AGENDRE BA WANARU[1] (FOLOHE TANOMÖ BA DANÖ)[2]

Table of Contents

 

AGENDRE BA WANARU[1]

(FOLOHE TANOMÖ BA DANÖ)[2]

(1)   Fangowai

Sondrönia’ö	:	Börö wa’omasi Lowalangi, somböi ölia ulidanö, awö nösinia ma’afefu; andrö wa no tola owulo oi faondra ita ba da’e, ba wangandrö howuhowu Lowalangi ba lala halöwö sedöna tafalua. Andrö börö da’ö, ba wa’owuawua dödö u’owai ami fefu: Ya’ahowu.
Sato	:	Ya’ahowu
Sondrönia’ö	:	Ya faofao khömi Lowalangi…
Sato	:	Ya fao khöu Geheha-Nia.

(2)   Manunö: Buku Zinunö No: 376:1-2 (tola göi numero zinunõ bõ’õ sanandrösa ba wanaru)

 

(3)   Fangahono dödö                                                                                     (muzizio zato)

Sondrönia’ö	:	Da tahonogö dödöda ba wahasambua  khö Lowalangi: “No owulo ita ba da’e ba döi Lowalangi Ama, ba döi nono-Nia Yesu Keriso, ba ba döi Geheha Ni’amoni’ö.
Sato	:	Yaduhu
Sondrönia’ö	:	Ba ibali’ö baŵa nidanö danö si mate; ba tanö si no oköliköli, ba ibali’ö umbu nidanö. Ifataro ba da’ö zolofo, ba lataru’ö mbanua, nahiara. Mangahalö ira ba lafazökhi kabu nagu, ba ero röfi mowua. (Sinunõ 107:35-37)
Sato	:	Manunö: Buku Zinunö No: 24:1 “TASUNO LOWALANGI BA ZORUGO”
Sondrönia’ö	:	Mangandrö ita: He Yehowa Lowalangi, Somböi ba si no umbu howuhowu. No owuloga banua-U ba wanuno Ya’ugö, börö wa’omasi-Mö si lö mo aetufa ba wa’aurima ya’aga banua-U, me lö mamalö Öfahowu’ö lala wohalöwöma zamösana si faudu ba zomasi Ndra’ugö.  Ha ba danga-U manö matou’ö ndra’aga ba wanohugö fa’auri ba halöwöma, me ha Ya’ugö we’ewe’e dödöma.  Andrö ha Ya’ugö So’aya dötönaföma ba wamörögö halöẅö ba wanaru. Ma’andrö fahowu’ö danömö, irege mo’ölö wangahalö mbanua-U, ba döi Yesu Keriso. Yaduhu.

(mudadao zato)

(4)   Fombaso taroma Li Lowalangi:

Sondrönia’ö

:

Da tabaso daroma Li Lowalangi moroi ba zura Zinunö 126:1-6:   Me i’ohe mangawuli Yehowa zangawuli andrö, banua Ziona, ba no hulö zangifi ita.  Fahöna ba mbawama wa’iki ba fahöna ba lelama lualua wa’omuso dödö. Ba lamane niha baero: ”Sebua nilau Yehowa khöra!” Ya’ia, sebua nilau Yehowa khöda, ba omuso dödöda. He Yehowa, ohe mangawuli ni’oloi’ö andrö, si mane na öfuli öfo’idanö mbombo ba danö si raya. Sege’ege ba wanaru, ba ma’iki’iki dania ba wamasi. Mege’ege ia, na möi ia molohe ba danö tanömö andrö, ba na mangawuli, na manao bua nowi ia, ba ma’iki’iki.

(5)   Manunö: Buku Zinunö 24:2

 

(6)   Huhuo

Sondrönia’ö	:	a.       Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita.....Yaduhu. b.      Fombaso Taroma Li Lowalangi c.       Fanuriaigö d.      Fangandrö
Sato		Manunö: “No mafondrondrongo LiU….”

(7)   Fangandrö  

a.       Te’ohe föna danömö

b.      Manunö: Buku Zinunö No: 377:1-3 (tola göi  numero bö’ö).

c.       Darua zangandrö (samösa ndramatua ba samösa ndra alawe)

d.      Itohugö wangandrö Sondrönia’ö, ba i’asiwai faoma fangandrö howuhowu: “Ya Lowalangi zamahowu’ö tanömö andre, irege mo’ölö ba mowua börö Zo’aya ya’ita Yesu Keriso. Yaduhu.”

e.       Manunö Buku Zinunö 377:4-5 (ba gasagasa da’ö mangawuli ba nahia zondrönia’ö fangandrö).

 

(8)   Fangandrö Salahi + Fangandrö Zo’aya + Famatenge ba Howuhowu

Sondrönia’ö Sato	:   :	Muzizio zato, mangandrö ita: “…………”, ba döi Zo’aya ya’ita Yesu Keriso, si no mamahaö ya’ita ba wangandrö, ta’endrongagö lida tamane: “He Ama khöma si so ba zorugo. Ya te’amoni’ö Döi-U, ya tobali banua-U fefu niha. Ya’itörö zomasi Ndra’ugö hulö ba zorugo, ya simanö göi ba gulidanö. Öma sirugi ma’ökhö be’e khöma ma’ökhö andre, ba efa’ö khöma horöma si mane fangefa’öma sala ba zi so sala ba khöma. Böi ohe ndra’aga ba wanandraigö, efa’öga ba zi lö sökhi. Me Ya’ugö zamatörö banua-U, ba sokhö fa’abölö, awö lakhömi, irugi zi lö aetu. Yaduhu.
Sondrönia’ö	:	Mifuli ami si fao fa’ohahau dödö, ba mitöngöni daroma Li Lowalangi, me’iwa’ö: “Ba fefu hadia ia nilaumi, he taroma li, ba he halöwö, ba ba döi Yesu, So’aya, milau ia, fefu, wangandrö saohagölö khö Lowalangi Ama; Yesu zama’ema.” Ba mitema howuhowu Lowalangi:   ·      Ya mufahowu’ö ami (ita) Lowalangi, Ya murorogö ami (ita) ·      Ya mufohaga mbawa-Nia khömi (khöda), Ya mu’ebua’ö dödö-Nia khömi (khöda) ·      Ya mufalemba hörö-Nia khömi (khöda), Ya mube’e wa’ohahau dödö khömi (khöda) fefu. Y a d u h u ! (ma  zui ) Ya falukha ami (ita) fefu wa’ebua dödö Zo’aya ya’ita Yesu Keriso ba fa’omasi Lowalangi Ama ba fa’awösa Geheha Ni’amoni’ö. Yaduhu.
Sato		Manunö: Buku Zinunö numero: 248:1
Sondrönia’ö		Ya’ahowu
Sato		Ya’ahowu

Nitöngöni: La’ala’a stola ni’oguna’ö ya’ia zowuge’e (hijau)

 

---

[1] Tefalua barõ migu fatua lõ migu owasa wanaru, nifalua ba Gosali.

[2] Dozi mbanua niha Keriso sedõna manaru tanõmõ, ena’õ la’ohe danõmõ andrõ ba Gosali ba wamahowu’õ ba na no awai Agendre ba lafuli la’ohe mangawuli.