AGENDRE BA WAMALUA FAME’E LAEDURU

Table of Contents

 

AGENDRE BA WAMALUA FAME’E LAEDURU

 

(1)   Fangowai

Sondrönia’ö	:	Börö wa’ebua dödö Lowalangi, wa no owulo ita oi faondra, fao ba wa’owua dödö khö ndra talifusö ba nahia andre. Andrö u’owai ami ba döi Zo’aya ya’ita Yesu Keriso. Ya’ahowu.
Sato	:	Ya’ahowu
Sondrönia’ö	:	Ya faofao khömi Lowalangi
Sato	:	Ya faofao khöu Geheha-Nia.

(2)   Manunö          : Moroi ba Mbuku Zinunö No………

 

(3)   Fanga’aro’ö  Wa’owulo + Fangandrö

Sondrönia’ö	:	Da tahonogö dödöda ba wahasambua khö Lowalangi: “No owulo ita ba da’e ba döi Lowalangi Ama, ba döi nono-Nia Yesu Keriso, ba ba döi Geheha Ni’amoni’ö.
Sato	:	Yaduhu.
Sondrönia’ö	:	Fa böi aefa khöu wa’omasi ba fa lö faröi; be’e aya ba mbagi khöu, ba ba naha zura ba dödöu tanö ia. Ba ösöndra wa’ebua dödö ba fa’afaduhu dödö, ba Lowalangi ba ba niha. (Amaedola 3:3-4)
Sato	:	Manuno BZ No: 21:1 Lowalangida no fa’omasi, Lowalangida wa’omasi Andrö samuzatö ufaduhu’ö, Lowalangida wa’omasi.
Sondrönia’ö	:	Mangandrö ita: He Yehowa Lowalangi, sebua fa’omasi. No owulo ndra’aga ba nahia andre, ba wamalua famakhai fa’asitengabõ’õ khõ ndra talifusö sotöi ……… faoma………… nifalua faoma fame’e laeduru. Ma’andrö howuhowu si’otarai Nama ba khöra andre si fawu’u li, ena’ö larorogö wa’omasi, fa’ohauhau, ba fa lö faröi, irege te’a’aro’ö ba tefahowu’ö waböbösara ginötö  miföna si faudu ba zomasi Ndra’ugö, ba khö Zo’aya ya’aga Yesu Keriso. Yaduhu

(4)   Manunö Buku Zinunö No: …….

 

(5)   Huhuo

Sondrönia’ö	:	a.       Ya’Irorogö dödömi awö gera’erami fa’ohahau dödö andrö khö Lowalangi, sabölö moroi ba gera’era niha fefu, ba khö Keriso Yesu. Mangandrö ita……………..Yaduhu. b.      Fombaso Taroma Li Lowalangi c.       Fanuriagö d.      Fangandrö
Sato		Manuno: No mafondrondrongo Li-U

 

(6)   Famalua fame’e laeduru[1]

 

(7)   Mangandrö (Zowatö)

 

(8)   Manunö BZ. No: …………

 

(9)   Fangandrö Salahi + Fangandrö Zo’aya + Howuhowu

 

Sondrönia’ö Sato	:   :	Muzizio zato, mangandrö ita: “………………………”  ba döi Zo’aya ya’aga Yesu Keriso si no mamahaö ya’aga  ba wa’amasa, mamane: “He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lö sökhi. Me ya’ugö zamatörö  banua-U, ba sokhö fa’abölö, awö lakhömi, irugi zi lö aetu.  Yaduhu.
Sondrönia’ö	:	Mi’angawuli si fao fa’ohahau dödö, ba yamo’ahonoa ami ba wamati ba lala wa’auri sero ma’ökhö, ba mitema howuhowu Lowalangi:   v  Ya mufahowu’ö ami (ita) Lowalangi, Ya murorogö ami (ita) v  Ya mufohaga mbawa-Nia khömi (khöda), Ya mu’ebua’ö dödö-Nia khömi (khöda) v  Ya mufalemba hörö-Nia khömi (khöda), Ya mube’e wa’ohahau dödö khömi (khöda) fefu. Y a d u h u !   (ma  zui )   Ya falukha ami (ita) fefu wa’ebua dödö Zo’aya ya’ita Yesu Keriso ba fa’omasi Lowalangi Ama ba fa’awösa Geheha Ni’amoni’ö. Yaduhu.
Sato		Manunö : Duhu……Duhu……Duhu…     (tola göi zinunö tanö bö’ö)
Sondrönia’ö		Ya’ahowu
Sato		Ya’ahowu.

 

Nitöngöni: La’ala’a stola ni’oguna’ö ya’ia zowuge’e (hijau)

 

 

---

[1] Famalua halöẅö andre, ba tefaudugu ba zi to’ölö ba zi sambusambua banua. Dumaduma: (1) Fahuhuosa ndra satua hada wahasara dödö zi dombua ngasi (2) Awena ifasao/ibe’e laeduru ono matua/mazui ina khö nina nono alawe ; (3) Aefa da’ö ba I’ombakha’ö khö ndra talifusönia ina nono alawe wa no itema laeduru, (4) Awena ibe’e laeduru andrö khö Pendeta/Gr.Jem (enoni sangai halöwö). (5) Awena Sangai halöwö – ibe’e laeduru ba danga nono matua, ena’ö ibe’e ba duru nono alawe laeduru andrö, ba imane: “Ube’e laeduru andre, tanda wa’omasi, ba fawu’uli ndra’o föna Lowalangi ba ba zanehe niha wa ufalua wa’atulö ba fa’ohauhau, ba lö faröi ndra’o irege alua walöwa si faudu ba zomasi Lowalangi.”  Ba na ibe’e gõi laeduru ono alawe kho matuania ono matua, ba tola ifalua wawu’usa li simane si no ifaehagö ono matua.