AGENDRE BA WANAWA NAHIA ZEKOLA MIGU

Table of Contents

 

AGENDRE BA WANAWA NAHIA ZEKOLA MIGU

 

I.          Ba golayama Nomo Zekola Migu

1.	Manunö : Buku Zinunö No: …..
2.	Fangowai + Fanga’aro’ö Wa’owulo (Votum)
	Sondrönia’ö	Ya faofao khömi Lowalangi
	Sato	Ya fao khöu Geheha-Nia
	Sondrönia’ö	No owulo ita ba da’e ba döi Lowalangi Ama, ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Lowalangi, somböi banua si yawa awö danö.
	Sato	Yaduhu
3.	Fombaso Mareko 10:13-16+ V Moze 6:7-9 (nifagemagema, ba tola göi ha sangai halöwö zombaso)
	Sondrönia’ö	Ba la’ohe khö-Nia ndraono, ena’ö Ibabaya: ba lategu zolohe andrö nifahaö-Nia.
	Sato	Ba me i’ila Yesu, ba mofönu Ia, ba Imane khöra: Mifa’amöi khö-Gu ndraono andrö, böi mitenawa ira, ba zi manö sa mbanua Lowalangi andrö.
	Sondrönia’ö	Si ndruhu niwa’ö-Gu khömi, si lö manema banua Lowalangi andrö si mane iraono, ba lö’ö manö lalania ba da’ö.
	Sondr.+Sato	Ba Italagui ira, Ifahowu’ö, Itufa högöra tanga.
	Sondrönia’ö	Ba öfahaö göi ndraonou ba da’ö, itörötörö liu, na yomo so’ö, ba he na ba wekoli; na möi’ö mörö ba na maoso’ö
	Sato	Öböbögö ba dete dangau, tandra, ba ba mbörö nikhumö, amaedola mbala högö;
	Sondrönia’ö	ba ösura ba gehomo nomou, ba ba lagö mbawa göli khöu.
	Sondr.+Sato	Yaduhu.
4.	Manunö : Buku Zinunö No: …..
5.	Famokai  Bawandruhö
	(Ifa’ema nono kusi Tuka khö Panitia, itete khö BPMJ, itete khö pendeta/guru jemaat, awena khö Praeses, ba safuria khö zamalua Fangamoni’ö)
	(Ifahatö ia sangai halöwö ba mbawandruhö nomo, ba imane:)
	Sondrönia’ö	Nahia Zekola Migu andre buala Lowalangi. Andrö da ta’andrö khö Lowalangi, ena’ö Ya’ia zi so ba samahowu’ö nahia wamahaö ba fasumangeta ba Ndraono Zekola Migu.
	Sato	Yaduhu
	Sondrönia’ö	(Tebe’e wiga si so idanö khö zangai halöwö, ba fatua lo itefe mbawandruhö nomo andrö, ba imane): ”Ena’ö si mane  namo mbanua andrö ba hili Heremono, sangele mitou; ba da’ö sa’ae ifa’amöi howuhowu Yehowa, fangorifi, si rugi si lö aetu.”, ba tafotandra da’o faoma fanefe idano: “ba döi Lowalangi Ama (tetefe idano mbawa ndruhö), ba döi nono-Nia Yesu Keriso (tetefe idano mbawa ndruhö), ba ba döi Geheha Ni’amoni’ö (tetefe idano mbawa ndruhö).”   (Ibokai mbawandruhö nomo zekola andrö sangai halöwö, ba imane): “ Tefahowu’ö nomo wamahaö ba fasumangeta Zekola Migu andre,  ya sifalukha fa’ohahau dödö he samahaö ba si manö göi ndraono ni’omasi’ö Keriso.. Yaduhu.   (Tebokai mbawa ndruhö Nomo Zekola, ba möi bakha ndraono Zekola migu awö mbanua niha Keriso, ba kaoniwa fefu)

 

II.            Bakha ba Nomo Zekola Migu

Na no ahori möi bakha Nomo Zekola ndraono zekola migu awö mbanua niha Keriso, möi bakha ”prosesi ibadah” (solohe röfa, Buku Ni’amoni’ö, ba solohe lili). Iraono Sikola migu zolohe. Gasagasa we’amöi bakha zamalua prosesi, ba muzizio zato ba manunö.......

 

(Na no larugi bakha”prosesi ibadah”, ba ladölö ira yawa ba Altar, la’otahögö mbanua niha Keriso. Fatua lö latou’ö ba danga Zangai Huhuo Sebua ”simbol ibadah”, ba lafa’ema wehede lamane):

:

1	Solohe röfa	Röfa andre, no tanda wanörö tödö wamakao Yesu ba röfa ba wangöhöli ba ba wangorifi ya’ita. Imane Taroma Li Lowalangi: “No ihöli ita Keriso, ba wangelifi andrö, ba goroisa andrö, me no tobali ni’elifi Ia, salahida, me no so ba zura: ”Ni’elifi dozi nitawi ba döla geu,” (Galatia 3:13).  (Awai iwa’ö da’ö, ba ibe’e khö zangai huhuo sebua, ena’ö ibe’e ba mzja Altar).
2	Solohe Buku Ni’amoni’ö	Ba mböröta so daroma Li andrö, ba khö Lowalangi daroma Li andrö, ba taroma Li andrö, ba no Lowalangi. (Yoh 1:1) (Awai iwa’ö da’ö, ba ibe’e khö zangai huhuo sebua, ena’ö ibe’e ba meza Altar).
3	Solohe Lili	Lili andre no tanda fangoroma haga. Imane Yesu: “Ya’odo haga nösi guli danö andrö. Solo’ö ya’o, ba lö mowaöwaö ba zogömigömi, so sa’ae khönia haga ba wa’auri andrö. (Yoh 8:12). (Awai iwa’ö da’ö, ba ibe’e khö zangai huhuo sebua, ena’ö ibe’e ba meza Altar).

 

Awai da’ö, ba mudadao zato, ba ladölö ira ba nahia ira solohe simbol ibadah, ba tetohugö:  

 

III.         Famalua Fasumangeta khö Lowalangi molo’ö Agendre Zekola Migu

IV.         Fanema’ö ba Fokubaloi

a.        Fehede famaehagö wamalua tomosa Omo Sikola Migu nifa’ema panitia

b.        Fehede Fanema’ö: (1) …………….. (2) ……………….

c.        Fehede Fokubaloi

 

V.            Fangasiwai.

 

Nitöngöni: La’ala’a stola ni’oguna’ö ya’ia zowuge’e (hijau)