AGENDRE BA WAME’E GÖ ZATUA (FANGOTOME’Ö)

Table of Contents

 

AGENDRE BA WAME’E GÖ ZATUA

(FANGOTOME’Ö)

I.          Fehede Famasao : Moroi ba Wongambatö

 

II.       Fasumangeta Khö Lowalangi

 

(1)   Fangowai

Sondrönia’ö	:	Moroi ba wa’omasi Lowalangi wa no tola owulo ita oi faondra ba ngai zatua andre ni’omasi’öda. U’owai ami ba döi  Zo’aya ya’ita Yesu Keriso. Ya’ahowu.
Sato	:	Ya’ahowu
Sondrönia’ö	:	Ya faofao khömi Lowalangi
Sato		Ya fao khöu Geheha-Nia.

(2)   Manunö: Buku Zinunö No……….

 

(3)   Fanga’aro’ö  ba Wa’owulo + Fangandrö                                            (muzizio zato)

Sondrönia’ö	:	Da tahonogö dödöda ba wahasambua  khö Lowalangi: “No owulo ita ba da’e ba döi Lowalangi Ama, ba döi nono-Nia Yesu Keriso, ba ba döi Geheha Ni’amoni’ö.
Sato	:	Yaduhu.
Sondrönia’ö	:	Fosumange namau, awö ninau ba: Omasi’ö zahatö khöu, si mane fa’omasiu ndra’ugö! (Mat 19:19)
Sato	:	Manunö BZ No.21: LOWALANGIDA NO FA’OMASI
Sondrönia’ö	:	Mangandrö ita: He Yehowa Lowalangi, sebua fa’omasi, somböi ba sokhö fa’aurima. Nisuno nifolakhömi döi-Mö andrö ni’amoni’ö ba wa’ebua dödö-U si no falukha ndra’aga, mendrua manö zatua andre A/I …………... si no falukha fa’omasi-Mö ba zi sandrohu fa’aurira. No owulo oi faondra ndra’aga awö zoroiyomora fefu ba wamolakhömi Ama ba Zorugo, börö howuhowu si no falukha ira. Edöna ndraono andre wamalua fa’omasi khö zatuara si no alaẅa döfi. Andrö ma’andrö khö-U, fahowu’ö halöẅö andre nifalua ba döi Zo’aya ya’aga Yesu Keriso, ba ya tobali famolakhömi Nama ba Zorugo. Yaduhu.

(mudadao zato)

(4)   Fombaso Taroma Li Lowalangi (Efeso 6:2-3 + Amaedola 23:22-26) – nifagemagema, ba tola ha sangai Agendre zombaso fefu.

Sondrönia’ö	:	Fosumange namau, awö ninau, da’ö mböröta goroisa si so amabu’ula li: ”ena’ö ohahau dödöu, ba ena’ö anau nosou, ba guli danö.” (Ef 6:2-3)
Sato	:	Yaduhu
Sondrönia’ö		Fondrondrongo li namau so ono ya’ugö, ba böi ositengagö ninau, na atua ia. (Amd 23:22)
Iraono (ösi nomo)	:	Ma’omasi’o zatuama moroi ba dödöma
Sato	:	Si duhu öli, ba böi fuli amawa, fa’atuatua ba fangenanö ba fa’aboto ba dödö. (Amd 23:23)
Sondrönia’ö	:	Owuawua sibai dödö zi so’ono satulö tödö; ba si no mo’ono satuatua, ba omuso dödö khönia. (Amd 23:24)
Iraono (ösi nomo)	:	Ma’omasi’o zatuama moroi ba dödöma
Sato	:	Ya omuso dödö ndra amau inau, ba ya owuawua dödö zadono ya’ugö. (Amd 23:25)
Iraono (ösi nomo)	:	Ma’omasi’o zatuama moroi ba dödöma
Sondrönia’ö	:	Khögu be’e dödöu, ya’ugö onogu, ba ya omasi höröu lala andrö khögu (Amd 23:26)
Iraono (ösi nomo)	:	Yaduhu.

(5)   Manunö: Buku Zinunö No…………..

 

 

(6)   Huhuo

Sondrönia’ö

:

a.       Ya Irorogö dödömi awö gera’erami faohahau dödö andrö khö Lowalangi, sabölö moroi ba gera’era niha fefu ba khö Keriso Yesu. Mangandrö ita ……….Yaduhu. b.      Fombaso Taroma Li Lowalangi c.       Fanuriagö/Angerönua d.      Fangandrö + No mafondrondrongo Li-U

(7)   Famalua Fame’e Gö (Fangotome’ö)

Samösa moroi ba nösi nomo	:	Iada’e, me no hasara dödöda ya’ita si fatalifusö fefu, ba moguna mafaehagö khö ndra sibaya, talifusö, si tenga bö’ö, sohalöwö ba gosali, salawa ba fefu nono wobanuasa. Wa tenga sondröi lala wamati, ba tenga sangawuli ba huku föna nifalua andre. Hiza’i ba wamalua masimasi ndraono ba zatua, awö ba wanga’aro’ö fahasaradödö ndraono awö ma’uwu. Ba mendrua manö ba wangandrö salahi zatua andre, si no falukha fa’atua ba fa’atebai. Ena’ö lö mamalö si falukha howuhowu Lowalangi.  Andrö da tafalua halöẅö ba wangomasi’ö satua……..(tefatohu si mane si no to’ölö ba nono niha……)
Sondrönia’ö	:	Ba me no awai halöẅö si no lafalua iraono awö dalifusö fefu, ba iada’e tasuno Lowalangi, manunö ita moroi ba Mbuku Zinunö numero:………..
		Mangandrö zatua ba ndraononia…….. ba itohugö sondrönia’ö…..

(8)   Manunö: Buku Zinunö No……………

(9)   Fangandrö Salahi + Fangandrö Zo’aya + Famatenge + Howuhowu

 

Sondrönia’ö   Sato	:   :	Muzizio zato, Mangandrö ita: “……………”  ba döi Zo’aya ya’aga Yesu Keriso, si no mamahaö ya’aga ba wangandrö, mamane:
Sondrönia’ö	:	Mi’angawuli si fao fa’ohahau dödö, ba ya mo’ahonoa ami ba wamati ba ba wa’omasi. Mitema howuhowu Lowalangi: ·         Ya mufahowu’ö ami (ita) Lowalangi, Ya murorogö ami (ita) ·         Ya mufohaga mbawa-Nia khömi (khöda), Ya mu’ebua’ö dödö-Nia khömi (khöda) ·         Ya mufalemba hörö-Nia khömi (khöda), Ya mube’e wa’ohahau dödö khömi (khöda) fefu. Y a d u h u !   (ma  zui ) Ya falukha ami (ita) fefu wa’ebua dödö Zo’aya ya’ita Yesu Keriso ba fa’omasi Lowalangi Ama ba fa’awösa Geheha Ni’amoni’ö. Yaduhu.
Sato		Manunö BZ 246:1 : BA DANGA LOWALANGI
Sondrönia’ö		Ya’ahowu
Sato		Ya’ahowu

III.    Fangasiwai Lala Halöwö[1] (Nidönia’ö moroi ba nösi nomo)

 

Nitöngöni: La’ala’a stola ni’oguna’ö ya’ia zowuge’e (hijau)

 

---

[1] Tola göi tefatohu faoma Huhuo Fanema’ö awö menemene