AGENDRE BA WA NOU’Ö SIA’A GARA BA DOMOSA (Omo, Omo Zohalöẅö, Sekola Migu, Gödo, ba Osali)

Table of Contents

 

AGENDRE BA WA NOU’Ö SIA’A GARA BA DOMOSA

(Omo, Omo Zohalöẅö, Sekola Migu, Gödo, ba Osali)

 

 

(Ira sohalöẅö ba gosali, awö ndra sangehao omo/banua niha Keriso numalö ba nahia wangehao omo/tomosa).

 

1.      Manunö BZ No: 3:1-2

2.      Fangowai ba Fangahono Dödö

Sondrönia’ö	Ba döi Zo’aya ya’ita Yesu Keriso, u’owai ami fefu: Ya’ahowu!
Sato	Ya’ahowu
Sondrönia’ö	Ya faofao khömi Lowalangi
Sato	Ya fao khöu Geheha-Nia
Sondrönia’ö	Fangorifida ha ba döi Lowalangi, somböi banua si yaẅa awö danö.
Sato	Yaduhu
Sondrönia’ö	Na tenga Yehowa zangotomosi omo, ba zayazaya gölö halöẅö zotomo andrö. Na tenga Yehowa zanaro banua ba zayazaya gölö wa lö mörö zanaro andrö. (Sin 127:1), Haleluya...........
Sato	Manunö: Haleluya – Haleluya – Haleluya
Sondrönia’ö	Mangandrö ita: 1)      Fangandrö ba wangotomosi omo, ba ma omo ndra sohalöẅö He Yehowa Lowalangima si so ba Zorugo. Masuno mafolakhömi Döi-Mö andrö, ba wa’ebua dödö-U si no falukha ndra’aga banua-U.  No Ya’ugö zomböi ölia ulidanö, ba no Öfa’anö nahia ba niwöwöi-Mö, me ohitö dödö-U na falukha wa’ohahau dödö mbanua-U. Andrö wa owulo ndra’aga ba nahia andre, ba wamörögö halöẅö fangotomosi omo, nahia mbanua-U, ba ma fobörö ia faoma fanou’ö sia’a gara. Aboto ba dödöma So’aya wa zayazaya gölö fefu zi no ifakhoi tödöma na tenga Ya’ugö, So’aya Lowalangima zi fao ba samahowu’ö ya’aga. Andrö ma’andrö ba wa’ahakhö dödö-U, ena’ö Ya’ugö zamobörö ba Ya’ugö zamahowu’ö talifusöma/ira talifusöma ……………. (töi/fongambatö/panitia zangehao tomosa) ba wango’ozui tomosa andre. Fangandröma andre ma fodanedane ha ba döi Zo’aya ya’aga Yesu Keriso. Yaduhu. 2)      Fangandrö na tomosa sekola migu He Yehowa Lowalangima si so ba Zorugo. Nisuno nifolakhömi Ndra’ugö ba wa’ebua dödö-U ba mbanua-U, he ba zi no bihasa ba si manö göi ba ndraono. Aboto ba dödöma So’aya wa no Ö’omasi’ö ndraono mbanua-U, ba no göi Öfabu’u khöra wangorifi andrö. No Ökaoni ba Öfatenge mbanua-U Niha Keriso ba wamaeri ba ba wamahaö iraono andre, ena’ö tobali iraono sangata’ufi Ya’ugö ira. Andrö wa no hasara dödö mbanua-U ba Jemaat.........Resort……..ba wamörögö nahia Sekola Migu, nahia wasumangeta ba famaha’ö ndraono mbanua-U. Ma’andrö khö-U So’aya, fahowu’ö mbanua-U ma’afefu ena’ö lö mamalö wahasara dödö ba wangehao omo Sekola Migu andre, irege tola te’asiwai si faudu ba zomasi Nama ba Zorugo. Fangandröma andre ma fodanedane ha ba döi Zo’aya ya’aga Yesu Keriso. Yaduhu. 3)      Fangandrö na tomosa Osali, ba ma Gödo He Yehowa Lowalangi, ni’amoni’ö, somböi banua si yaẅa awö danö. No owulo ndra’aga banua-U ba nahia andre, me no hasara dödö ba wamörögö Tomosa Gosali/Gödo Jemaat…….. Resort……., si tobali omo wangandrö ba fasumangeta khö Lowalangima.  Aboto ba dödöma So’aya, na tenga Ya’ugö zamobörö, sangehao ba sango’ozui tomosa andre, ba zayazaya gölö fefu zi no mafakhoi ya’aga banua-U niha Keriso, nidönia’ö ndrotondro panitia. Andrö ma’andrö wa’ahakhö dödö Nama ba Zorugo, ena’ö Ya’ugö zamahowu’ö banua-U ba wamörögö fanou’ö sia’a gara andre. Fahowu’ö ndrotondroto panitia awö ndrotondroto zohalöẅö, irege tola te’asiwai domosa andre, si faudu ba zomasi Lowalangi. Yaduhu

