lowalangi. Andrö  da ta’andrö  khö  Lowalangi, ena’ö  Ya’ia zi so ba samahowu’ö  nahia andre awö  zoroi yomo zatuada/talifusöda …………………….. (töi zokhö  omo).
	Sato	Yaduhu!
	Sondrönia’ö	(Tebe’e wiga si so idanö  khö  zangai halöẅö , ba itefe mbawandruhö  nomo andrö , ba imane): ”Ena’ö  si mane  namo mbanua andrö ba hili Heremono, sangele mitou; ba da’ö sa’ae ifa’amöi howuhowu Yehowa, fangorifi, si rugi zi lö aetu.”. Yaduhu.   (Ibokai mbawandruhö  nomo andrö  sangai halöẅö , ba imane):. “Tefahowu’ö  nomo andre ba döi Lowalangi Ama, ba döi Nono-Nia Yesu Keriso, ba ba dö i Geheha Ni’amoni’ö . Sondrorogö ya’ugö Yehowa; ilumö’ö ndra’ugö Yehowa ba gambölöu. Lö ihandro ndra’ugö sino na ma’ökhö, ba he baẅa ba zi bongi. Irorogö ndra’ugö Yehowa, itimba zi lö sökhi fefu, irorogö nosou”. Yaduhu.   (möi yomo ba nomo,  nidönia’ö  zokhö  omo).
..................(yomo ba nomo).............................
6.	Manunö  : Buku Zinunö No: …..
7.	Huhuo a.       Ya irorogö  dödömi awö gera’erami  fa’ohahau dödö  andrö,  khö Lowalangi, sabölö moroi ba gera’era niha fefu, ba khö Keriso Yesu. Mangandrö ita………Yaduhu b.       Fombaso taroma Li Lowalangi c.       Fanuriagö d.       Fangandrö fanga’aro’ö huhuo +  No mafondrondrongo Li-U.
8.	Manunö  : Buku Zinunö No: ….................
9.	Fangandrö  Salahi + Fangandrö  Zo’aya + Famatenge + Howuhowu
10.	Manunö : Duhu – Duhu – Yaduhu  (tola göi zinunö  tanö  bö ’ö)

Nitöngöni: La’ala’a stola ni’oguna’ö ya’ia zowuge’e (hijau)

---

[1] Model A andre te’oguna’ö na so lala halõŵõ famalua wamokai omo. Andrö lala halõŵõ tebõrõgõ ba golayama nomo, ba awena mufatohu yomo ba nomo.