AGENDRE BA WAMATÖRÖ TÖI NDRAONO

Table of Contents

 

AGENDRE BA WAMATÖRÖ TÖI NDRAONO

1.      Famörögö

(Fehede famaehagö moroi ba keluarga)         

 

2.      Fasumangeta khö Lowalangi

 

(1)   Fangowai

Sondrönia’ö	:	Moroi ba wa’omasi Lowalangi, fao ita ba wa’owuawua dödö wongambatö ba nahia andre, andrö u’owai ami ba döi Zo’aya ya’ita Yesu Keriso. Ya’ahowu
Sato	:	Ya’ahowu
Sondrönia’ö	:	Ya faofao khömi Lowalangi
Sato		Ya fao khöu Geheha-Nia.

(2)   Manunö: Mbuku Zinunö No: 14:1-2 (ba tola göi numero bö’ö)

 

(3)   Fanga’aro’ö  Wa’owulo + Fangandrö                                            (Muzizio zato)

Sondrönia’ö	:	Da tahonogö dödöda ba wahasambua khö Lowalangi: “No owulo ita ba da’e ba döi Lowalangi Ama, ba döi nono-Nia Yesu Keriso, ba ba döi Geheha Ni’amoni’ö.
Sato	:	Yaduhu.
Sondrönia’ö	:	Mi’andrö saoha gölö khö Yehowa, me si sökhi tödö Ia; me no si lö aetu wa’ebua dödö-Nia andrö! (Sin. 136, 1).
Sato		Manunö BZ. No:  164:1-2 (ba tola göi numero bö’ö)
Sondrönia’ö	:	Mangandrö ita: He Yehowa Lowalangi sebua fa’omasi. Ma’angaröfili döi-Mö ni’amoni’ö, ba wanuno ya’ugö, ba wangandrö saohagölö fa’ebua dodo-Mö khöma fefu. No owuloga ba nahia dalifusö andre ………… (mutötöi döi wongambatö) ………..ba we fao ba wa’omuso dödö, me no mamuala ndra’ugö fa’ebua dödö-U, ya’ia nono andre si no ö’amualagö khöra. Ma’andrö saohagölö ba be’e khöma wa’owuawua dödö ba wamalua famatörö töi nono andre.   Ma’andrö Khö-U, ena’ö lömamalö Örorogö ba Öfahowu’ö he satua ba mendrua manö nono andre, ena’ö tobali iraono sangata’ufi Ya’ugö ba khö Zo’aya ya’aga Yesu Keriso. Yaduhu.

(mudadao zato)

 

(4)   Fomaso Taroma Li Lowalangi  (Nifagemagema, ba tola göi ha sondrönia’ö zombaso)

Sondrönia’ö	:	Hiza, okhöta nibe’e Yehowa ndraono, böli gölö nga’ötö andrö (Sin 127:3)
Fongambatö	:	Owuawua dödögu ibe’e Yehowa; no alaẅa yaẅa dandrugu Ibe’e Lowalangigu… (1 Sam 2:1a).
Sato	:	Suno Yehowa, ya’ugö tödögu, ba hadia ia zi so bakha ba dödögu, fefu, ba ya musuno döi-Nia ni’amoni’ö andrö! (Sin 103:1)
Sondrönia’ö	:	Si mane fa’alaẅa mbanua si yaẅa sa, yaẅa danö, si manö wa’ebua dödö-Nia ba zangata’ufi ya’ia (Sin 103:11)
Fongambatö	:	Si mane otaluara gatumbukha gaekhula, si manö wa’ebua gotaluada lalöda Ibe’e (Sin 103:12)
Sato	:	Si mane fa’ahakhö dödö nama nononia, si manö wa’ahakhö dödö Yehowa zangata’ufi ya’ia (Sin 103:13)
Endronga fefu	:	Misuno Yehowa, ya’ami nifazökhi-Nia fefu, fefu gofu heza, ba gamatöröwa-Nia. Suno Yehowa, ya’ugö tödögu! (Sin. 103:22). Yaduhu.

 

(5)   Manunö: Buku Zinunö 164:3 (Tola göi zinunö bö’ö)

 

(6)   Huhuo

a.       Ya’irorogö dödömi awö gera’erami fa’ohahau dödö andrö, khö Lowalangi sabölö moroi ba gera’era niha fefu, ba khö Keriso Yesu. Mangandrö ita………….Yaduhu. b.       Fombaso taroma Li Lowalangi c.       Fanuriagö/Angerönua d.       Fangandrö e.       No mafondrondrongo Li-U.

(7)   Famatörö Töi + Fangandrö

a.    Famagölö wame’e töi (keluarga)

b.    Fangombakha töi ba zato

c.    Manunö Buku Zinunö 16:1-2

d.    Fangandrö  (moroi ba keluarga + Sangai Halöwö)

 

(8)   Manunö : Buku Zinunö No: 166:3

 

(9)   Fangandrö Salahi + Fangandrö Zo’aya + Famatenge + Howuhowu     

Sondrönia’ö   Sato	:   :	Muzizio zato, mangandrö ita: “………………………”  ba döi Zo’aya ya’aga Yesu Keriso si no mamahaö ndra’aga ba wa’amasa, mamane: “He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö  banua-U, ba sokhö fa’abölö, awö lakhömi, irugi zi lö aetu.  Yaduhu.
Sondrönia’ö	:	Mi’angawuli si fao fa’ohahau dödö, ba yamo’ahonoa ami ba wamati ba lala wa’auri sero ma’ökhö, ba mitema howuhowu Lowalangi: v  Ya mufahowu’ö ami (ita) Lowalangi, Ya murorogö ami (ita) v  Ya mufohaga mbawa-Nia khömi (khöda), Ya mu’ebua’ö dödö-Nia khömi (khöda) v  Ya mufalemba hörö-Nia khömi (khöda), Ya mube’e wa’ohahau dödö khömi (khöda) fefu. Y a d u h u !

(10)   Manunö: Duhu – Duhu – Yaduhu (tola göi zinunö tanö bö’ö)

Nitöngöni: La’ala’a stola ni’oguna’ö ya’ia zowuge’e (hijau)