 

3.      Manunö: BZ. No. 385 ma zui 387

4.      Fanou’ö Sia’a Gara

Sondrönia’ö

Fombaso Taroma Li Lowalangi: Da tafodanedane wanou’ö  sia’a gara andre faoma taroma Li Lowalangi moroi ba zura Zinunö 127:1-2 + Kolose 3:17 Ø  Na tenga Yehowa zangotomosi omo, ba zayazaya gölö halöẅö zotomo andrö. Na tenga Yehowa zanaro banua ba zayazaya gölö wa lö mörö zanaro andrö. Zayazaya gölö wa ahulö maoso ami, awö wa alawa mbongi möi mörö, wemanga ölömi, serege dödömi, si manö göi wame’e-Nia ba zomasi ia, barö wemörö (Sin 127:1-2) Ø  Ba fefu hadia ia nilaumi, he taroma li, ba he halöwö, ba ba döi Yesu, So’aya, milau ia, fefu, wangandrö saohagölö khö Lowalangi Ama; Yesu zama’ema. (Kol 3:17).   Fanou’ö  Si’a’a Gara: 1)      Na ba Nomo/Omo Zohalöẅö Ibörögö Sangai Halöẅö, ba imane: “Da tatou’ö  zi’aga gara andre ba domosa khö……../ba nomo zohalöẅö……, ba tafalua ia ba döi Lowalangi Ama, ba döi Zo’aya ya’ita Yesu Keriso, ba ba döi Geheha Ni’amoni’ö. Yaduhu. (Itete satua/talifusö/panitia ba ma kaoniẅa si so ba wanou’ö kara.) 2)      Na Tomosa Sekola Migu Ibörögö Sangai Halöẅö, imane: “Da tabörögö wamasindro tomosa Sekola Migu andre, tatou’ö zia’a gara, ba tafalua ia ba döi Lowalangi Ama, ba döi Zo’aya ya’ita Yesu Keriso, ba ba döi Geheha Ni’amoni’ö. Yaduhu” (Itete BPMJ, personalia Komisi Pelayanan Anak, panitia, sanalahini banua niha Keriso awö kaoniẅa) 3)      Na Tomosa Gosali ba ma Gödo Ibörögö Sangai Halöẅö (BPHMS, ma Praeses, ma Pendeta Jemaat/Guru Jemaat), ba imane “Da tabörögö wamasindro tomosa Gosali/Gödo Jemaat……. Resort……. Tatou’ö zia’a gara, tafalua ba döi Lowalangi Ama, ba döi Zo’aya ya’ita Yesu Keriso, ba ba döi Geheha Ni’amoni’ö. Yaduhu (itete sanalahini BPMR, Majelis, BPMJ, Panitia, sanalahini banua niha Keriso awö kaoniẅa)

Sondrönia’ö

Ya okafukafu, ya odöẅadöẅa, ba ya ohahau dödö wanohugö tomosa andre, ya lö mamalö watolosa ba howuhowu soroi Lowalangi. Yaduhu.

 

 

5.      Fangandrö Salahi + Fangandrö Zo’aya + Howuhowu

Sondrönia’ö	Mangandrö ita: “…………………..” ba döi Yesu Keriso, si no mamahaö ya’aga ba wa’amasa mamane: “He Ama khöma…..”
Sondrönia’ö	Mifuli ami, mifalua halöẅö  domosa andre sodanedane ba wamati ba fa’awösa Zo’aya ya’ita Yesu Keriso, ba mitema howuhowu: “Yamufahowu’ö ami/ita…….. Yaduhu.
Sato	Manunö BZ No: 386 (tola sinunö tanö bö’ö si faudu ba lala nifalua).

 

 

Nitöngöni: La’ala’a stola ni’oguna’ö ya’ia zowuge’e (hijau)